ജോലിക്കെന്ന വ്യാജേന ദുബായിലെ ഡാന്സ് ബാറുകളില് എത്തിച്ച നാല് ഇന്ത്യന് യുവതികളെ കേന്ദ്രസര്ക്കാര് ഇടപെട്ട് രക്ഷപെടുത്തി
സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയി കോടിയേരി ദുബായിലെ ബാര് ഡാന്സറെ വിവാഹവാഗ്ദാനം നല്കി ലൈംഗിക ചൂഷണം നടത്തിയത് വിവാദമായപ്പോള്, ജോലിക്കെന്ന വ്യാജേന ദുബായിലെ ഡാന്സ് ബാറുകളില് എത്തിച്ച നാല് ഇന്ത്യന് യുവതികളെ കേന്ദ്രസര്ക്കാര് ഇടപെട്ട് രക്ഷപെടുത്തി. കേന്ദ്രവിദേശകാര്യമന്ത്രി വി.മുരളീധരന് ഇടപെട്ടാണ് തമിഴ്നാട് കോയമ്പത്തൂര് സ്വദേശി സ്വദേശികളായ നാല് പെണ്കുട്ടികളെ രക്ഷപെടുത്തിയത്. ദുബായിലെ ഇവന്റ് മാനേജ്മെന്റ് കമ്പനിയിലേക്കെന്ന വ്യാജേനയാണ് ഒരു കമ്പനി കോയമ്പത്തൂര് സ്വദേശികളായ അഞ്ചു പെണ്കുട്ടികളെ ഇന്റര്വ്യൂ നടത്തിയ ശേഷം വിസയും ജോലിയും നല്കിയത്. പിന്നീട് ഒരു കുട്ടിയെ ഒഴിവാക്കി നാലു പേരെ ദുബയിലേക്ക് അയച്ചു.
അവിടെ എത്തിയ നാല് പെണ്കുട്ടികളെയും മുറിയില് അടച്ചിട്ടു. എന്നിട്ട് ഡാന്സ് ചെയ്യിക്കാന് നിര്ബന്ധിച്ചു. ഇക്കാര്യം പെണ്കുട്ടികളിലൊരാള് നാട്ടിലുള്ള ബന്ധുവിനെ വിളിച്ച് അറിയിക്കുകയായിരുന്നു. അയാള് സുഹൃത്തും മലയാളിയുമായ ആലുവാ സ്വദേശിയെ വിവരം അറിയിച്ചു. അദ്ദേഹം കേന്ദ്രമന്ത്രി വി.മുരളീധരനെ വാട്സാപ്പിലൂടെ വിവരം ധരിപ്പിക്കുകയായിരുന്നു. സംഭവത്തെ കുറിച്ച് അന്വേഷിക്കാന് ദുബയിലെ ഇന്ത്യന് കോണ്സുലേറ്റിന് മന്ത്രി മുരളീധരന് നിര്ദ്ദേശം നല്കി. ദുബയി പൊലീസിന്റെ സഹായത്തോടെ കോണ്സുലേറ്റ് അധികൃതര് ഡാന്സ് ബാറില് പരിശോധന നടത്തിയാണ് പെണ്കുട്ടികളെ മോചിപ്പിച്ചത്. അവരെ കോണ്സുലേറ്റ് അധികൃതര് വിമാനത്താവളത്തിലെത്തിച്ചു. അവിടെ നിന്ന് കോയമ്പത്തൂരിലും.
മോസ്കോ വിമാനത്താവളത്തില് കുടുങ്ങിയ മലയാളികളടക്കം 25 ഓളം വരുന്ന ഇന്ത്യാക്കാരെ കഴിഞ്ഞാഴ്ച വി.മുരളീധരന് ഇടപെട്ട് തിരിച്ചെത്തിച്ചിരുന്നു. യാത്ര പുറപ്പെടാനാകാതെ കുടുങ്ങിപ്പോയതായി ഫോണ് സന്ദേശങ്ങള് ലഭിച്ച ഉടന് റഷ്യയിലെ ഇന്ത്യന് എംബസി ഉദ്യോഗസ്ഥരുമായി മന്ത്രി ബന്ധപ്പെട്ടു. കുടുങ്ങി കിടന്നവരില് അഞ്ച് എംബിബിഎസ് വിദ്യാര്ത്ഥികളായ മലയാളികളും ഉണ്ടായിരുന്നു. വൈകിയെത്തിയെന്ന കാരണം പറഞ്ഞാണ് വിമാനത്തില് പ്രവേശിക്കാനാകാതെ മണിക്കൂറുകളോളം വിദ്യാര്ത്ഥികള്ക്ക് വിമാനത്താവളത്തില് ചെലവഴിക്കേണ്ടി വന്നത്. വിവരം ലഭിച്ച ഉടന് തന്നെ റഷ്യയിലെ ഇന്ത്യന് എംബസി ഉദ്യോഗസ്ഥനായ ബിനയ് പ്രധാനുമായി ബന്ധപ്പെട്ടു. അദ്ദേഹം വിമാനത്താവളത്തിലെത്തി അധികൃതരുമായി സംസാരിക്കുകയും വിദ്യാര്ത്ഥികള്ക്ക് ലഗേജുകള് തിരിച്ചു ലഭിക്കുകയും ചെയ്തു. വിദ്യാര്ത്ഥികളെ തിരിച്ചെത്തിക്കാനുള്ള നടപടികളും ഇന്ത്യന് എംബസി സ്വീകരിച്ചു.
ഇന്ത്യയില് നിന്ന് നിരവധി പെണ്കുട്ടികളെ ദുബായിലെ ഡാന്സ് ബാറുകളില് പലരീതിയില് പെണ്കുട്ടികളെ എത്തിക്കുന്നതായി നിരവധി പരാതികളുണ്ട്. ബിഹാറിന്റെ നേപ്പാള് അതിര്ത്തിയോട് ചേര്ന്നുള്ള പ്രദേശങ്ങളില് നിന്നാണ് യുവതികളെ ദുബയിലേക്ക് കടത്തുന്നതെന്ന് യുവ ബി.ജെ.പി നേതാവ് സന്ദീപ് വാര്യര് ചൂണ്ടിക്കാണിച്ചിരുന്നു. ഗുജറാത്ത്, മഹാരാഷ്ട്ര എന്നിവിടങ്ങളില് നിന്നും മറ്റ് പല ജോലികള്ക്കെന്ന വ്യാജേനെയും അല്ലാതെയും യുവതികളെ ദുബയിലെ ഡാന്സ് ബാറുകളില് എത്തിക്കുന്നുണ്ട്. ഇവരെ ഉപയോഗിച്ച് മാംസ വ്യാപാരം നടത്തുന്നതായും ആക്ഷേപമുണ്ട്. കേന്ദ്രസര്ക്കാര് ഇത്തരം വിഷയങ്ങളില് അടിയന്തരമായി ഇടപെടുമെന്നാണ് അറിയുന്നത്.
https://www.facebook.com/Malayalivartha
