ചീഫ് സെക്രട്ടറിക്കെതിരെ പൊട്ടിത്തെറിച്ച് മന്ത്രി തിരുവഞ്ചൂര്‍ രാധാകൃണന്‍, പിഴവുണ്ടങ്കില്‍ ഇയാള് നടത്തട്ടെയന്നും മന്ത്രി
മന്ത്രിസഭായോഗത്തിനു മുന്നോടിയായി മുഖ്യമന്ത്രി ഉമ്മന്‍ ചാണ്ടിയുടെ ഓഫീസിലെത്തിയ കായികമന്ത്രി തിരുവഞ്ചൂര്‍ രാധാകൃഷ്ണന്‍ ചീഫ് സെക്രട്ടറിയുടെ നടപടിക്കെതിരേ പൊട്ടിത്തെറിച്ചതായി റിപ്പോര്‍ട്ട്. സമയം രാവില 8.5ം മുഖ്യമന്ത്രി ഓഫീസില്‍ ചീഫ് സെക്രട്ടറിയുമായി പതിവ് ചര്‍ച്ച നടത്തുന്നു. ഇതിനിടയില്‍ വാതില്‍ തള്ളിത്തുറന്ന് അകത്ത് കറിയ മന്ത്രി തിരുവഞ്ചൂര്‍ രാധാകൃഷ്ണന്‍ താന്‍ ഗെയിംസിന്റെ വര്‍ക്കിങ് ചെയര്‍മാന്‍ സ്ഥാനത്തുനിന്ന് രാജിവെയ്ക്കുകയാണെന്ന് അറിയിച്ചു. തന്റെ പ്രവര്‍ത്തനങ്ങളില്‍ തൃപ്തിയില്ലെങ്കില്‍ മേള ഇയാള് നടത്തട്ടെയെന്ന് മന്ത്രി ചീഫ് സെക്രട്ടറിയെ ചൂണ്ടിപറഞ്ഞു.
വിശ്രമമില്ലാതെ ഗെയിംസിനുവേണ്ടി പ്രവര്‍ത്തിക്കുകയാണ് താന്‍. അതു വിജയിപ്പിക്കാന്‍ എല്ലാവര്‍ക്കും ഒരുപോലെ ഉത്തരവാദിത്വമുണ്ട്. ലാഭേഛയില്ലാതെ പ്രവര്‍ത്തിക്കുന്നതിനിടെ ഒരുദിവസം പെട്ടെന്നൊരാള്‍ വന്ന് കുറ്റപ്പെടുത്തിയാല്‍ അംഗീകരിക്കാനാകില്ല. വിവാദങ്ങള്‍ കെട്ടടങ്ങിവരുമ്പോള്‍ വീണ്ടും വിവാദമുണ്ടാക്കുകയാണു ചീഫ് സെക്രട്ടറി ചെയ്തത്. പ്രതിപക്ഷകക്ഷികള്‍പോലും ആരോപണങ്ങള്‍ അവസാനിപ്പിച്ച ഘട്ടത്തിലാണി ഇയാളുടെ കുറ്റപ്പെടുത്തല്‍. ഇങ്ങനെ മുന്നോട്ടുപോകാന്‍ തനിക്കു താല്‍പര്യമില്ലെന്നും തിരുവഞ്ചൂര്‍ മുഖ്യമന്ത്രിയുടെ മുന്നില്‍ പൊട്ടിത്തെറിച്ചു. സംഭവമറിഞ്ഞ് മറ്റു ചില മന്ത്രിമാരും മുഖ്യമന്ത്രിയുടെ കാബിനിലെത്തി തിരുവഞ്ചൂരിനെ ആശ്വസിപ്പിച്ചു. ചീഫ് സെക്രട്ടറിയെ ശാസിക്കണമെന്നായിരുന്നു മുഖ്യമന്ത്രിക്കു മുന്നില്‍ ക്ഷുഭിതനായ തിരുവഞ്ചൂരിന്റെ ആവശ്യം. എന്നാല്‍ തിരുവഞ്ചൂരിനെ ആശ്വസിപ്പിച്ച മുഖ്യമന്ത്രി, മന്ത്രിസഭായോഗത്തില്‍ ഇക്കാര്യം ചര്‍ച്ച ചെയ്യാമെന്ന് ഉറപ്പുനല്‍കി.
ദേശീയ ഗെയിംസ് സംഘാടനത്തില്‍ പിഴവുണ്ടെന്നു മാധ്യമങ്ങളില്‍ വിമര്‍ശനമുന്നയിച്ച ചീഫ് സെക്രട്ടറി ജിജി തോംസണു മന്ത്രിസഭായോഗം രൂക്ഷമായി വിമര്‍ശിച്ചു. ഗെയിംസ് എക്‌സിക്യൂട്ടീവ് കൗണ്‍സില്‍ വര്‍ക്കിങ് ചെയര്‍മാന്‍ സ്ഥാനത്തുനിന്നുള്ള രാജിക്കത്ത് മുഖ്യമന്ത്രിക്കു കൈമാറിയ തിരുവഞ്ചൂര്‍, തന്റെ പ്രവര്‍ത്തനങ്ങളില്‍ തൃപ്തിയില്ലെങ്കില്‍ മേള ചീഫ് സെക്രട്ടറി നടത്തട്ടെയെന്നു തുറന്നടിച്ചു. കാബിനിലെത്തിയ മറ്റു മന്ത്രിമാരും മുഖ്യമന്ത്രിയും ചേര്‍ന്ന് തിരുവഞ്ചൂരിനെ അനുനയിപ്പിച്ച് രാജിയില്‍നിന്നു പിന്തിരിപ്പിച്ചു. തുടര്‍ന്നു നടന്ന മന്ത്രിസഭായോഗത്തില്‍ രൂക്ഷവിമര്‍ശനമേറ്റുവാങ്ങിയ ചീഫ് സെക്രട്ടറി തെറ്റ് ഏറ്റുപറഞ്ഞതോടെയാണു പ്രശ്‌നം അവസാനിച്ചത്.
ഇന്നലെ രാവിലെ ഒന്‍പതിനു മന്ത്രിസഭായോഗം തുടങ്ങുന്നതിനു മുമ്പ് നാടകീയസംഭവങ്ങള്‍ക്കാണു മുഖ്യമന്ത്രിയുടെ ഓഫീസ് സാക്ഷ്യം വഹിച്ചത്. ചീഫ് സെക്രട്ടറിയുടെ നിലപാടിനെ മന്ത്രിമാര്‍ യോഗത്തില്‍ രൂക്ഷമായി വിമര്‍ശിച്ചു. മന്ത്രിയെന്ന നിലയില്‍ മികച്ച പ്രവര്‍ത്തനമാണു തിരുവഞ്ചൂരിന്റേതെന്ന് അഭിനന്ദിച്ചു. തുടര്‍ന്നു സംസാരിച്ച ചീഫ് സെക്രട്ടറി, മാധ്യമങ്ങള്‍ക്കു മുന്നില്‍ വിമര്‍ശനം നടത്തിയതു മനഃപൂര്‍വമല്ലെന്നു വ്യക്തമാക്കി. തന്റെ നടപടി തെറ്റാണെന്നു ബോധ്യപ്പെട്ടതായി അദ്ദേഹം പറഞ്ഞതോടെ ഇതുസംബന്ധിച്ച ചര്‍ച്ചകള്‍ അവസാനിപ്പിക്കാന്‍ യോഗം തീരുമാനിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
