മിന്നൽ പ്രളയം വിതച്ച വൻ നാശനഷ്ടങ്ങൾക്ക് പിന്നാലെ ടിബറ്റിൽ ശക്തമായ ഭൂചലനം. റിച്ചർ സ്കെയിലിൽ 5 തീവ്രത രേഖപ്പെടുത്തിയ ഭൂകമ്പമാണ് ഉണ്ടായതെന്ന് ജർമൻ റിസർച് സെന്റർ ഫോർ ജിയോ സയൻസസ് വ്യക്തമാക്കി. ഭൂമിക്കടിയിൽ 10 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രം. കഴിഞ്ഞയാഴ്ച നേപ്പാൾ–ടിബറ്റ് അതിർത്തിയിലുണ്ടായ മിന്നൽ പ്രളയത്തിന്റെ രക്ഷാപ്രവർത്തനങ്ങൾ പുരോഗമിക്കുന്നതിനിടെയാണ് പുതിയ ദുരന്തം.ടിബറ്റിലെ പ്രളയത്തിൽ മരിച്ചവരുടെ എണ്ണം 21 ആയി ഉയർന്നിട്ടുണ്ട്. കാണാതായ 541 പേർക്കായി തിരച്ചിൽ തുടരുകയാണ്; ഇതിൽ 49 ഇന്ത്യക്കാരും ഉൾപ്പെടുന്നു. അതേസമയം, പ്രളയം അതിരൂക്ഷമായി ബാധിച്ച അയൽരാജ്യമായ നേപ്പാളിൽ മരണസംഖ്യ 1,252 ആയി ഉയർന്നു. അവിടെ നാലായിരത്തിലധികം ആളുകളെ ഇനിയും കണ്ടെത്താനുണ്ട്.