കഴിഞ്ഞ മൂന്നുദിവസത്തിനുള്ളില് കണ്ണൂരില് പിടികൂടിയത് 30 ലക്ഷം; വിദേശ കറന്സി വിദേശത്തേക്ക് കൊണ്ടുപോകുന്നതിന് നിയമപരിധിയുണ്ടെന്നുള്ളതിനെ കുറിച്ചുള്ള അജ്ഞത മൂലമെന്ന് പോലീസ്
വിദേശ കറന്സി കടത്തുമായി പിടിയിലാകുന്നവര് ഏറെയും അജ്ഞത മൂലമാണ് ഇതില് പിടിക്കപ്പെടുന്നത് എന്ന് പോലീസ്. കണ്ണൂര് വിമാനത്താവളത്തില് കഴിഞ്ഞ മൂന്ന് ദിവസങ്ങളിലായി വിദേശത്തേക്ക് പോകുന്ന അഞ്ച് പേരില് നിന്നാണ് 30 ലക്ഷത്തോളം രൂപ പിടികൂടിയത്. പണം വിദേശത്തേക്ക് കൊണ്ടു പോകുന്നത് സംബന്ധിച്ചുള്ള അറിവില്ലായ്മ മൂലമാണ് പിടിക്കപ്പെടുന്നത്. വിദേശത്ത് നിന്ന് നാട്ടിലെത്തി തിരിച്ച് പോകുന്നവരില് നിന്നാണ് ഇതുവരെയായി വിദേശ കറന്സി പിടികൂടിയത്.
5000 ഡോളറോ അതിന് തുല്യമൂല്യം വരുന്ന കറന്സികളോ വിദേശത്തേക്ക് കൊണ്ടുപോകാന് നിയമമുണ്ടെങ്കിലും കൂടുതല് കൊണ്ടുപോകാന് ശ്രമിക്കുന്നതാണ് പിടിക്കപ്പെടാന് കാരണമാകുന്നത്. 5000 ഡോളറായ ഇന്ത്യന് രൂപ പ്രകാരം മൂന്ന് ലക്ഷത്തി എണ്പതിനായിരം രൂപ വരെ കൊണ്ടുപോകാനാകും. വിദേശത്ത് നിന്ന് ഇന്ത്യയിലേക്ക് വരുന്നവര്ക്ക് എത്ര പണം വേണമെങ്കിലും കൊണ്ടുവരാനാകും.
വിമാനത്താവളത്തിലെത്തുന്ന യാത്രക്കാരന് കസ്റ്റംസ് കൗണ്ടറില് പോയി ഫോം വാങ്ങി കറന്സികളുടെ കണക്ക് രേഖപ്പെടുത്തി നല്കിയതിനു ശേഷം കസ്റ്റംസ് സൂപ്രണ്ടില് നിന്ന് ലഭിക്കുന്ന രേഖ സൂക്ഷിച്ചാല് വിദേശ രാജ്യങ്ങളുടെ കറന്സി ഇന്ത്യയില് എവിടെ വേണമെങ്കിലും കൊണ്ടുപോകാനും തിരിച്ച് വിദേശത്ത് കൊണ്ടു പോകാനും കഴിയും.
എന്നാല് ഫോം പൂരിപ്പിച്ച് നല്കാതെ യാത്ര ചെയ്താല് ചെക്കിംഗ് പരിശോധനയിലെത്തിയാല് പണം പിടിക്കപ്പെട്ടാല് പിടിക്കപ്പെടുന്ന പണം സര്ക്കാരിലേക്ക് കണ്ടുകെട്ടുകയും കറന്സി കടത്തുന്നതിനിടെ പിടിയിലായവരുടെ യാത്ര തടസപ്പെടുകയും വന് തുക കസ്റ്റംസ് ഈടാക്കുകയും ചെയ്യും. അസി.കമ്മീഷണര് തീരുമാനിക്കുന്നതായിരിക്കും പിഴ. ദുബായ് വിമാന സര്വീസ് ആരംഭിച്ചതോടെയാണ് കറന്സി പിടികൂടിയത്. പിഴ അടച്ചാല് മാത്രമേ പാസ്പോര്ട്ട് ഉടമസ്ഥന് തിരികെ നല്കുകയുള്ളു. വിദേശ രാജ്യങ്ങളുടെ കറന്സികളുമായി വിദേശത്തേക്ക് പോകുമ്പോള് നിയമം മനസിലാക്കിയാല് പണം നഷ്ടമാകാതെ രക്ഷപ്പെടാന് കഴിയും.
https://www.facebook.com/Malayalivartha
