കൊച്ചിയിലെ മയക്കുമരുന്ന് പാര്‍ട്ടിക്ക് നേതൃത്വം നല്‍കുന്നത് പ്രമുഖ വനിതാ നിര്‍മാതാവ്. സംസ്ഥാനത്തെ പ്രമുഖ സ്വര്‍ണ,പണമിടപാട് സ്ഥാപന ഉടമയുടെ ബന്ധുവായ ഇവരെ പൊലീസിനും ഭയമാണ്. അടുത്തിടെ ഇവര്‍ നിര്‍മിച്ച സൂപ്പര്‍താര ചിത്രത്തില്‍ അഭിനയിക്കാന്‍ വന്ന ചില യുവതാരങ്ങള്‍ പ്രതിഫലം വാങ്ങിയിരുന്നില്ല, പകരം ഇത്തരം പാര്‍ട്ടികളില്‍ പങ്കെടുക്കുകമാത്രമാണ് ചെയ്തത്. അതായിരുന്നു അവരുടെ ലക്ഷ്യവും. അറസ്റ്റിലായ ഷൈന്‍ ടോം ചാക്കോയോട് ഇവരെ പറ്റി ചോദിച്ചിരുന്നു. എന്നാല്‍ അവരുടെ പാര്‍ട്ടികളില്‍ പങ്കെടുക്കാന്‍ മാത്രം താന്‍ വളര്‍ന്നിട്ടില്ലെന്നാണ് പറഞ്ഞതെന്ന് പൊലീസ് പറയുന്നു.
ഗോവയില്‍ നിന്നും ദുബയില്‍ നിന്നുമാണ് കൊച്ചിയില്‍ കൊക്കയിന്‍ എത്തുന്നത്. ഉന്നതങ്ങളില്‍ ബന്ധം ഉള്ളവര്‍ക്ക് മാത്രമേ ഇത് എത്തിക്കാനാവൂ. പലപ്പോഴും പൊലീസിലെ ഉന്നതരും സിനിമാക്കാരും തമ്മിലുള്ള ബന്ധംകാരണം ഇത്തരം കേസുകളില്‍ താരങ്ങളെ രക്ഷപെടുത്തുകയാണ് പതിവ്. രാഷ്ട്രീയക്കാരുടെ പിന്തുണയും ഇതിനുണ്ട്. പല രാഷ്ട്രീയ നേതാക്കളുടെയും മക്കള്‍ക്ക് പുതുതലമുറ നടന്‍മാരും സംവിധായകരുമായും അടുത്ത ബന്ധമാണുള്ളത്. അതും മയക്ക് മരുന്ന് ലോബിക്ക് സഹായകമാകുന്നു.
യുവതാരങ്ങളില്‍ ചിലര്‍ ഷൂട്ടിംഗ് സെറ്റില്‍ ലഹരി ഉപയോഗിക്കാറുണ്ട്. പുതിയ സംവിധായകര്‍ അതിന് സ്വാതന്ത്ര്യം നല്‍കുന്നുണ്ട്. അതുകൊണ്ട് ഒരു ന്യൂജനറേഷന്‍ നടന്‍ പഴയ സംവിധായകര്‍ക്ക് ഡേറ്റ് നല്‍കാറേയില്ല. ആകെ നല്‍കിയത് സത്യന്‍ അന്തിക്കാടിന് മാത്രമാണ്. ഫല്‍റ്റുകളില്‍ സിനിമയുടെ ഡിസ്‌ക്കഷന്‍ തുടങ്ങുന്ന സമയത്തേ സ്‌മോക്ക് പാര്‍ട്ടികള്‍ തുടങ്ങും. അവരുടെ സൗഹൃദത്തിലുള്ളവര്‍ക്ക് മാത്രമാണ് അവരുടെ സിനിമകളിലും ചാന്‍സ് ലഭിക്കുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha