പ്രോപിയോണിക് അസിഡീമിയ ബാധിച്ച കുട്ടിയുടെ ശരിയായ ചികിത്സ തടസ്സപ്പെടുത്തുകയും അശാസ്ത്രീയ ചികിത്സ നല്കി കൊലക്ക് കൊടുക്കുകയും ചെയ്ത സംഭവത്തില് വ്യാജ വൈദ്യനെതിരെ കൊലക്കുറ്റം ചുമത്തി ശക്തമായ നിയമ നടപടികള് സ്വീകരിക്കണമെന്ന്
പ്രോപിയോണിക് അസിഡീമിയ ബാധിച്ച കുട്ടിയുടെ ശരിയായ ചികിത്സ തടസ്സപ്പെടുത്തുകയും അശാസ്ത്രീയ ചികിത്സ നല്കി കുട്ടിയെ കൊലക്ക് കൊടുക്കുകയും ചെയ്ത സംഭവത്തില് വ്യാജ വൈദ്യനെതിരെ കൊലക്കുറ്റം ചുമത്തി ശക്തമായ നിയമ നടപടികള് സ്വീകരിക്കണമെന്ന് ഇന്ത്യന് മെഡിക്കല് അസോസിയേഷന് ആവശ്യപ്പെട്ടു. കുട്ടിയെ അശാസ്ത്രീയ ചികിത്സയ്ക്ക് വിധേയമാക്കിയ മാതാപിതാക്കള്ക്കെതിരെ നടപടിയുണ്ടാകണം. അശാസ്ത്രീയ ചികിത്സ തേടാന് പ്രേരിപ്പിച്ചവര്ക്കെതിരെ നിയമ നടപടി വേണം. ഈ സംഭവത്തിലെ കുറ്റക്കാര്ക്കെതിരെ കേസ് എടുക്കണമെന്നും സമാനമായ രീതിയില് വ്യാജ ചികിത്സകള് നടത്തുന്നവര്ക്ക് എതിരെയും ശക്തമായ നടപടികള് എടുക്കണമെന്ന് ആവശ്യപ്പെട്ട് മുഖ്യമന്ത്രിക്ക് ഇന്ത്യന് മെഡിക്കല് അസോസിയേഷന് നിവേദനം നല്കുമെന്ന് സംസ്ഥാന പ്രസിഡന്റ് ഡോ. എം.ഇ.സുഗതനും സെക്രട്ടറി ഡോ സുല്ഫി നൂഹും വാര്ത്താകുറുപ്പില് വ്യക്തമാക്കി.
തുടര്ന്ന് നിയമനടപടികള് ഐ.എം.എ സ്വീകരിക്കും. കേരളത്തില് അഞ്ഞൂറോളം വ്യാജ ചികിത്സകര് ഉണ്ടെന്നാണ് പ്രാഥമികമായ വിലയിരുത്തല്. പാരമ്പര്യ വൈദ്യത്തിന്റെയും പ്രകൃതിചികിത്സയയും പേര് പറഞ്ഞ് നിരവധി ആള്ക്കാരെ ഇവര് കൊലയ്ക്കു കൊടുക്കുന്നു. ഗുരുതരമായ രോഗം ബാധിച്ച പലരെയും ചൂഷണം ചെയ്യുന്ന രീതിയാണ് ഇവര് ചെയ്യുന്നത്. ചികിത്സ അവകാശമായി നീങ്ങിക്കൊണ്ടിരിക്കുന്ന അവസ്ഥയില് സ്വന്തം മക്കള് ആണെങ്കില് പോലും കൊച്ചുകുട്ടിക്ക് ചികിത്സ നിഷേധിച്ചത് ഗുരുതരമായി കാണേണ്ടിയിരിക്കുന്നു.
ചികിത്സാ ചിലവുകള് തടസ്സമായിരുന്നു എങ്കില് സര്ക്കാര് മെഡിക്കല് കോളേജുകളില് ചികിത്സ തേടാവുന്നതെ ഉണ്ടായിരുന്നുള്ളൂ . പല വിദേശങ്ങളിലും ഇത്തരം മാതാപിതാക്കള്ക്കു എതിരെ നിയമ നടപടികള് സ്വീകരിക്കാറുണ്ട്. അതിലേക്കു എത്തിച്ചേരുവാന് കേരളത്തിലും കഴിയണം എങ്കില് മാത്രമേ ഇത്തരം വ്യാജ ചികിത്സകരുടെ കരാള ഹസ്തങ്ങളില് നിന്ന് ഇത്തരക്കാര്ക്ക് മോചനം ഉണ്ടാകൂ.
