മഴ വരുന്നു ; നാലു ദിവസം കേരളത്തിൽ ശക്തമായ മഴയുണ്ടാകുമെന്ന് കേന്ദ്ര കാലാവസ്ഥ നിരീക്ഷണകേന്ദ്രം; മൽസ്യ തൊഴിലാളികൾക്ക് മുന്നറിയിപ്പ്
കേരളത്തിൽ വരുന്ന നാല് ദിവസം കേരളത്തില് ചില ജില്ലകളില് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. തെക്ക് പടിഞ്ഞാറ് ദിശയില് നിന്ന് വേഗതയില് കാറ്റുവീശാന് സാധ്യത. ആലപ്പുഴ ,കോട്ടയം ,എറണാകുളം ,ഇടുക്കി ,മലപ്പുറം , കോഴിക്കോട്,കണ്ണൂര് ജില്ലകളില് മഞ്ഞ അലര്ട്ട് പ്രഖ്യാപിച്ചിരിക്കുകയാണ്. ജില്ലകളിൽ പ്രവർത്തിക്കുന്ന കൺട്രോൾ റൂം താലൂക് അടിസ്ഥാനത്തില് നിരന്തരമായി മഴയുടെ നിലവാരം വിലയിരുത്തണമെന്നും അറിയിച്ചു. കേരള സംസ്ഥാന ദുരന്ത നിവാരണ അതോറിറ്റിയാണ് ഈ നിർദേശം നൽകിയത്. ഒറ്റപെട്ട സ്ഥലങ്ങളിൽ ശക്തമായ മഴ പെയ്യും എന്നതിനാൽ പൊതുജനങ്ങള്ക്കും ജാഗ്രത നിർദേശമുണ്ട്.
മണിക്കൂറില് 45 മുതല് 55 കിലോമീറ്റര് വരെ വേഗതയുള്ളതായിരിക്കും ഈ കാറ്റ്. കാറ്റടിക്കാൻ സാധ്യതയുള്ളതിനാല് മല്സ്യതൊഴിലാളികള് ജാഗ്രത പുലർത്തണമെന്ന്മുന്നറിയിപ്പുണ്ട്. തെക്ക് പടിഞ്ഞാറ് ദിശയില് നിന്നും മണിക്കൂറില് 45 മുതല് 55 കിലോമീറ്റര് വരെ വേഗതയില് ശക്തമായ കാറ്റ് വീശുമെന്നുള്ളതിനാൽ തെക്ക് പടിഞ്ഞാറ് അറബിക്കടല്, തെക്ക്പടിഞ്ഞാറ് ബംഗാള് ഉള്ക്കടല് എന്നീ സമുദ്ര ഭാഗങ്ങളിലേക്ക് മീന് പിടിക്കാന് പോകരുതെന്നും കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിരിക്കുന്നു.
https://www.facebook.com/Malayalivartha
