ആദ്യം സ്നേഹം നടിച്ച് അടുത്തുകൂടി... പിന്നെ വശീകരിച്ച് മൂന്നാറിലെത്തിച്ച് ലോഡ്ജില് മുറിയെടുത്തു; ; പിന്നെ സംഭവിച്ചതൊക്കെ ഒരൊന്നൊന്നര പുകിലാ...
പ്രതികളെ ദേവികുളം മജിസ്ട്രേറ്റ് മുന്പാകെ ഹാജരാക്കിയശേഷം തെളിവെടുപ്പിനായി തിരികെ വാങ്ങി. പണം തട്ടിയെടുക്കാന് പ്രവര്ത്തിക്കുന്ന ഗൂഢസംഘങ്ങളാണോ സംഭവത്തിനു പിന്നിലുള്ളതെന്ന് പോലീസ് സംശയിക്കുന്നു. യുവതി സംഘത്തിന്റെ ഭാഗമാണോ അതോ കെണിയായി ഉപയോഗിക്കുകയായിരുന്നോ എന്നും സംശയിക്കുന്നുണ്ട്. ഇത്തരത്തില് മുന്പും സംഭവങ്ങളുണ്ടായിട്ടുള്ളതായും യുവതിയുടെ പെരുമാറ്റത്തില്നിന്നും അത് മനസിലായിട്ടുള്ളതായും പരാതിക്കാരന് പോലീസിനോടു പറഞ്ഞു. എറണാകുളം സ്വദേശിയാണ് മൂന്നാര് പോലീസില് പരാതി നല്കിയത്. എറണാകുളത്തു തന്നെയുള്ള യുവതിയാണ് യുവാവിനെ പ്രലോഭിപ്പിച്ച് മൂന്നാറിലെത്തിച്ചത്. പരാതിയുടെ അടിസ്ഥാനത്തില് കേസെടുത്ത് അന്വേഷണം ആരംഭിച്ച മൂന്നാര് പോലീസ് നാലുപേരെ പിടികൂടി. ടൂറിസ്റ്റ് ഗൈഡായി ജോലി ചെയ്തുവരുന്ന സൈമണ് (20), നിബിന് (18), സുബിന് (20), അബിന് (19) എന്നിവരാണ് പിടിയിലായത്. കഴിഞ്ഞ മേയ് 28-നാണ് യുവതി യുവാവിനെകൂട്ടി മൂന്നാറിലെത്തിയത്. മൂന്നാര് കോളനിയിലെ ഒരു ലോഡ്ജില് മുറിയെടുക്കുകയും ചെയ്തു.
മുറിയില് കടന്ന് അല്പസമയത്തിനകം യുവതിയോടൊപ്പം എത്തിയ എറണാകുളം സ്വദേശികളായ രണ്ടുപേര് മുറിയിലെത്തി കതകടച്ച് യുവാവിനെ ബലമായി കീഴ്പെടുത്തി കഴുത്തിലുണ്ടായിരുന്ന സ്വര്ണമാല തട്ടിയെടുത്തു. യുവാവിന്റെ എടിഎം കാര്ഡ് തട്ടിയെടുത്ത് 20,000 രൂപയും പിന്വലിച്ചു. മൂന്നാറില് ടൂറിസ്റ്റ് ഗൈഡുകളായി പ്രവര്ത്തിച്ചിരുന്ന യുവാക്കളുടെ ഒത്താശയോടെയാണ് പണവും ആഭരണങ്ങളും തട്ടിയെടുത്തത്. സംഭവം നടക്കുന്പോള് ഒന്നുമറിയാത്ത ഭാവത്തിലും ഭയംനടിച്ചുംനിന്ന യുവതിയെക്കുറിച്ച് പരാതിക്കാരന് സംശയം തോന്നിയിരുന്നില്ല. പിന്നീട് യുവതിയുടെ സ്വഭാവത്തില് പന്തികേട് കണ്ട യുവാവ് മൂന്നാറിലെത്തി പോലീസില് പരാതി നല്കുകയായിരുന്നു. മൂന്നാറിലുള്ളവരുമായി യുവതി ഇടപഴകിയ രീതിയും യുവാവിന് സംശയം ജനിപ്പിച്ചിരുന്നു.
https://www.facebook.com/Malayalivartha
