മുഖ്യമന്ത്രി ഉമ്മന്‍ചാണ്ടിയും കായികമന്ത്രി തിരുവഞ്ചൂര്‍ രാധാകൃഷ്ണനും മോഹന്‍ലാലിനെ വീട്ടിലെത്തി സന്ദര്‍ശിച്ചു. ദേശീയ ഗെയിംസ് ഉദ്ഘാടന ചടങ്ങിലെ ലാലിസം പരിപാടിയുടെ പ്രതിഫലത്തുക മോഹന്‍ലാല്‍ തിരിച്ചയച്ച സാഹചര്യത്തിലാണ് മുഖ്യമന്ത്രി ഉമ്മന്‍ ചാണ്ടിയും മന്ത്രി തിരുവഞ്ചൂര്‍ രാധാകൃഷ്ണനും മോഹന്‍ലാലിനെ നേരില്‍ കണ്ടത്.
ഇന്ന് രാവിലെ മോഹന്‍ലാലിന്റെ കൊച്ചിയിലെ വസതിയിലെത്തിയാണ് കൂടിക്കാഴ്ച്ച നടത്തിയത്. ലാലിസത്തിന്റെ പ്രതിഫലമായി ലഭിച്ച 1കോടി 63 ലക്ഷം രൂപയുടെ ചെക്ക് മോഹന്‍ലാല്‍ തിരിച്ചയച്ചിരുന്നു. ഈ ചെക്ക് സ്വീകരിക്കില്ലെന്നാണ് മന്ത്രിസഭ കൈക്കൊണ്ട നിലപാട്. പ്രതിഫലത്തുക സ്വീകരിക്കണമെന്ന് ഉമ്മന്‍ ചാണ്ടിയും തിരുവഞ്ചൂരും മോഹന്‍ലാലിനോട് ആവശ്യപ്പെട്ടതായാണ് സൂചന. എന്നാല്‍ മുഖ്യമന്ത്രിയുടെ സന്ദര്‍ശനത്തെക്കുറിച്ച് മോഹന്‍ലാല്‍ പ്രതികരിച്ചില്ല.
ലാലിന്റെ ചെക്കു ലഭിച്ചാല്‍ തിരിച്ചയയ്ക്കണമെന്ന് നേരത്തെ മുഖ്യമന്ത്രി ദേശീയ ഗെയിംസ് സെക്രട്ടറിയേറ്റിന് നിര്‍ദ്ദേശം നല്‍കിയിരുന്നു.എന്നാല്‍ ചെക്ക് തിരിച്ചെടുക്കാന്‍ ലാല്‍ കൂട്ടാക്കിയില്ല. ഈ സാഹചര്യത്തില്‍ സര്‍ക്കാര്‍ പ്രതിസന്ധിയിലലാവുകയായിരുന്നു. ഇതിനെ തുടര്‍ന്നാണ് മുഖ്യമന്ത്രി പ്രശ്‌നത്തില്‍ ഇടപെട്ടത്. ഉദ്ഘാടന ചടങ്ങെല്ലാം നന്നായിരുന്നെന്നും മോഹന്‍ലാലിന്റെ ലാലിസമാണ് പരിപേടി മോശമാക്കിയതെന്നും തിരുവഞ്ചൂര്‍ പറഞ്ഞിരുന്നു.
മന്ത്രിയുടെ പരാമര്‍ശം ലാലിനെ വേദനിപ്പിച്ചന്നാണ് അദ്ദേഹവുമായി ബന്ധുമള്ളവര്‍ പറഞ്ഞത്. ഈ സാഹചര്യത്തിലാണ് തിരുവഞ്ചൂരും മോഹന്‍ലാലിനെ കാണാനെത്തിയത്. ലാലിസത്തിന്റെ പേരില്‍ വിവാദമുണ്ടായതില്‍ ലാലിനോട് സര്‍ക്കാര്‍ ഖേദ പ്രകടനവും നടത്തി.ഗെയിംസിന്റെ വിവദങ്ങളെ കുറിച്ച് സിബി ഐ അന്വേഷണം ആരംഭിച്ചിട്ടുണ്ട്. ലാലിസത്തിനെ കുറിച്ചും അതിന്റെ നടത്തിപ്പിനെക്കുറിച്ചും സിബിഐ തെളിവുകള്‍ ശേഖരിച്ചതായാണ് റിപ്പോര്‍ട്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha