ഇന്ത്യയ്‌ക്കെതിരായി 269 റണ്‍സ് വിജയലക്ഷ്യവുമായി കളത്തിലറങ്ങിയ വിന്‍ഡീസ് പടയ്ക്ക് തുടക്കത്തില്‍ അടിപതറുന്നു. വിന്‍ഡീസിന്റെ സൂപ്പര്‍ താരമായ ക്രിസ് ഗെയിലും ഷായ് ഹോപ്പിനെയും തുടക്കത്തില്‍ തന്നെ മുഹമ്മദ് ഷമി പുറത്താക്കി. തുടര്‍ന്ന് 80 റണ്‍സ് തികയ്ക്കുന്നതിനിടെ വിന്‍ഡീസിന് സുനില്‍ ആംബ്രിസിന്റെയും നിക്കോളാസ് പൂരാന്റെ വിക്കറ്റും നഷ്ടമായി. നിലവില്‍ 28 ഓവര്‍ പിന്നിടുമ്‌ബോള്‍ വിന്‍ഡീസ് 112 റണ്‍സാണ് സ്‌കോര്‍ ബോര്‍ഡിലുലള്ളത്. 8 വിക്കറ്റുകള്‍ നഷ്ടപ്പെട്ടിട്ടുണ്ട്.

ടോസ് നേടിയ ബാറ്റിംഗിനിറങ്ങിയ ഇന്ത്യ 268 റണ്‍സാണ് അടിച്ചുകൂട്ടിയത്. ക്യാപ്ടന്‍ വിരാട് കൊഹ്ലിയുടെയും (72) ധോണിയുടെയും (56) അര്‍ദ്ധ സെഞ്ച്വറി ഇന്ത്യയ്ക്ക് തുണയായത്. അവസാനം ക്രീസിലിറങ്ങിയ ഹാര്‍ദിക് പാണ്ഡ്യയുടെ വെടിക്കെട്ട് ബാറ്റിംഗും ഇന്ത്യന്‍ സ്‌കോര്‍ ബോര്‍ഡ് ഉയര്‍ത്തി. വെസ്റ്റ് ഇന്‍ഡീസ് ബൗളര്‍മാരോട് തുടക്കത്തില്‍ ഇന്ത്യന്‍ ബാറ്റിംഗ് നിരയ്ക്ക് പിടിച്ചു നില്‍ക്കാനായില്ല. ഇന്ത്യയ്ക്ക് വേണ്ടി രോഹിത് ശര്‍മ (18), കെ.എല്‍. രാഹുല്‍ (18), വിജയ് ശങ്കര്‍ (14), കേദാര്‍ ജാദവ് (7), ഹാര്‍ദിക് പാണ്ഡ്യ (46) എന്നിവര്‍ സ്‌കോര്‍ ചെയ്തു. വെസ്റ്റ് ഇന്‍ഡീസിനായി കെമര്‍ റോച്ച് മൂന്നും ജെസണ്‍ ഹോള്‍ഡര്‍ രണ്ടും കോട്‌റെല്‍ രണ്ടും വിക്കറ്റ് വീഴ്ത്തി.