വഴിമുട്ടി ശബരിമല വികസനം ; ദേവസ്വം ബോർഡും വനംവകുപ്പും തമ്മിലെ തർക്കം മുറുകുന്നു , വിമര്ശനവുമായി പത്മകുമാര്
ശബരിമല വികസനവുമായി ബന്ധപ്പെട്ട് വനംവകുപ്പും ദേവസ്വം ബോർഡും തമ്മിൽ തർക്കം മുറുകുന്നു. ശബരിമലയിലെ വികസനത്തിന് വനംവകുപ്പ് തടസ്സം നില്ക്കുന്നതായി ദേവസ്വം ബോര്ഡ് അധ്യക്ഷന് എ.പത്മകുമാര് അറിയിച്ചു .
സംസ്ഥാന സര്ക്കാര് അനുവദിച്ച 730 കോടിയിൽപ്പെടുത്തിയ പദ്ധതികളെയെല്ലാം വനംവകുപ്പ് എതിർക്കുകയാണ്. ചില ഉദ്യോഗസ്ഥർ ശബരിമലയെ തകർക്കുന്ന സമീപനാണ് സ്വീകരിക്കുന്നത് . ഇതിനുപുറമേ , ഹൈക്കോടതി ചുമതലപ്പെടുത്തിയ അഭിഭാഷക കമ്മിഷൻ ചുമതലപ്പെടുത്താത്ത വിഷയങ്ങളിലും വനം വകുപ്പ് ഇടപെടുന്നുവെന്നും ശബരിമലയിലെ രണ്ട് പാലം പണികൾ തുടങ്ങാൻ കഴിയാത്തത് വനംവകുപ്പിന്റെ എതിർപ്പിനെ തുടർന്നാണെന്നും അദ്ദേഹം കുറ്റപ്പെടുത്തി.
മുൻപും ശബരിമല വികസനത്തിന് എതിരായ നിലപാടാണ് വനം വകുപ്പിന്റെതെന്നും മുഖ്യമന്ത്രിക്ക് പരാതി നൽകു\മെന്നും എ.പത്മകുമാര് അറിയിച്ചിരുന്നു .
https://www.facebook.com/Malayalivartha