കേരള തീരത്ത് ഉയര്ന്ന തിരമാലയും ശക്തമായ കാറ്റും അടിക്കാന് സാധ്യതയുണ്ടെന്ന് ദേശീയ സമുദ്ര സ്ഥിതിപഠന കേന്ദ്രത്തിന്റെ മുന്നറിയിപ്പ്
കേരള തീരത്ത് ഉയര്ന്ന തിരമാലയും ശക്തമായ കാറ്റും അടിക്കാന് സാധ്യതയുണ്ടെന്ന് ദേശീയ സമുദ്ര സ്ഥിതിപഠന കേന്ദ്രത്തിന്റെ മുന്നറിയിപ്പ്. ഇന്ന് രാത്രി 11 :30 വരെ പൊഴിയൂര് മുതല് കാസര്കോഡ് വരെയുള്ള കേരള തീരത്ത് രണ്ടര മുതല് മൂന്നര മീറ്റര് വരെ ഉയരത്തില് തിരമാലകള് ഉണ്ടാകാന് സാധ്യതയുണ്ടെന്നും ദേശീയ സമുദ്ര സ്ഥിതിപഠന കേന്ദ്രം അറിയിച്ചു. കേരള തീരത്തോട് ചേര്ന്ന് കിടക്കുന്ന സമുദ്ര പ്രദേശത്തും ഉയര്ന്ന തിരമാലക്ക് സാധ്യതയുണ്ട്. കടല് പ്രക്ഷുബ്ധമായ തീരങ്ങളില് വിനോദ സഞ്ചാരം ഒഴിവാക്കേണ്ടതാണ്. ഇന്ന് മുതല് 29 വരെ തെക്ക് പടിഞ്ഞാറ് ദിശയില് നിന്ന് മണിക്കൂറില് 40 മുതല് 50 വരെ കിലോമീറ്റര് വേഗതയില് ശക്തമായ കാറ്റ് വീശാന് സാധ്യതയുണ്ട്. കേരള തീരത്തോട് ചേര്ന്ന് കിടക്കുന്ന സമുദ്ര പ്രദേശത്തും ഉയര്ന്ന തിരമാലക്ക് സാധ്യതയുണ്ട്.
തെക്ക്പടിഞ്ഞാറന് അറബിക്കടലിലും , അതിനോട് ചേര്ന്നുള്ള മധ്യപടിഞ്ഞാറന് അറബിക്കടലിലും മത്സ്യബന്ധനത്തിന് പോകരുതെന്നും മുന്നറിയിപ്പ് നല്കിയിട്ടുണ്ട്. 26 മുതല് 29 വരെ മധ്യകിഴക്ക് ബംഗാള് ഉള്ക്കടലിലും അതിനോട് ചേര്ന്നുള്ള ആന്ഡമാന് കടലിലും മത്സ്യത്തൊഴിലാളികള് മത്സ്യബന്ധനത്തിന് പോകരുതെന്ന് നിര്ദേശിക്കുന്നു. വേലിയേറ്റ സമയമായ രാവിലെ ഏഴു മുതല് 10 വരെയും, വൈകിട്ട് ഏഴു മുതല് എട്ട് വരെയും താഴ്ന്ന പ്രദേശങ്ങളില് ജലനിരപ്പുയരാനും കടല്ക്ഷോഭമുണ്ടാകാനും സാധ്യതയുണ്ട്. ഈമാസം നല്കുന്ന നാലാമത്തെ മുന്നറിയിപ്പാണിത്. കടലില് മത്സബന്ധനത്തിന് പോയിട്ടുള്ളവര്ക്ക് മുന്നറിയിപ്പ് നല്കുന്നതിനുള്ള സംവിധാനം കോസ്റ്റ് ഗാര്ഡ് ഒരുക്കിയിട്ടുണ്ട്. മത്സത്തൊഴിലാളികള് വഴിയും ജാഗ്രതാ നിര്ദ്ദേശം പോയിട്ടുണ്ട്. തിരമാലകള് മൂന്നര മീറ്റര് ഉയരത്തില് അടിക്കാന് സാധ്യതയുള്ളതിനാല് തീരദേശത്ത് താമസിക്കുന്നവര് മാറി താമസിക്കുകയോ ദുരിതാശ്വാസ ക്യാമ്പുകളിലേക്ക് മാറുകയോ ചെയ്യണമെന്ന് അറിയിച്ചിട്ടുണ്ട്. മുന്കരുതല് നടപടികളുടെ ഭാഗമായി നിര്ദ്ദേശങ്ങള് പാലിക്കണമെന്ന് അധികൃതര് അറിയിച്ചു.
കഴിഞ്ഞ വേനല് മുതല് കടലില് വലിയ മാറ്റമാണ് സംഭവിച്ചുകൊണ്ടിരിക്കുന്നത്. രാത്രി സമയങ്ങളില് കടല് തിളച്ച് മറിഞ്ഞ പ്രതിഭാസം കഴിഞ്ഞ മാര്ച്ചില് നടന്നിരുന്നു. ഉള്ക്കടയിലെ അത്യുഷ്ണ പ്രതിഭാസമാണ് കടല് തിളച്ചുമറയാന് കാരണമായി കണക്കാക്കപ്പെടുന്നത്. കടലില് വന് തിരകള് ഈ സമയങ്ങളില് രൂപപ്പെടും. ഇത് കാരണം സംസ്ഥാനത്ത് ഇത്തവണ പതിവിലും കൂടുതല് ചൂട് കൂടിയിരുന്നു. കടലില് ചൂട് കൂടി എല്നിനോ പ്രതിഭാസം ഉണ്ടായതിനാല് മത്സ്യങ്ങളുടെ പ്രജനനം വരെ കുറഞ്ഞിരിക്കുകയാണ്. കേരളതീരത്ത് ഏറ്റവും സുലഭമായി ലഭിച്ചിരുന്ന മത്തി തീരെ കിട്ടാത്ത അവസ്ഥയാണുള്ളത്. കേരള തീരത്തെ കടലിലെ ചൂട് കാരണം മത്തി ഉള്പ്പെടെയുള്ള മത്സ്യങ്ങള് തമിഴ്നാട് തീരത്തേക്ക് പോയിരിക്കുകയാണെന്ന് സംസ്ഥാന മത്സ്യഗവേഷണ കേന്ദ്രം അധികൃതര് പറയുന്നു.
https://www.facebook.com/Malayalivartha