കോണ്ഗ്രസിനെ വിമര്ശിച്ച് പാണക്കാട് തങ്ങള് നേതൃത്വം നല്കുന്ന സുപ്രഭാതം
ബി.ജെ.പിയുടെയും ആര്.എസ്.എസിന്റെയും വര്ഗീയ നിലപാടുകള്ക്കെതിരെ ശക്തമായ നിലപാട് കോണ്ഗ്രസ് സ്വീകരിക്കുന്നില്ലെന്ന് മുസ്്ലിംലീഗ് അധ്യക്ഷന് പാണക്കാട് ഹൈദരലി ശിഹാബ് തങ്ങള് നേതൃത്വം നല്കുന്ന സമസ്തയുടെ മുഖപത്രമായ സുപ്രഭാതം. കോണ്ഗ്രസിന്റെ ശിരസില് ചവിട്ടി ആര്എസ്എസിന്റെ ഗാന്ധി പ്രഘോഷണം എന്ന തലക്കെട്ടില് ഇന്നത്തെ പത്രത്തില് വന്ന മുഖപസംഗത്തിലാണ് കോണ്ഗ്രസിനെതിരേ വിമര്ശനം നടത്തിയത്. ഗാന്ധിജിയുടെ 150ാം ജന്മവാര്ഷികം ആഘോഷിച്ച് ഗാന്ധിജിയെ തട്ടിയെടുക്കാനാണ് ആര്എസ്എസ് ശ്രമിക്കുന്നതെന്നും എല്ലാ മേഖലയിലും ആര്എസ്എസ് കടന്നുകയറുമ്പോള് കോണ്ഗ്രസ് നോക്കുകുത്തിയായി നില്ക്കുകയാണെന്നും മുഖപ്രസംഗത്തില് വിമര്ശിക്കുന്നു.
മോദിയ്ക്കും കേന്ദ്രസര്ക്കാരിനുമെതിരെ കോണ്ഗ്രസിന് ശക്തമായ പ്രതിപക്ഷം ആകാന് കഴിയുന്നില്ല. കോണ്ഗ്രസ് എന്ന ബദല് ശക്തമകണം. ഇന്ത്യന് മതേതരത്വത്തിന് ഇനിയും ആശയറ്റിട്ടില്ല. കോണ്ഗ്രസിന് ഒരു ബദല് ഇല്ലാത്ത കാലത്തോളം പ്രതീക്ഷാ നിര്ഭരമായി കാത്തിരിപ്പ് തുടരേണ്ടണ്ടി വരും. ആര്എസ്എസിന്റെ ഫാഷിസ്റ്റ് ഭരണത്തിനെതിരേ കോണ്ഗ്രസിന്റെ ദുര്ബലമായ പ്രതിരോധ പ്രവര്ത്തനങ്ങള് ഫലം കാണുന്നില്ലെന്നും വിമര്ശനം ഉന്നയിക്കുന്നുണ്ട്. പൗരത്വ രജിസ്റ്റര് മുസ്ലിംകളെ പുറന്തള്ളുന്ന പദ്ധതിയാണെന്ന് ഉറക്കെപറയാന് മതനിരപേക്ഷ കക്ഷിയെന്ന് ഊറ്റംകൊള്ളുന്ന കോണ്ഗ്രസിന് ആവുന്നില്ലെന്നും ആരോപിക്കുന്നു.
ഫാഷിസ്റ്റ് ഭരണത്തെ ഇല്ലായ്മ ചെയ്യാന് കാലംതന്നെ അനിവാര്യമായ സംവിധാനമുണ്ടാക്കുമെന്ന് വിശ്വാസിക്കാം. കോണ്ഗ്രസിന് ബദലായി മറ്റൊരു രാഷ്ട്രീയം വളര്ന്നുവരേണ്ടതുണ്ട്. മുത്തലാഖിലും കശ്മീരിനെ വിഭജിക്കുന്നതിലും കോണ്ഗ്രസ് മൃദുഹിന്ദുത്വ സമീപനമാണ് സ്വീകരിച്ചത്. അസമില് നടപ്പിലാക്കിയ പൗരത്വ രജിസ്റ്റര് രാജ്യമൊട്ടാകെ വ്യാപിക്കുമെന്ന് പറയുന്ന അമിത്ഷാക്കെതിരേ ഒരക്ഷരംപോലും കോണ്ഗ്രസ് നേതാക്കള് ഉരിയാടിയിട്ടില്ലെന്നും കുറ്റപ്പെടുത്തുന്നു.
https://www.facebook.com/Malayalivartha
