ആ വീഡിയോ കൊടുക്കരുത്... നടിയെ തട്ടികൊണ്ടിപോയി ആക്രമിച്ച കേസില് ദിലീപിനെതിരെ ശക്തമായ നടപടികളുമായി ആക്രമിക്കപ്പെട്ട നടി സുപ്രീം കോടതിയില്; കേസിലെ സാക്ഷികളില് പലരും ദിലീപുമായി വീണ്ടും സൗഹൃദത്തിലാകുന്നതായ സൂചനകള് പുറത്തു വന്നതോടെ നടിക്ക് പൂര്ണ പിന്തുണയുമായി മഞ്ജു വാര്യര്
കൊച്ചിയില് നടി ആക്രമിക്കപ്പെട്ട കേസ് നിര്ണായ ഘട്ടത്തിലേക്ക് കടക്കുകയാണ്. ദൃശ്യങ്ങള് ആവശ്യപ്പെട്ട് ദിലീപ് സുപ്രീം കോടതിയില് ഫയല് ചെയ്ത കേസില് കക്ഷി ചേരാന് അനഴവദിക്കണമെന്നാവശ്യപ്പെട്ട് ദിലീപിനെതിരെ നടി സുപ്രീംകോടതിയെ സമീപിപ്പിച്ചു. ആക്രമണത്തിന്റെ ദൃശ്യങ്ങള് ദിലീപിന് കൈമാറരുതെന്നാണ് നടിയുടെ ആവശ്യം.
12 പേജ് വരുന്ന അപേക്ഷയാണ് നടി സുപ്രീകോടതിയില് സമര്പ്പിച്ചിരിക്കുന്നത്. ദൃശ്യങ്ങള് കൈമാറിയാല് തന്റെ സ്വകാര്യതയെ ബാധിക്കുന്നതാണെന്നും ദൃശ്യങ്ങള് ദുരുപയോഗം ചെയ്തേക്കുമെന്നും നടി കോടതിയില് നല്കിയ ഹര്ജിയില് വ്യക്തമാക്കുന്നു. സ്വകാര്യത മൗലികാവകാശമാണെന്ന വിധി ചൂണ്ടിക്കാട്ടിയാണ് ഇക്കാര്യങ്ങള് വിശദീകരിച്ചിരിക്കുന്നത്. കക്ഷി ചേരണം എന്നാവശ്യപ്പെട്ട് സമര്പ്പിച്ച അപേക്ഷയ്ക്കൊപ്പം ചില സുപ്രധാന രേഖകളും നിര്ണായക തെളിവുകളും നടി സുപ്രീംകോടതിയില് നല്കിയിട്ടുണ്ടെന്നാണ് പുറത്തുവരുന്ന റിപ്പോര്ട്ട്.
നടിയുടെ ദൃശ്യങ്ങള് അടങ്ങിയ മെമ്മറി കാര്ഡ് ദിലീപിന് കൈമാറണോ എന്ന കാര്യത്തില് വിചാരണ കോടതിക്ക് തീരുമാനമെടുക്കാമെന്നാണ് സുപ്രീം കോടതിയുടെ സുപ്രധാന നിരീക്ഷണം. രേഖയാണെങ്കില് മെമ്മറി കാര്ഡിലെ ദൃശ്യങ്ങളുടെ പകര്പ്പ് കൈമാറുന്നത് സംബന്ധിചച്ചുള്ള മാനദണ്ഡങ്ങള് ജില്ല ജഡ്ജിക്ക് തീരുമാനിക്കാം. എന്നാല് തൊണ്ടി മുതലണെങ്കില് ദൃശ്യങ്ങള് വിചാരണയ്ക്ക് ഉപയോഗിക്കാന് കഴിയില്ലെന്നും കോടതി നിരീക്ഷിച്ചിരുന്നു. സുപ്രധാനമായ ഈ വിധിയാണ് വിനയാകുന്നത്.