ചികിത്സയ്ക്കിടയിലെ ഇടനിലക്കാര് രോഗികളെ സാമ്പത്തികമായി സഹായിക്കുന്നത് നല്ല കാര്യമാണ്. എന്നാല് പലപ്പോഴും അത്തരം ആള്ക്കാര് സ്വയം ചികിത്സകാരായി പ്രഖ്യാപിക്കുകയും അവര് ശരിയായ ചികിത്സയ്ക്ക് തടസ്സം നില്ക്കുകയും രോഗികള്ക്ക് ഗുരുതരമായ വൈകല്യങ്ങള് ഉണ്ടാക്കുകയും ചെയ്യുന്നു. ഇത്തരം ഇടനിലക്കാരുടെ ചികിത്സാ രംഗത്തെ ഇടപെടലുകള് സാമ്പത്തിക നേട്ടങ്ങള്ക്ക് അല്ല എന്ന് ഉറപ്പുവരുത്തുകയും അവരുടെ പ്രവര്ത്തനങ്ങള് കൂടുതല് സുതാര്യവും ആവുകയും ചെയ്യേണ്ടതായിട്ടുണ്ട്. സര്ക്കാരിന്റെ ശ്രദ്ധയില് ഐ.എം.എ ഇക്കാര്യം പെടുത്തിയിട്ടുണ്ട്.
കുട്ടിയെ ചികിത്സിച്ച ഡോ. വിപിന് കളത്തില് പറയുന്നതിങ്ങനെ: ദയവ് ചെയ്ത് വിവരവും വിദ്യാഭ്യാസവും ഇല്ലാത്ത മോഹന വടക്കന്മാരുടെ ചികിത്സക്കായി ആരും കാത്തു നില്ക്കരുത് .അശാസ്ത്രീയതക്ക് ശാസ്ത്രീയ മുഖം നല്കി ജനങ്ങളെ വഞ്ചിക്കുന്ന ഇജ്ജാതി സാധനങ്ങളെ അഴിക്കുള്ളിലാക്കേണ്ട കാലം എന്നേ അതിക്രമിച്ചു. ആയുര്വേദ ഡോക്ടര് സുഹൃത്തക്കളോടാണ് , നിങ്ങള് പറയൂ
പ്രൊപ്പിയോണിക്ക് അസിഡീമിയ എന്ന അസുഖത്തിന് പൊന്കാരം എങ്ങനെ ഉപകാരപ്പെടും ?
അന്വേഷിച്ചതില് ചുമ, ആസ്മ തുടങ്ങിയവയ്ക്ക് ഉപയോഗിക്കുന്ന ബോറാക്സ് ഗണത്തില് ഉള്പ്പെടുന്നതാണ് ഇതെന്ന് കണ്ടു .
രസ മെഡിസിനില് വരുന്ന ഈ മരുന്ന് കൊടുത്ത് മെഡിസിന് വിദ്യാഭ്യാസം തൊട്ടു തീണ്ടാത്ത അയാള് ചികിത്സിക്കത്ത തെങ്ങനെ ?
ജൂലായ് 29ന് ലോകസഭയില് നാഷണല് മെഡിക്കല് കൗണ്സില് ബില് പാസായതോടെ ആധുനിക വൈദ്യശാസ്ത്ര മരുന്നുകള് നല്കി ചികിത്സിക്കുവാന് വ്യാജഡോക്ടര് മാര്ക്ക് സുവര്ണ്ണ അവസരം ഉണ്ടായിരിക്കുകയാണ്. രാജ്യത്ത് എംബിബിഎസ് മാത്രമല്ല ആരോഗ്യ പ്രവര്ത്തനത്തില് ചെറുപരിചയം ഉള്ളവര്ക്ക് പോലും ആധുനിക വൈദ്യശാസ്ത്രം ചികിത്സിച്ച് രോഗികളുടെ ജീവന്വച്ച് കളിക്കുവാന് ഇതിലൂടെ കഴിയും. രജിസ്റ്റര് ചെയ്തിട്ടുള്ള ഡോക്ടര്മാരുടെ എണ്ണത്തില് 30 ശതമാനം പേര്ക്ക് ആധുനികവൈദ്യശാസ്ത്രം യാതൊരു യോഗ്യതയും ഇല്ലാതെ പ്രാക്ടീസ് ചെയ്യുവാനുള്ള അവസരം എന്.എം.സി ബില് നല്കുന്നുണ്ട്. നിലവിലുള്ള വ്യാജ വൈദ്യന്മാരെയും ഡോക്ടര്മാരെയും കൂടാതെയാണിത്.
https://www.facebook.com/Malayalivartha
