ച​ന്ദ്ര​യാ​ന്‍ 2 ദൗത്യത്തിന്‍റെ നിര്‍ണായക ഘട്ടമായ സോഫ്റ്റ് ലാന്‍ഡിങ്ങിനിടെ ആശയവിനിമയം നഷ്ടമായ 'വിക്രം' ലാന്‍ഡര്‍ കണ്ടെത്തിയതായി റിപ്പോര്‍ട്ട്. ചന്ദ്രന്‍റെ ഉപരിതലത്തിലെ ലാന്‍ഡറിന്‍റെ സ്ഥാനമാണ് കണ്ടെത്തിയതെന്ന് ഐ.എസ്.ആര്‍.ഒ ചെയര്‍മാന്‍ കെ. ശിവന്‍അറിയിച്ചു.

ലാൻഡറിന്റെ തെർമൽ ഇമേജ്, ചന്ദ്രന്റെ ഭ്രമണപഥത്തിലുള്ള ഓർബിറ്റർ പകർത്തിയിട്ടുണ്ട്. എന്നാൽ ഓർബിറ്ററും ലാൻഡറും തമ്മിൽ ആശയവിനിമയം സാധ്യമായിട്ടില്ല. അതിനുള്ള ശ്രമം തുടരുകയാണെന്നും ശിവൻ വാർത്താ ഏജൻസിയായ എഎൻഐയോടു പറഞ്ഞു. ചന്ദ്രയാൻ – 2 ദൗത്യത്തിന്റെ അന്തിമഘട്ടത്തിലാണു ലാൻഡർ കാണാതായത്.

ചന്ദ്രനെ വലംെവക്കുന്ന ഒാര്‍ബിറ്ററിലെ കാമറയാണ് വിക്രം ലാന്‍ഡറിന്‍റെ തെര്‍മല്‍ ചിത്രങ്ങള്‍ പകര്‍ത്തിയത്. ലാന്‍ഡറുമായുള്ള ബന്ധം പുനഃസ്ഥാപിക്കാനുള്ള ശ്രമങ്ങള്‍ തുടര്‍ന്നു വരികയാണെന്നും കെ. ശിവന്‍ അറിയിച്ചു.
സെപ്റ്റംബര്‍ ഏഴിന് സോഫ്റ്റ് ലാന്‍ഡിങ്ങിനിടെ ചന്ദ്രനില്‍ നിന്ന് 2.1 കിലോ മീറ്റര്‍ അകലെവെച്ചാണ് ലാന്‍ഡറുമായുള്ള ആശയവിനിമയം നഷ്ടമായത്. ശനിയാഴ്ച പുലര്‍ച്ചെ 1.52ഓടെ ലാന്‍ഡിങ് പ്രക്രിയ തുടങ്ങിയെങ്കിലും പിന്നീട് സിഗ്നല്‍ ലഭിക്കാതാവുകയായിരുന്നു. 37 ശ​ത​മാ​നം മാ​ത്രം വി​ജ​യ​സാ​ധ്യ​ത ക​ണ​ക്കാ​ക്കി​യ സോ​ഫ്റ്റ് ലാ​ന്‍​ഡി​ങ് (മൃ​ദു​വി​റ​ക്കം) ഏറെ ശ്രമകരമായ ഘട്ടമാ‍യിരുന്നു.

ഇ​തു​വ​രെ ആ​രും ക​ട​ന്നു​ചെ​ല്ലാ​ത്ത ച​ന്ദ്ര​നി​ലെ ദ​ക്ഷി​ണ ധ്രു​വ​ത്തി​ലെ ര​ഹ​സ്യ​ങ്ങ​ള്‍ തേ​ടി​യു​ള്ള ച​ന്ദ്ര​യാ​ന്‍-​ര​ണ്ടി​​​​​​​​​​​​​​​​​​​​​​െന്‍റ വി​ക്ഷേ​പ​ണ​ത്തി​നു​ ശേ​ഷം 47 ദി​വ​സ​ത്തെ കാ​ത്തി​രി​പ്പി​നൊ​ടു​വി​ലാണ് ചന്ദ്രയാന്‍ 2 ലാന്‍ഡിങ്ങിന് തയാറെടുത്തത്. അ​തി​സ​ങ്കീ​ര്‍​ണ​മാ​യ സോ​ഫ്റ്റ് ലാ​ന്‍​ഡി​ങ്ങി​നാ​യി ച​ന്ദ്ര​നി​ല്‍​ നി​ന്ന്​ 35 കി​ലോ​മീ​റ്റ​ര്‍ പ​രി​ധി​യി​ലാ​ണ് ലാ​ന്‍​ഡ​റി​നെ എ​ത്തി​ച്ചി​രു​ന്ന​ത്. മൈനസ് 13 ഡിഗ്രി ശരാശരി താപനിലയുള്ള ദക്ഷിണ ധ്രുവത്തിലെ മന്‍സിനസ് സി, സിംപിലിയന്‍ എന്‍ ഗര്‍ത്തങ്ങളുടെ മധ്യ ഭാഗത്താണ് ലാന്‍ഡിങ് തീരുമാനിച്ചിരുന്നത്.

48 ദിവസം നീണ്ട ചന്ദ്രയാന്‍ 2 ദൗത്യത്തില്‍ ഭൂമിയില്‍ നിന്ന് 3,84,000 കിലോമീറ്റര്‍ ദൂരം സഞ്ചരിച്ചാണ് പേടകം ചന്ദ്രന്‍റെ ഭ്രമണപഥത്തില്‍ എത്തിയത്. ജൂലൈ 22നാണ് ശ്രീഹരിക്കോട്ടയിലെ സതീഷ് ധവാന്‍ സ്പേസ് സെന്‍ററില്‍ നിന്ന് ചന്ദ്രയാന്‍ രണ്ട് പേടകവുമായി ജി.എസ്.എല്‍.വി മാര്‍ക്ക് ത്രീ റോക്കറ്റ് ബഹിരാകാശത്തേക്ക് കുതിച്ചത്. മുന്‍കൂട്ടി നിശ്ചയിച്ചതിനെക്കാള്‍ 45,475 കിലോമീറ്റര്‍ അകലെയുള്ള ഭ്രമണപഥത്തില്‍ എത്തിയതിനാല്‍ പേടകത്തിന്‍റെ ആദ്യ ഭ്രമണപഥമാറ്റം വേണ്ടെന്ന് വെച്ചിരുന്നു.