മെമ്മറി കാര്ഡ് രേഖയാണെന്നും അതിന്റെ പകര്പ്പ് ലഭിക്കാന് അര്ഹതയുണ്ടെന്നും ചൂണ്ടിക്കാട്ടിയാണ് ദിലീപ് സുപ്രീംകോടതിയില് ഹര്ജി നല്കിയിരിക്കുന്നത്. ഇക്കാര്യം അവശ്യപ്പെട്ട് സമര്പ്പിച്ച ഹര്ജി നേരത്തെ ഹൈക്കോടതി തള്ളിയിരുന്നു. ഇതിനെ ചോദ്യം ചെയ്താണ് ദിലീപ് സുപ്രീംകോടതിയിലേക്ക് പോയിരിക്കുന്നത്. ദൃശ്യങ്ങളുടെ പകര്പ്പ് നല്കിയാല് ഇരയ്ക്ക് സ്വതന്ത്രമൊഴി നല്കാനാകില്ലെന്നും നടിയുടെ സ്വകാര്യതയെ ബാധിക്കുമെന്നും സംസ്ഥാന സര്ക്കാരും നിലപാട് എടുത്തിരുന്നു.
അതേസമയം നടിയുടെ അപേക്ഷ പോരാട്ടം തുടരുമെന്നതിന്റെ വ്യക്തമായ സൂചനകളാണ് നല്കുന്നത്. കേസിലെ സാക്ഷികളില് പലരും ദിലീപുമായി വീണ്ടും സൗഹൃദത്തിലാകുന്ന സൂചനകള് പുറത്തു വന്നിരുന്നു. മഞ്ജു വാര്യരും കുഞ്ചാക്കോ ബോബനും അടക്കം വിചാരണയില് എടുക്കുന്ന നിലാപാടുകള് എന്താകുമെന്ന ചര്ച്ചകള് പുരോഗമിക്കവേയാണ് നടിയുടെ പുതിയ നിലപാട്. അപേക്ഷ സുപ്രീംകോടതി ചൊവ്വാഴ്ച പരിഗണിക്കും. ഈ കേസില് സര്ക്കാരിന്റെ ഭാഗത്ത് നിന്ന് കള്ളക്കളികള് ഉണ്ടാകുമോ എന്ന സംശയവും സജീവമാണ്. സിനിമാക്കാരായ സാക്ഷികളില് ഭൂരിഭാഗം പേരും ദിലീപുമായി അടുത്ത ബന്ധമുള്ളവരാണ്. ഇവരുടെ നിലപാട് വിചാരണയെ സ്വാധീനിക്കും. ഈയൊരു സാഹചര്യത്തിലാണ് സുപ്രീംകോടതിയില് നിയമ യുദ്ധത്തിന് നടി എത്തുന്നത്.
അതേസമയം പഴയ പോലെ തന്നെ നടിക്ക് മഞ്ജുവാര്യര് വലിയ പിന്തുണ നല്കുന്നുവെന്നാണ് പറയുന്നത്. ആ ഒരു പിന്തുണയാണ് നടിയെ സുപ്രീം കോടതിയില് വീണ്ടും എത്തിച്ചത്. ദിലീപിന്റെ ആദ്യ ഭാര്യയാണ് മഞ്ജു വാര്യര്. കാവ്യാ മാധവനുമായുള്ള ദിലീപിന്റെ അടുപ്പം പുറത്ത് പറഞ്ഞതിനാണ് അക്രമിക്കപ്പെട്ട നടിയേയും ദിലീപിനേയും ശത്രുതയിലെത്തിച്ചതെന്നാണ് കേസ്. ഇതിന്റെ പ്രതികാരമാണ് പള്സര് സുനിയുടെ ആക്രമണത്തിലേക്ക് എത്തിയതെന്നാണ് മൊഴി. നടിക്ക് അതിശക്തമായ പിന്തുണയാണ് മഞ്ജു വാര്യര് ആദ്യ ഘട്ടത്തില് നല്കിയത്. ഇതിനിടെയിലും മഞ്ജുവുമായി പ്രശ്നമുണ്ടാകാതിരിക്കാന് ദിലീപും ശ്രമിക്കുന്നുണ്ട്. മഞ്ജു വാര്യര് ഉത്തരേന്ത്യന് പ്രളയത്തില് കുടുങ്ങിയ സമയത്ത് ദിലീപിന്റെ ഇടപെടല് വളരെ ശ്രദ്ധേയമായിരുന്നു. അതിന് പിന്നാലെയാണ് നടി സുപ്രീം കോടതിയില് അപേക്ഷ നല്കിയത്.
"
https://www.facebook.com/Malayalivartha