മരടിലെ ഫ്ലാറ്റ് നിര്മ്മാണം.... തീരദേശചട്ടം ലംഘിച്ച നാല് ഫ്ലാറ്റുകള് പൊളിച്ചു നീക്കാനുള്ള നടപടികള്ക്ക് തുടക്കം.... താമസക്കാരെ ഒഴിപ്പിച്ച് താത്ക്കാലിക പുനരധിവാസത്തിന് നിര്ദ്ദേശം....
തീരദേശചട്ടം ലംഘിച്ച് നിര്മ്മാണം നടത്തിയ നാല് ഫ്ലാറ്റുകള് പൊളിച്ചു നീക്കാനുള്ള നടപടികള്ക്ക്
തുടക്കം. ഇപ്പോള് താമസിക്കുന്നവരെ ഒഴിപ്പിച്ച് താത്ക്കാലികമായി അവരെ പുനരധിവസിപ്പിക്കാനും നിര്ദ്ദേശമുണ്ട്. ഇതു സംബന്ധിച്ചുള്ള സര്ക്കാര് ഉത്തരവ് മരട് നഗരസഭാ സെക്രട്ടറിക്കു നല്കി. കത്തില് ഫ്ലാറ്റുകള് പൊളിക്കാനുള്ള ഏജന്സിയെ കണ്ടെത്തണമെന്നും നിര്ദ്ദേശിക്കുന്നുണ്ട്. സുപ്രീംകോടതിയാണ് ഫ്ലാറ്റുകള് പൊളിക്കാനുള്ള ഉത്തരവ് നല്കിയത്.
350 ഫ്ലാറ്റുകള് ഈ മാസം 20നകം പൊളിച്ചുമാറ്റി റിപ്പോര്ട്ട് നല്കണമെന്നു സംസ്ഥാന സര്ക്കാരിനു സുപ്രീം കോടതി അന്ത്യശാസനം നല്കിയിരുന്നു. നടപടിയുണ്ടാവുന്നില്ലെങ്കില് 23ന് ചീഫ് സെക്രട്ടറി കോടതിയില് നേരിട്ടു ഹാജരാകണമെന്നു വ്യക്തമാക്കിയ ജസ്റ്റിസ് അരുണ് മിശ്ര അധ്യക്ഷനായ ബെഞ്ച്, കോടതിയലക്ഷ്യ നടപടിയുണ്ടാകാമെന്ന മുന്നറിയിപ്പും നല്കിയിരുന്നു.
അതേസമയം ഫ്ലാറ്റുകള് നഗരസഭയ്ക്ക് ഒറ്റയ്ക്ക് പൊളിക്കാന് കഴിയില്ലെന്നും കളക്ടറുമായി തുടര്നടപടികള് ആലോചിക്കുമെന്നും അതിനായി നഗരസഭാകൗണ്സില് ഉടന് ചേരുമെന്നും ചെയര്പേഴ്സന് പറഞ്ഞു.
മരട് നഗരസഭയ്ക്കാണ് പൊളിക്കേണ്ട ഉത്തരവാദിത്വമുള്ളത്. നഗരസഭയ്ക്ക് പൊലീസ് സംരക്ഷണം ഉള്പ്പെടെ ജില്ലാ ഭരണകൂടത്തിന്റെ സഹായം തേടാനാവും.
f
https://www.facebook.com/Malayalivartha