പാലാരിവട്ടം മേല്പ്പാലത്തില് ഇന്ന് മെട്രോമാന് ഇ ശ്രീധരന്റെ നേതൃത്വത്തില് പരിശോധന... റിപ്പോര്ട്ട് സര്ക്കാരിന് സമര്പ്പിക്കും
പാലാരിവട്ടം മേല്പ്പാലത്തില് ഇന്ന് മെട്രോമാന് ഇ ശ്രീധരന്റെ നേതൃത്വത്തില് പരിശോധന നടത്തും. പാലം പൂര്ണമായും പൊളിച്ചു മാറ്റണോ, അറ്റകുറ്റപ്പണി നടത്തി ഉപയോഗയോഗ്യമാക്കാന് പറ്റുമോ തുടങ്ങിയ കാര്യങ്ങളില് വിദഗ്ധ സമിതി പരിശോധനയ്ക്കു ശേഷം സര്ക്കാരിനെ അറിയിക്കും.
പാലം നിര്മാണത്തില് വേണ്ടത്ര അളവില് സിമന്റ് ഉപയോഗിച്ചില്ലെന്ന ആരോപണം ശക്തമായിരുന്നു. അറ്റകുറ്റ പണികള് പൂര്ത്തിയാക്കി പാലാരിവട്ടം മേല്പ്പാലം ഗതാഗതത്തിന് തുറന്ന് കൊടുക്കാന് കഴിയാത്ത സാഹചര്യത്തിലാണ് സംസ്ഥാന സര്ക്കാര് മെട്രോമാന് ഇ ശ്രീധരന്റെ ഉപദേശം തേടിയത്.
കഴിഞ്ഞ ദിവസം മുഖ്യമന്ത്രിയും പൊതുമരാമത്ത് മന്ത്രിയുമായി ചര്ച്ച നടത്തിയ ശ്രീധരന് പാലം ഒരു കോണ്ക്രീറ്റ് സ്പെഷ്യലിസ്റ്റിനെ കൊണ്ട് പരിശോധിപ്പിക്കണമെന്ന് നിര്ദ്ദേശിച്ചിരുന്നു. ഈ സാഹചര്യത്തില് ശ്രീധരന്റെ നേതൃത്വത്തില് തന്നെ പാലം പരിശോധിച്ച് റിപ്പോര്ട്ട് നല്കാന് സര്ക്കാരും ആവശ്യപ്പെട്ടു. ഇതനുസരിച്ചാണ് ഇ ശ്രീധരന്റെ നേതൃത്വത്തില് പാലത്തില് വിദഗ്ദ്ധ പരിശോധന നടത്തുന്നത്. മദ്രാസ് ഐഐടിയിലെ വിദഗ്ധരും ശ്രീധരനൊപ്പം പരിശോധനക്കുണ്ടാവും.
https://www.facebook.com/Malayalivartha
