ചേര്ത്തല ഇരട്ടകൊലപാതകത്തില് അഞ്ച് പ്രതികള്ക്കും ജീവപര്യന്തം കഠിന തടവ്
ചേര്ത്തല ഇരട്ട കൊലപാതകക്കേസില് അഞ്ച് പ്രതികള്ക്കും ജീവപര്യന്തം കഠിന തടവിന് വിധിച്ചു. പ്രതികള് ഒരുലക്ഷം രൂപവീതം പിഴയും നല്കണം. ഒന്നാം പ്രതി പോള്സണ്, രണ്ടാം പ്രതി സാനിഷ്, മൂന്നാം പ്രതിയും ലോറി ഡ്രൈവറുമായ ഷിബു, നാലും അഞ്ചും പ്രതികളായ അജേഷ്, സഹോദരന് വിജേഷ് എന്നിവര്ക്കാണ് ജീവപര്യന്തം വിധിച്ചത്.
ബൈക്കില് സഞ്ചരിച്ച ജോണ്സണ്, സുബിന് എന്നിവരെ കണിച്ചുകുളങ്ങര മോഡലില് ലോറിയിടിപ്പിച്ച് കൊലപ്പെടുത്തിയ കേസിലാണ് വിധി. ആലപ്പുഴ അഡീഷണല് സെഷന്സ് കോടതി ജഡ്ജി പി എന് സീതയാണ് വിധി പ്രഖ്യാപിച്ചത്. 2015 നവംബര് 13 നാണ് അതിക്രൂരമായ കൊലപാതകം നടന്നത്. പെയിന്റിങ് ജോലി കഴിഞ്ഞ് ഇരുചക്രവാഹനത്തില് മടങ്ങിയ ജോണ്സനെയും ജസ്റ്റിനെയും ഒറ്റമശേരിയില് വച്ച് ലോറി ഇടിപ്പിച്ച് കൊലപ്പെടുത്തുകയായിരുന്നു.
നിര്ത്താതെ പോയ ലോറി മറ്റൊരു വാഹനത്തില് ഇടിച്ചതോടെ നാട്ടുകാര് വാഹനവും ഡ്രൈവറായിരുന്ന ഷിബുവിനെയും പിടികൂടി പോലീസില് ഏല്പ്പിച്ചു. ഇതാണ് കേസില് വഴിത്തിരിവായത്.പോ പൊലീസ് സമര്പ്പിച്ച കുറ്റപത്രത്തില് എട്ടു പ്രതികളാണ് ഉണ്ടായിരുന്നത്. ഇതില് മൂന്നുപേരെ കോടതി വെറുതെവിട്ടു.
https://www.facebook.com/Malayalivartha
