ഇസ്രായേലില് അല് ജസീറ വാര്ത്താ ചാനല് നിരോധിച്ചു; തീരുമാനം ഉടന് നടപ്പാക്കുക എന്ന നിര്ദേശത്തോടെ ഇസ്രായേല് കമ്മ്യൂണിക്കേഷന്സ് മന്ത്രി ഉത്തരവില് ഒപ്പുവച്ചു
ഇസ്രയേലിൽ അൽ- ജസീറ വാർത്താ ചാനൽ അടച്ചുപൂട്ടുമെന്ന് പ്രധാനമന്ത്രി ബെഞ്ചമിൻ നെതന്യാഹു മുന്നറിയിപ്പ് നൽകിയിരുന്നു . ഖത്തർ ആസ്ഥാനമായി പ്രവർത്തിക്കുന്ന വാർത്താ ചാനലായ അൽ-ജസീറയും ഇസ്രയേൽ സർക്കാരും തമ്മിലുള്ള പ്രശ്നങ്ങൾക്കിടയിലാണ് ഈ നടപടിയിലേക്ക് കൂടി കടക്കുമെന്ന മുന്നറിയിപ്പ് നൽകിയത്.
ഖത്തറിൻ്റെ ഉടമസ്ഥതയിലുള്ള സ്റ്റേഷൻ്റെ പ്രാദേശിക പ്രവർത്തനങ്ങൾ നിർത്തലാക്കാനുള്ള സർക്കാരിൻ്റെ തീരുമാനത്തെ "അപകടകരവും" പ്രൊഫഷണൽ പരിഗണനകളേക്കാൾ രാഷ്ട്രീയം പ്രേരിപ്പിച്ചതുമാണെന്ന് ഇസ്രായേൽ, പലസ്തീൻ പ്രദേശങ്ങളിലെ അൽ ജസീറ മേധാവി വിശേഷിപ്പിച്ചിരുന്നു . ഇപ്പോൾ ഇതാ നിർണായകമായ ഒരു വിവരം പുറത്ത് വന്നരിക്കുകയാണ്.
ഇസ്രായേലില് പ്രധാനമന്ത്രി ബെഞ്ചമിന് നെതന്യാഹുവിന്റെ നിർണായകമായ ഒരു നീക്കം. ഇസ്രായേലില് അല് ജസീറ വാര്ത്താ ചാനല് നിരോധിച്ചിരിക്കുകയാണ്. ചാനല് നിരോധിച്ച വിവരം എക്സിലൂടെയാണ് ബെഞ്ചമിൻ നെതന്യാഹു അറിയിച്ചത്. തീരുമാനം ഉടന് നടപ്പാക്കുക എന്ന നിര്ദേശത്തോടെ ഇസ്രായേല് കമ്മ്യൂണിക്കേഷന്സ് മന്ത്രി ഉത്തരവില് ഒപ്പുവച്ചതായി സര്ക്കാര് പ്രസ്താവനയില് പറയുന്നു.
അല് ജസീറയുടെ ഓഫീസായി ഉപയോഗിച്ചിരുന്ന ജറുസലേം ഹോട്ടല് മുറി ഇസ്രായേല് അധികൃതര് റെയ്ഡ് ചെയ്തു. ഇതിന്റെ വീഡിയോ അടക്കം സമൂഹമാധ്യമങ്ങളില് പ്രചരിക്കുകയാണ്. വീഡിയോയിൽ മുറിയില് നിന്ന് ഉദ്യോഗസ്ഥര് ക്യാമറ ഉപകരണങ്ങള് പൊളിച്ചുമാറ്റുന്നത് കാണാവുന്നതാണ്. ഹമാസിന്റെ ദൂതര്ക്ക് ഇസ്രായേലില് അഭിപ്രായസ്വാതന്ത്ര്യം ഉണ്ടാകില്ലെന്ന് ഇസ്രായേല് മന്ത്രി സ്ലോമോ കാര്ഹിയും നെതന്യാഹുവും പ്രസ്താവനയിലൂടെ വ്യക്തമാക്കി. അല് ജസീറ ഉടന്തന്നെ പൂട്ടി ഉപകരണങ്ങള് കണ്ടുകെട്ടുമെന്നും മന്ത്രി വ്യക്തമാക്കി.
https://www.facebook.com/Malayalivartha
