ജൂണ്‍ 14നാണ് നാടിനെ നടുക്കിയ സംഭവം ഉണ്ടായത് . 23 കാരിയായ സ്പാനിഷ് യുവതിയെയാണ്അതിക്രൂരമായി പീഡിപ്പിച്ചത് . സംഭവവുമായി ബന്ധപ്പെട്ട് ഇവരുടെ ഫേസ്ബുക്ക് സുഹൃത്തായ അജന്യ നാഥ് എന്ന യുവാവിനെ പൊലീസ് അറസ്റ്റ് ചെയ്തു. ഡല്‍ഹിയിലെ ഗുരുഗ്രാമില്‍ വച്ചാണ് യുവതി പീഡനത്തിനിരയായത്. ഡല്‍ഹി അനന്ത് വിഹാര്‍ സ്വദേശിയാണ് പ്രതി .

കുറച്ച്‌ ആഴ്ചകള്‍ക്ക് മുന്‍പാണ് ഗുരുഗ്രാമിലെ ഒരു മള്‍ട്ടിനാഷണല്‍ കമ്പനിയിൽ ഇന്റേണ്‍ഷിപ്പിനായി യുവതി ഇന്ത്യയിലെത്തിയത്. തുടർന്ന് വാടകയ്ക്ക് താമസിക്കാന്‍ സ്ഥലം ആവശ്യമുണ്ടെന്ന് കാട്ടി ഇവര്‍ ഫേസ്ബുക്കില്‍ ഒരു പോസ്റ്റ് ഇട്ടിരുന്നു. ഇത് കണ്ട് അജന്യ സഹായം വാഗ്ദാനം ചെയ്ത് ഫേസ്ബുക്ക് വഴി പ്രതികരിച്ചതോടെയാണ് ഇരുവരും സൗഹൃദത്തിലായത്.

തുടർന്ന് , യുവതിയെ ഒരു പാര്‍ട്ടിക്ക് ക്ഷണിച്ചു. ഇതിനായി ഡിഎല്‍ഫ് ഫേസ് 3 ലുള്ള ഫ്ലാറ്റിലെത്തിയപ്പോഴാണ് അജന്യ യുവതിയെ ബലാത്സംഗം ചെയ്തത്. പിന്നാലെ ഹോസ്പിറ്റലിലെത്തിയ യുവതി ഡോക്ടര്‍മാരോട് സംഭവം വിശദീകരിച്ചു. ഇവരാണ് പൊലീസിനെ വിവരമറിയിച്ചത്. സംഭവത്തിന്റെ ഗൗരവം മനസിലാക്കിയ പൊലീസ് ഉടന്‍ ഇടപെടുകയും യുവതിയുടെ ഫേസ്ബുക്കില്‍ നിന്ന് ലഭിച്ച വിവരങ്ങള്‍ ഉപയോഗിച്ച്‌ അജന്യയെ അറസ്റ്റ് ചെയ്യുകയായിരുന്നു.