സംസ്ഥാനത്ത് വീണ്ടും കാലവര്ഷം ശക്തിപ്രാപിക്കുന്നു... ഇതിന് മുന്നോടിയായി മറ്റന്നാള് മുതല് വിവിധ ജില്ലകളില് ഓറഞ്ച്, റെഡ് അലര്ട്ട് പ്രഖ്യാപിച്ചു
സംസ്ഥാനത്ത് വീണ്ടും കാലവര്ഷം വീണ്ടും ശക്തിപ്രാപിക്കും ഇതിന് മുന്നോടിയായി മറ്റന്നാള് മുതല് വിവിധ ജില്ലകളില് ഓറഞ്ച്, റെഡ് അലര്ട്ട് പ്രഖ്യാപിച്ചു. 18 ന് ഇടുക്കി, മലപ്പുറം ജില്ലകളിലും 19 ന് ഇടുക്കി, മലപ്പുറം, വയനാട്, കണ്ണൂര് ജില്ലകളിലും 20 ന് ഇടുക്കി, എറണാകുളം, തൃശൂര്, മലപ്പുറം ജില്ലകളിലും കേന്ദ്ര കാലാവസ്ഥ നിരീക്ഷണ കേന്ദ്രം 'റെഡ്' അലേര്ട്ട് പ്രഖ്യാപിച്ചു. ഈ ജില്ലകളില് അതിതീവ്ര മഴയ്ക്ക് സാധ്യതയുണ്ടെന്ന് മുന്നറിയിപ്പില് പറയുന്നു.. സര്ക്കാര് സംവിധാനങ്ങളും പൊതുജനങ്ങളും ജാഗ്രത പാലിക്കുവാനും ക്യാമ്പുകള് തയ്യാറാക്കുന്നത് ഉള്പ്പെടെയുള്ള മുന്നൊരുക്കങ്ങള് നടത്തുകയുമാണ് റെഡ് അലേര്ട്ട് കൊണ്ട് ഉദ്ദേശിക്കുന്നത്. തുടര്ച്ചയായ ദിവസങ്ങളില് അതിതീവ്ര മഴ പെയ്യുന്ന സാഹചര്യത്തില് വെള്ളപ്പൊക്കം, ഉരുള്പൊട്ടല് തുടങ്ങിയ പ്രകൃതി ദുരന്തങ്ങള്ക്ക് സാധ്യത വര്ധിക്കും.
17 ന് ഇടുക്കി, 18 ന് കോട്ടയം 19 ന് എറണാകുളം, പാലക്കാട് ജില്ലകളിലും 20 ന് പാലക്കാട്, കോഴിക്കോട്, വയനാട്, കണ്ണൂര് ജില്ലകളിലും കേന്ദ്ര കാലാവസ്ഥ നിരീക്ഷണ കേന്ദ്രം 'ഓറഞ്ച്' അലേര്ട്ട് പ്രഖ്യാപിച്ചിരിക്കുന്നു. ഓറഞ്ച് പ്രഖ്യാപിക്കപ്പെട്ട ജില്ലകളില് ഒറ്റപ്പെട്ടയിടങ്ങളില് ശക്തമായതോ, അതിശക്തമായതോ ആയ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. സര്ക്കാര് സംവിധാനങ്ങളും പൊതുജനങ്ങളും ജാഗ്രത പാലിക്കുവാനുള്ള മുന്നറിയിപ്പാണ് ഓറഞ്ച് അലേര്ട്ട് കൊണ്ട് ഉദ്ദേശിക്കുന്നത്. കേന്ദ്ര കാലാവസ്ഥ നിരീക്ഷണ കേന്ദ്രം 17ന് കോട്ടയം, എറണാകുളം, മലപ്പുറം, കോഴിക്കോട്, കണ്ണൂര്, 18ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, തൃശൂര് , പാലക്കാട്,കോഴിക്കോട്, വയനാട്, കണ്ണൂര്, കാസര്ഗോഡ്
19ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, തൃശൂര് , കോഴിക്കോട് , കാസര്ഗോഡ്, 20ന്
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, കാസര്ഗോഡ് ജില്ലകളിലും യെല്ലോ അലര്ട്ട് പ്രഖ്യാപിച്ചിരിക്കുകയാണ്.
