എടിഎം തട്ടിപ്പ് വര്‍ദ്ധിക്കുന്ന ഇക്കാലത്ത് എടിഎം ഇടപാടുകള്‍ക്ക് ചെറിയ ഇടവേള നിര്‍ബന്ധമാക്കുന്നത് പരിഗണനയില്‍. ഒരു പ്രാവശ്യം എടിഎമ്മില്‍ നിന്ന് ഇടപാട് നടത്തി കഴിഞ്ഞാല്‍ കുറഞ്ഞത് ആറ് മണിക്കൂര്‍ മുതല്‍ 12 മണിക്കൂര്‍ കഴിഞ്ഞ് മാത്രം അടുത്ത ഇടപാട് അനുവദിക്കുന്ന തരത്തിലാണ് നിര്‍ദേശം ഉയര്‍ന്നിരിക്കുന്നത്. ബാങ്ക് തട്ടിപ്പ് തടയുന്നതിന്റെ ഭാഗമായാണ് ഇക്കാര്യം പരിഗണിക്കുന്നത്.

ഇക്കാലത്തുണ്ടാകുന്ന മിക്ക എടിഎം തട്ടിപ്പുകളും രാത്രി സമയത്തും നേരം പുലരുമ്പോഴുമാണ്. ചെറിയ ഇടവേളകള്‍ വരുന്നതോടെ തട്ടിപ്പ് ഒരുപരിധി വരെ തടയാമെന്നാണ് വിലയിരുത്തല്‍. നിര്‍ദേശം നടപ്പിലായാല്‍ ഒരു ഇടപാട് മണിക്കൂറുകള്‍ കഴിഞ്ഞേ അടുത്ത ഇടപാടൂ നടത്താനാവൂ.