മാധ്യമ പ്രവര്‍ത്തകന്‍ കെ.എം. ബഷീറിനെ കാറിടിപ്പിച്ച് കൊലപ്പെടുത്തിയ സംഭവത്തില്‍ ശ്രീറാം വെങ്കിട്ടരാമന്‍ ഐഎഎസിനെതിരേ പ്രതിപക്ഷ നേതാവ് രമേശ് ചെന്നിത്തല. ശ്രീറാമിനെ ഉടന്‍ സര്‍വീസില്‍നിന്ന് നീക്കണമെന്ന് അദ്ദേഹം ആവശ്യപ്പെട്ടു.

ശ്രീറാമിന്റെ രക്ത പരിശോധന വൈകിയത് പോലീസിന്റെ ഗുരുതര വീഴ്ചയാണ്. ഉന്നത ബന്ധങ്ങള്‍ ഉപയോഗിച്ച് കേസില്‍നിന്ന് രക്ഷപ്പെടാനാണ് ശ്രീറാമിന്റെ നീക്കമെന്നും ഇക്കാര്യം മുഖ്യമന്ത്രി പരിശോധിക്കണമെന്നും ചെന്നിത്തല മാധ്യമങ്ങളോട് സംസാരിക്കവെ പറഞ്ഞു.