മുറിക്കുള്ളില്‍ നിന്ന് രാത്രിയില്‍ ബഹളം കേട്ട് ബന്ധുക്കള്‍ പുറത്ത് നിന്ന് വിളിച്ചെങ്കിലും മറുപടി ലഭിച്ചില്ല. രാവിലെ അയല്‍വാസികളുടെ സഹായത്തോടെ ഇവരെ വിളിക്കാന്‍ ശ്രമിച്ചെങ്കിലും മുറിയുടെ കതക് ഉള്ളില്‍ നിന്ന് പൂട്ടിയ നിലയിലായിരുന്നു.പൊലീസെത്തി വാതില്‍ തുറന്നപ്പോഴാണ് മൃതദേഹങ്ങള്‍ കണ്ടത്.അഞ്ചല്‍ തടിക്കാട് അമൃതയില്‍ ജയന്‍ (45), ഭാര്യ ലേഖ (40) എന്നിവരെയാണ് മുകള്‍ നിലയിലെ കിടപ്പുമുറിയില്‍ മരിച്ചനിലയില്‍ കണ്ടത്തിയത്.

ഭാര്യയെ കമ്പിവടികൊണ്ട് അടിച്ച്‌ കൊലപ്പെടുത്തിയ ശേഷം ജയന്‍ വിഷം കഴിച്ച്‌ ആത്മഹത്യ ചെയ്തതാകാമെന്നാണ് പൊലീസിന്റെ പ്രാഥമിക നിഗമനം. നാട്ടുകാരും ബന്ധുക്കളും ചേര്‍ന്ന് കിടപ്പുമുറിയുടെ വാതില്‍ തകര്‍ത്ത് അകത്തുകടന്നാണ്‌ ഇരുവരെയും അഞ്ചലിലെ സ്വകാര്യ ആശുപത്രിയില്‍ എത്തിച്ചത്‌. ഇടമുളയ്ക്കല്‍ പൊടിയാട്ടുവിളയിലെ ബാര്‍ബര്‍ഷോപ്പ് ഉടമയാണ് ജയന്‍.

മുറിയില്‍ നിന്ന് ഇരുമ്ബുവടി കണ്ടെടുത്തിട്ടുണ്ട്.രേഖയുടെ തലയ്ക്കും മുഖത്തും വെട്ടേറ്റ മുറിവുകളുണ്ട്. ജയനെ തൂങ്ങിമരിച്ചനിലയിലാണ്‌ കണ്ടെത്തിയത്‌. രേഖയുടെ രണ്ടാം ഭര്‍ത്താവാണ് ജയന്‍. വെള്ളിയാഴ്ച രാത്രി അത്താഴവും കഴിഞ്ഞ് ഉറങ്ങാനായി മുറിയിലേക്ക് പോയതാണ് ഇരുവരും. പത്തുവര്‍ഷം മുമ്ബായിരുന്നു ഇരുവരുടെയും രണ്ടാം വിവാഹം. ആദ്യവിവാഹത്തില്‍ രേഖയ്ക്ക് രണ്ട് മക്കളുണ്ട്. ഇവരും വീട്ടിലുണ്ടായിരുന്നു. രോഗങ്ങള്‍കാരണം ജയന്‍ മാനസിക വിഷമത്തിലായിരുന്നെന്നും അന്വേഷണം പൂര്‍ത്തിയായശേഷമേ കാരണം വ്യക്തമാകൂവെന്നും അഞ്ചല്‍ പോലീസ് പറഞ്ഞു. അതേസമയം, കുടുംബ പ്രശ്നങ്ങളൊന്നും ഉണ്ടായിരുന്നില്ലെന്ന് ബന്ധുക്കളും അയല്‍വാസികളും പറയുന്നു.

പാലോട് കൊച്ചൂരില്‍ രാമചന്ദ്രന്‍ - ഗോമതി ദമ്ബതികളുടെ മകനായ ജയന്‍ ഇടമുളയ്ക്കല്‍ പൊടിയാട്ടുവിളയില്‍ ബാര്‍ബര്‍ ഷോപ്പ് നടത്തുകയായിരുന്നു. അഞ്ചല്‍ തഴമേല്‍ കൃഷ്ണവിലാസത്തില്‍ ഗോപാലന്‍- കമലമ്മ ദമ്ബതികളുടെ മകളായ രേഖ തടിക്കാട് ക്ഷീര സഹകരണ സംഘം സെക്രട്ടറിയാണ്. ജയന്‍ സയനൈഡ് കഴിച്ചെന്ന സംശയിക്കുന്നതായി പൊലീസ് പറയുന്നു.മകള്‍ സൂര്യ അഞ്ചലില്‍ പാരലല്‍ കോളേജില്‍ ഡിഗ്രി വിദ്യാര്‍ത്ഥിനിയും മകന്‍ സൂരജ് തടിക്കാട് എച്ച്‌.എസ്സിലെ പത്താം ക്ലാസ് വിദ്യാര്‍ത്ഥിയുമാണ്. മൃതദേഹങ്ങള്‍ തിരുവനന്തപുരം മെഡിക്കല്‍ കോളേജാശുപത്രിയില്‍ പോസ്റ്റുമോര്‍ട്ടത്തിന് ശേഷം വീട്ടുവളപ്പില്‍ സംസ്കരിച്ചു.