പ്രധാനമന്ത്രി രാഷട്രീയ വേട്ട നടത്തുന്നുവെന്ന് എഐ വൈഎഫ്
രാജ്യത്ത് വളര്ന്നു വരുന്ന അസഹിഷ്ണുതക്കും ആള്ക്കൂട്ട കൊലപാതകങ്ങള്ക്കുമെതിരെ പ്രധാനമന്ത്രിക്ക് കത്തയച്ചതിന്റെ പേരില് അടൂര് ഗോപാലകൃഷ്ണന് ഉള്പ്പെടെയുള്ള 49 കലാസാംസ്ക്കാരിക പ്രവര്ത്തകര്ക്കെതിരെ കേസെടുത്ത നടപടി ജനാധിപത്യവിരുദ്ധവും പ്രതിഷേധാര്ഹവുമാണെന്ന് എഐവൈഎഫ് സംസ്ഥാന പ്രസിഡന്റ് അഡ്വ.ആര്.സജിലാല്, സെക്രട്ടറി മഹേഷ് കക്കത്ത് എന്നിവര് പറഞ്ഞു.
വിമര്ശനങ്ങളെ ഉള്ക്കൊള്ളാന് കഴിയാത്ത കടുത്ത ഫാസിസ്റ്റ് മനോഭാവമാണ് പ്രധാനമന്ത്രിയുടേത്.ഭിന്നാഭിപ്രായങ്ങളും വിമര്ശനങ്ങളും ഉന്നയിക്കുന്നവരെ ആക്രമിക്കുകയും കേസെടുത്ത് ജയിലിലടക്കുവാനുമുള്ള നീക്കം ഭരണഘടന ഉറപ്പു നല്കുന്ന അഭിപ്രായ സ്വാതന്ത്ര്യത്തിന്റെ നഗ്നമായ ലംഘനമാണ്.കത്തിലൂടെ വിമര്ശിച്ചതിന്റെ പേരില് കേസെടുത്ത നടപടി കേന്ദ്ര സര്ക്കാരിന്റേയും പ്രധാനമന്ത്രിയുടേയും രാഷ്ട്രീയ വേട്ടയാടലിന്റെ തെളിവാണ്. കേസെടുത്തതിനെതിരെ എഐവൈഎഫ് നേതൃത്വത്തില് പ്രധാനമന്ത്രിക്ക് ഒരു ലക്ഷം കത്തുകള് അയച്ച് പ്രതിഷേധിക്കുമെന്ന് എഐവൈഎഫ് നേതാക്കള് അറിയിച്ചു.
രാമചന്ദ്രഗുഹയും അടൂര് ഗോപാലകൃഷ്ണനും മണിരത്നവും ഉള്പ്പെടെയുള്ള 50 പേര്ക്കെതിരെയാണ് കേസെടുത്തത്.ജൂലൈയിലാണ് കത്തയച്ചത്. ബിഹാര് മുസാഫൂര് കോടതിയാണ് കേസെടുത്തത്. അഭിഭാഷകനായ സുധീര് കുമാര് ഓജ നല്കിയ ഹര്ജിയില് മുസാഫര് ചീഫ് ജുഡീഷ്യല് മജിസ്ട്രേറ്റ് സൂര്യകാന്ത് തിവാരിയാണ് കേസെടുക്കാന് ഉത്തരവായത്.
https://www.facebook.com/Malayalivartha
