ഡോളറിനെതിരെ രൂപയുടെ മൂല്യം രണ്ടുമാസത്തെ ഏറ്റവും ഉയർന്ന നിലയിലാണുള്ളത്. വ്യാപാരത്തിന്റെ തുടക്കത്തിൽ ഒറ്റയടിക്ക് 67 പൈസയുടെ നേട്ടമാണ് രൂപ സ്വന്തമാക്കിയിരിക്കുന്നത്. ജൂൺ മാ സം തൊട്ട് നോക്കിയാൽ ഒരു ദിവസത്തെ ഏറ്റവും വലിയ മുന്നേറ്റമാണ് രൂപ ഇന്ന് രേഖപ്പെടുത്തിയിരിക്കുന്നത്. പ്രവാസികൾ നടത്തുന്ന എഫ്‌സിഎൻആർ ഡെപ്പോസിറ്റിൽ ഉണ്ടായ വർധനയാണ് രൂപയ്ക്ക് കരുത്തായത്.

എഫ്‌സിഎൻആർ ഡെപ്പോസിറ്റ് ആയി 12700 കോടി ഡോളർ ലഭിച്ചതായാണ് റിസർവ് ബാങ്കിന്റെ കണക്കുകൾ വ്യക്തമാക്കുന്നത്. 9000 കോടി ഡോളർ പ്രതീക്ഷിച്ച സ്ഥാനത്താണ് ഈ വർധനയെന്നും റിസർവ് ബാങ്ക് വ്യക്തമാക്കുന്നുണ്ട്. അതിനിടെ ഓഹരി വിപണിയും നേട്ടത്തിലാണ്.

തുടർച്ചയായി മൂന്ന് ദിവസം നഷ്ടം നേരിട്ട ഓഹരി വിപണിയിൽ ബിഎസ്ഇ സെൻസെക്‌സ് 314 പോയിന്റ് ആണ് മുന്നേറിയത്. നിഫ്റ്റി 24,000 എന്ന സൈക്കോളജിക്കൽ ലെവലിന് മുകളിലാണ്. ആഗോള വിപണിയിൽ നിന്നുള്ള അനുകൂല സൂചനകളാണ് കരുത്ത് പകർന്നത്. 

എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, കോൾ ഇന്ത്യ, അദാനി പോർട്‌സ്, എസ്ബിഐ ഓഹരികളാണ് പ്രധാനമായി നേട്ടമുണ്ടാക്കുന്നത്.