സൈക്കിള്‍ സവാരി നടത്തികൊണ്ടിരുന്ന ഒമ്പതുവയസ്സുക്കാരിയെ സമീപത്തെ വീട്ടില്‍ നിന്നും രക്ഷപ്പെട്ട മൂന്ന് പിറ്റ് ബുള്‍ നായ്ക്കള്‍ ചേര്‍ന്ന് ആക്രമിച്ചു കൊലപ്പെടുത്തിയതായി വെയ്ല്‍ കൗണ്ടി പ്രോസിക്യൂട്ടര്‍ അറിയിച്ചു. സൗത്ത് വെസ്റ്റ് ഡോട്രോയ്റ്റിലാണ് സംഭവം. നായ്ക്കളെ പുറത്തു അഴിച്ചു വിടുന്നതായി ബന്ധപ്പെട്ട് കൊല്ലപ്പെട്ട പെണ്‍കുട്ടിയുടെ പിതാവ് ഉടമസ്ഥനുമായി സംഭവം നടക്കുന്നതിന് ഒരാഴ്ച മുമ്പ് തര്‍ക്കം ഉണ്ടായിരുന്നതായി കുടുംബാംഗങ്ങള്‍ അറിയിച്ചു.
സംഭവത്തിനു ദൃക്ക്‌സാക്ഷിയായ ഒരാള്‍ കുട്ടിയെ നായ്ക്കളില്‍ നിന്നും രക്ഷിക്കാന്‍ ശ്രമിച്ചുവെന്ന് മറ്റൊരാള്‍ ഒരു നായയെ വെടിവെച്ചുവെന്നും കൊല്ലപ്പെട്ട കുട്ടിയുടെ പിതൃസഹോദരി പറഞ്ഞു. കുട്ടിയെ ഉടന്‍ ആശുപത്രിയില്‍ പ്രവേശിപ്പിച്ചുവെങ്കിലും മരിച്ചു. നായ്ക്കളുടെ ഉടമസ്ഥനെ പോലീസ് കസ്റ്റഡിയില്‍ എടുത്തുവെങ്കിലും കേസെടുത്തിട്ടില്ലെന്ന് പ്രോസിക്യൂട്ടര്‍ പറഞ്ഞു. ഡിട്രോയ്റ്റ് ആനിമല്‍ കണ്‍ട്രോള്‍ നായ്ക്കളെ മൃഗസംരക്ഷണ കേന്ദ്രത്തിലേക്ക് മാറ്റി.