ബാഴ്സലോണയുടെ പോരാട്ടങ്ങള്ക്ക് ഇന്ന് തുടക്കം...
ചാമ്പ്യന്സ് ലീഗ് കിരീടം വീണ്ടെടുക്കാനുള്ള ബാഴ്സലോണയുടെ പോരാട്ടങ്ങള്ക്ക് ഇന്ന് തുടക്കം. രാത്രി പത്തേകാലിന് കാംപ് നൗവില് തുടങ്ങുന്ന മത്സരത്തിലെ എതിരാളികള് ഫെയനൂര്ദ്. സെന്റര് ഫോര്വേര്ഡ് ഇല്ലാതിരുന്നിട്ടും ലാ ലീഗയിലെ ആദ്യ നാല് കളിയില് പതിനേഴ് ഗോള് നേടിയ ആത്മവിശ്വാസത്തിലാണ് ഹാന്സി ഫ്ളിക്ക് പരിശീലിപ്പിക്കുന്ന ബാഴ്സലോണ.
ഡച്ച് ലീഗിലെ ആദ്യ അഞ്ച് കളിയില് പരാജയം അറിയാതെയാണ് ഫെയനൂര്ദ് കാംപ് നൗവില് ഇറങ്ങുന്നത്. റോഡ്രിയും പെഡ്രിയും നയിക്കുന്ന മധ്യനിരയും ലമീന് യമാലിന്റെ ബ്രില്യന്സുമാണ് ബാഴ്സയുടെ കരുത്ത്.
റഫീഞ്ഞ, ആന്തണി ഗോര്ഡന്, ഫെര്മിന് ലോപസ് എന്നിവരും ഫോമില്. ബാഴ്സലോണയ്ക്ക് പുറമെ പി എസ് ജി, ലിവര്പൂള് ടീമുകള് സീസണിലെ ആദ്യ മത്സരത്തിനിറങ്ങുകയും ചെയ്യും. പ്രീമിയര് ലീഗ് ക്ലബ് ലിവര്പൂളിന് സ്പാനിഷ് കരുത്തരായ അത്ലറ്റിക്കോ മാഡ്രിഡാണ് എതിരാളികളായുള്ളത്. . നിലവിലെ ചാമ്പ്യന്മാരായ പി എസ് ജി ആദ്യമത്സരത്തില് സ്ലോവന് ബ്രാറ്റിസ്ലാവയെ നേരിടുമ്പോള് പ്രീമിയര് ലീഗ് ചാമ്പ്യന്മാരും നിലവിലെ ഫൈനലിസ്റ്റുകളായ ആഴ്സണല് ഇറ്റാലിയന് ക്ലബ് നാപ്പോളിയുമായി ഏറ്റുമുട്ടും.
https://www.facebook.com/Malayalivartha
