ദേവസ്വം ചെയര്മാന് കലിപ്പില്... ഗുരുവായൂര് ക്ഷേത്രത്തില് ദേവസ്വം ചെയര്മാനോട് തന്ത്രി മാറി നില്ക്കാന് ആവശ്യപ്പെട്ട സംഭവം പുകയുന്നു
പ്രധാനമന്ത്രി നരേന്ദ്രമോദി വന്നതോടെ വലറെയേറെ ലോക ശ്രദ്ധ നേടിയ ഗുരുവായൂരില് നിന്നും ഒരു വിവാദം പുകയുകയാണ്. ക്ഷേത്രത്തില് ഇടത്തരികത്തുകാവില് ഭഗവതിയുടെ കലശച്ചടങ്ങിന്റെ ആചാര്യവരണ ചടങ്ങിനെത്തിയ ദേവസ്വം ചെയര്മാനോടു തന്ത്രി മാറി നില്ക്കാന് പറഞ്ഞതാണ് സംഭവങ്ങള്ക്ക് തുടക്കം. ഇത് അടുത്ത ഭരണസമിതി ക്ഷേത്രം തന്ത്രിയുടെ സാന്നിദ്ധ്യത്തില് ചര്ച്ച ചെയ്യുമെന്ന് ചെയര്മാന് കെ.ബി. മോഹന്ദാസ് പറഞ്ഞു. കഴിഞ്ഞ ദിവസം ക്ഷേത്രത്തിലെ ഉപദേവതയായ ഇടത്തരികത്തുകാവില് ഭഗവതിയുടെ കലശച്ചടങ്ങിന്റെ ആചാര്യവരണ ചടങ്ങിനെത്തിയപ്പോഴാണ് ചെയര്മാനോട് തന്ത്രി ചേന്നാസ് ശ്രീകാന്ത് നമ്ബൂതിരിപ്പാട് മാറി നില്ക്കാന് പറഞ്ഞത്.
ദീപാരാധന കഴിഞ്ഞ് ആചാര്യവരണത്തിനുശേഷം ചടങ്ങുകള് തുടങ്ങിയതോടെയായിരുന്നു മാറിനില്ക്കാന് പറഞ്ഞത്. ഭഗവതി ക്ഷേത്രത്തിന്റെ വാതില്മാടത്തിലാണ് ചടങ്ങുകള് നടന്നിരുന്നത്. വാതില്മാടത്തിന്റെ ഇടവഴിയുടെ അറ്റത്താണു ചെയര്മാന് കെ.ബി. മോഹന്ദാസ് നിന്നിരുന്നത്. ഭരണസമിതി അംഗമായ കെ.കെ. രാമചന്ദ്രന്, ഡെപ്യൂട്ടി അഡ്മിനിസ്ട്രേറ്റര് പി. ശങ്കുണ്ണിരാജ് എന്നിവരും ചെയര്മാനൊപ്പം ഉണ്ടായിരുന്നു. നില്ക്കാനുള്ള സൗകര്യത്തിനു ചെയര്മാന് അല്പ്പം മുന്നിലേക്കു നിന്നതോടെയാണു തന്ത്രി മാറിനില്ക്കാന് നിര്ദേശിച്ചത്.
ചടങ്ങുകള്ക്കുശേഷം എന്താണു മാറിനില്ക്കാന് പറഞ്ഞതിന്റെ കാരണമെന്നു ചെയര്മാന് തന്ത്രിയോട് ചോദിച്ചു. ചടങ്ങുകള്ക്കിടെ അശുദ്ധി ഉണ്ടാകരുതെന്നു കരുതിയാണു മാറാന് ആവശ്യപ്പെട്ടതെന്നു ചടങ്ങുകള് നടത്തിയിരുന്ന തന്ത്രി ചേന്നാസ് ഹരി നമ്ബൂതരിപ്പാട് മറുപടി നല്കുകയും ചെയ്തിരുന്നു. ഇതേക്കുറിച്ച് അടുത്ത മാസം ഒന്നിന് ചേരുന്ന ഭരണസമിതി യോഗം ചര്ച്ച ചെയ്ത ശേഷമേ അടുത്ത നടപടികള് തീരുമാനിക്കുകയുള്ളൂവെന്ന് ചെയര്മാന് കെ.ബി. മോഹന്ദാസ് കൗമുദിയോട് പറഞ്ഞു. ദേവസ്വം ഭരണസമിതി അംഗം കൂടിയായ ക്ഷേത്രം തന്ത്രിയോട് ഒന്നാം തീയതിയിലെ ഭരണസമിതി യോഗത്തില് പങ്കെടുക്കാന് ആവശ്യപ്പെടും. തന്ത്രിയുടെ സാന്നിദ്ധ്യത്തില് വിഷയം ചര്ച്ച ചെയ്യും.
തന്നോട് മാറി നില്ക്കാന് തന്ത്രി ശ്രീകാന്ത് നമ്ബൂതിരി നിര്ദേശിച്ചത് അദ്ദേഹത്തിന്റെ വിവരക്കേടാണെന്നും ചെയര്മാന് പറഞ്ഞു. തന്ത്രിയുടെ അധികാരത്തില് ഭരണസമിതി കൈകടത്തുന്നില്ലെന്നും എന്നാല് താന് ജനങ്ങളുടെ പ്രതിനിധിയായിട്ടാണ് ചെയര്മാനായിട്ടുള്ളതെന്നും ജനങ്ങളുടെ അവകാശം നിഷേധിക്കാന് അനുവദിക്കില്ലെന്നും ചെയര്മാന് പറഞ്ഞു. നിയന്ത്രണം ഏര്പ്പെടുത്തുകയാണെങ്കില് അത് ക്രമപ്രകാരമാകണമെന്നും തന്ത്രിമാരുടെ വിവരക്കേടിന്റെ ഭാഗമായി ഓരോന്നും പറയുമ്ബോള് അനുവദിച്ചുകൊടുക്കാനാകില്ലെന്നും ചെയര്മാന് പറഞ്ഞു.
"
https://www.facebook.com/Malayalivartha