ബന്ധപ്പെട്ട സര്ക്കാര് വകുപ്പുകളോടും ഉദ്യോഗസ്ഥരോടും തയ്യാറെടുപ്പുകള് നടത്താനും താലൂക്ക് തലത്തില് കട്രോള് റൂമുകള് ആരംഭിക്കുവാനുമുള്ള നിര്ദേശം സംസ്ഥാന ദുരന്ത നിവാരണ അതോറിറ്റി നല്കിയിട്ടുണ്ട്. ഉരുള്പൊട്ടല് സാധ്യതയുള്ള പ്രദേശങ്ങളില് താമസിക്കുന്നവരും 2018 ല് ഉരുള്പൊട്ടലുണ്ടാവുകയോ ജിയോളജിക്കല് സര്വേ ഓഫ് ഇന്ത്യ വാസയോഗ്യമല്ലാത്തതെന്ന് കണ്ടെത്തിയ പ്രദേശങ്ങളില് താമസിക്കുന്നവരും പ്രളയത്തിലും ഉരുള്പൊട്ടലിലുമായി പൂര്ണമായി വീട് നഷ്ടപ്പെടുകയും ഇതുവരെ പണി പൂര്ത്തീകരിക്കാത്ത വീടുകളില് താമസിക്കുന്നവരും പ്രളയത്തില് ഭാഗികമായി കേടുപാടുകള് സംഭവിക്കുകയും അറ്റകുറ്റപ്പണികള് ഇത് വരെ നടത്തിത്തീര്ക്കാത്തതുമായ വീടുകളില് താമസിക്കുന്നവരും ഒരു എമെര്ജന്സി കിറ്റ് തയ്യാറാക്കി വെക്കുകയും മാറി താമസിക്കേണ്ട സാഹചര്യം വരികയാണെങ്കില് അധികൃതര് നിര്ദേശിക്കുന്ന സുരക്ഷിത സ്ഥാനത്തേക്ക് മാറിത്താമസിക്കാന് തയ്യാറാവുകയും വേണം. ഇത്തരം ആളുകള്ക്ക് വേണ്ടി സ്ഥിതഗതികള് വിലയിരുത്തിക്കൊണ്ട് ആവശ്യമായ ക്യാമ്പുകള് ആരംഭിക്കുന്നതിന് വേണ്ടിയുള്ള നിര്ദേശങ്ങള് സര്ക്കാര് പുറപ്പെടുവിച്ചിട്ടുണ്ട്.
അതേസമയം സംസ്ഥാനത്തെ കാലവര്ഷം പ്രതീക്ഷിച്ചതിലും കുറവായതിനാല് കെ.എസ്.ഇ.ബിക്കും വാട്ടര് അതോറിട്ടിക്കും ഉള്പ്പെടെ വലിയ ആശ്വാസമാണ് കാലവര്ഷം ശക്തിപ്രാപിക്കുമെന്ന വാര്ത്ത. ഇടുക്കി ഉള്പ്പെടെയുള്ള ഡാമുകളില് ജലനിരപ്പ് ക്രമാതീതമായി താഴ്ന്നത് വൈദ്യുതി ഉത്പാദനത്തെ അടക്കം പ്രതിസന്ധിയിലാക്കിയിരുന്നു. സംസ്ഥാനത്ത് വൈദ്യുതി നിയന്ത്രണം ഏര്പ്പെടുത്തേണ്ട സാഹചര്യമാണ് നിലവിലുള്ളതെന്ന് മന്ത്രി എം.എം മണി പ്രതികരിച്ചിരുന്നു. അടുത്തദിവസം ചേര്ന്ന കെ.എസ്.ഇ.ബി യോഗത്തില് തീരുമാനം മാറ്റിവയ്ക്കുകയായിരുന്നു. കാലവര്ഷം വീണ്ടും ശക്തിപ്രഖ്യാപിക്കുമെന്ന മുന്നറിയിപ്പിനെ തുടര്ന്നായിരുന്നു ഇതെന്ന് അറിയുന്നു.
https://www.facebook.com/Malayalivartha
