ഒമാനിലേക്കു പോയ വായു ചുഴലിക്കാറ്റ് ഗുജറാത്ത് തീരം ലക്ഷ്യമിട്ടു തിരിച്ചുവരുന്നു... അടുത്ത 48 മണിക്കൂറിനുള്ളില് വായു ശക്തമായി തിരിച്ചെത്തുമെന്നാണു മുന്നറിയിപ്പ്
ഒമാനിലേക്കു പോയ വായു ചുഴലിക്കാറ്റ് ഗുജറാത്ത് തീരം ലക്ഷ്യമിട്ടു തിരിച്ചുവരുന്നു. അടുത്ത 48 മണിക്കൂറിനുള്ളില് വായു ശക്തമായി തിരിച്ചെത്തുമെന്നാണു മുന്നറിയിപ്പ്. ഈ മാസം 16, 17, 18 തീയതികളിലായി വായു തിരിച്ചെത്തിയേക്കാമെന്നു ഭൗമശാസ്ത്ര മന്ത്രാലയ സെക്രട്ടറി എം. രാജീവന് അറിയിച്ചു. പടിഞ്ഞാറന് മേഖലയിലേയ്ക്ക് നീങ്ങുന്ന ചുഴലിക്കാറ്റ് ഞായറാഴ്ചയോടെ മണിക്കൂറില് 80-90 കിലോമീറ്റര് വേഗത കൈവരിക്കും. അടുത്ത വ്യാഴാഴ്ചയോടെ കാറ്റ് ഗുജറാത്ത് തീരത്തെത്തുമെന്നാണ് കരുതുന്നത്. തുടര്ന്ന് മണിക്കൂറില് 50-60 മുതല് 70 കിലോമീറ്റര് വരെ വേഗതയില് പോര്ബന്ദര്, ദ്വാരക ജില്ലകളില് വീശും. പിന്നീട് വേഗത കുറഞ്ഞ് 30-40 കി. മീ വേഗതയില് സോമനാഥ്, ജുനാഗഢ് എന്നിവിടങ്ങളില് വീശും. അടുത്ത 48 മണിക്കൂറില് പടിഞ്ഞാറന് മേഖലയിലേയ്ക്ക നീങ്ങുന്ന കാറ്റ് പിന്നീട് വടക്ക് കിഴക്ക് ദിശയിലേയ്ക്ക് തിരിയുമെന്നും കാലാവസ്ഥാ നീരീക്ഷണ വിഭാഗം പറയുന്നു. പിന്നീട് ക്രമേണ കാറ്റിന്റ വേഗത കുറയുമെന്നും കാലാവസ്ഥാ വകുപ്പ് വ്യക്തമാക്കുന്നു.
വായു ചുഴലിക്കാറ്റിനെ നേരിടാനുള്ള മുന്നൊരുക്കങ്ങള് നടത്തിയതായി ഗുജറാത്ത് മുഖ്യമന്ത്രി വിജയ് രൂപാണി പറഞ്ഞു. ദേശീയ ദുരന്ത പ്രതികരണ സേനയുടെ സംഘങ്ങള് തയ്യാറാണ്. തീരദേശത്തുനിന്ന് രണ്ടു ലക്ഷത്തിലധികം പേരെ മാറ്റിപ്പാര്പ്പിച്ചിട്ടുണ്ട്. അടുത്ത 48 മണിക്കൂര് സമയത്തേക്ക് തീരപ്രദേശത്ത് കര്ശന ജാഗ്രത ഏര്പ്പെടുത്തിയിട്ടുള്ളതായും മുഖ്യമന്ത്രി അറിയിച്ചു.
13ാം തീയതി വായു ചുഴലിക്കാറ്റ് ഗുജറാത്ത് തീരത്ത് എത്തുമെന്നായിരുന്നു പ്രവചനം. എന്നാല് ഗുജറാത്ത് തീരം പിന്നിട്ടു വടക്കുപടിഞ്ഞാറന് ദിശയിലേക്കാണു നീങ്ങിയത്. ചുഴലിക്കാറ്റിന്റെ സഞ്ചാരപഥം മാറിയതിനാല് ഗുജറാത്തില് കാര്യമായ നാശനഷ്ടമുണ്ടായില്ല. എന്നാല് കനത്ത മഴ ലഭിച്ചു. സംസ്ഥാനത്ത് രണ്ടു ലക്ഷം പേരെ സുരക്ഷിതസ്ഥാനങ്ങളിലേക്കു മാറ്റിയിരുന്നു. ഈ വര്ഷം ഇന്ത്യയില് ആഞ്ഞടിക്കുന്ന രണ്ടാമത് ചുഴലിക്കാറ്റാണ് വായു. ഏപ്രിലില് ഒഡീഷ, ബംഗാള് തീരങ്ങളില് ഫോനി ചുഴലിക്കാറ്റ് ആഞ്ഞടിച്ച് കനത്ത നാശനഷ്ടമുണ്ടാക്കിയിരുന്നു.
https://www.facebook.com/Malayalivartha