വധ ഭീഷണിയുമായി ആഷിക് അബുവിന്റെ ആരാധകര്‍, അപകീര്‍ത്തികരമായ പരാമര്‍ശം നടത്തിയതിന് റിമ കല്ലിങ്കലിനെതിരെ പരാതി നല്‍കുമെന്ന് മംഗളം ലേഖകന്
കൊച്ചി കൊക്കെയ്ന്‍ കേസില്‍ സംവിധായകന്‍ ആഷിഖ് അബുവിനും റിമ കല്ലിങ്കലിനും എതിരായി വാര്‍ത്തയെഴുതിയ മംഗളം ലേഖകന് വധഭീഷണിയുമായി ആരാധകര്‍. ഇന്നലെ രാവിലെ 11.42ന് ആഷിക് അബുവിന്റെ ആരാധകനെന്നു പരിചയപ്പെടുത്തിയയാള്‍ ലേഖകന്റെ ഫോണില്‍ വിളിച്ച് വധഭീഷണി മുഴക്കിയത്. പ്ലസ് 3510347 എന്ന ഇന്റര്‍നെറ്റ് ഫോണ്‍ നമ്പരില്‍നിന്നായിരുന്നു ഭീഷണിസന്ദേശം. മംഗളം പത്രം തന്നെയാണ് ഇത് റിപ്പോര്‍ട്ട് ചെയ്തത്.
അതേസമയം തനിക്കെതിരായ അപകീര്‍ത്തികരമായ പരാമര്‍ശം നടത്തിയ ആഷിന്റെ ഭാര്യ റിമ കല്ലിങ്കലിനെതിരെ പരാതി നല്‍കുമെന്ന ലേഖകന് അറിയിച്ചു. വാര്‍ത്തയെഴുതിയതിന്റെ പേരില്‍ പിമ്പെന്ന് വിളിച്ച റിമയുടെ പരാമര്‍ശത്തിനെതിരെയാണ് ലേഖകന് പരാതി നല്‍കാന്‍ ഒരുങ്ങുന്നത്. ഫേസ്ബുക്കിലൂടെയായിരുന്നു റിമ കല്ലിങ്കല്‍ വാര്‍ത്തയെഴുതിയ ലേഖകനെ പിമ്പെന്ന് വിളിച്ചത്.
മംഗളം വാര്‍ത്തയെ തുടര്‍ന്ന് ആഷിഖ് അബുവിന്റെ ഫെയ്‌സ് ബുക്ക് സ്റ്റാറ്റസ് ഇന്നലെ നവ മാധ്യമങ്ങളില്‍ ചൂടുള്ള ചര്‍ച്ചയ്ക്ക് കാരണമായി. ആഷിഖ് അബുവിനെ അനുകൂലിച്ചും പ്രതികൂലിച്ചുമായി നിരവധി പേരാണ് രംഗത്ത് വന്നത്. ആഷിഖിനെ അനുകൂലിച്ചും ലേഖകനെ തെറിവിളിച്ചുമാണ് ഏറ്റവും കൂടുതല്‍ പേരും കമന്റ് ഇട്ടിരിക്കുന്നത്.
വാര്‍ത്തയ്ക്ക് വിശദീകരണം നല്‍കികൊണ്ടും മംഗളം രംഗത്തെത്തിയിട്ടുണ്ട്. ആഷിക് അബു, റിമാ കല്ലിങ്കല്‍ എന്നിവര്‍ക്കു കൊക്കെയ്ന്‍ കേസില്‍ പങ്കുണ്ടെന്ന് വാര്‍ത്തയിലൊരിടത്തും പറഞ്ഞിട്ടില്ലെന്നും അവരില്‍നിന്നു പോലീസ് തെളിവെടുക്കുമെന്ന കൃത്യമായ വിവരം മാത്രമാണതിലുള്ളതെന്നും മംഗളം പറയുന്നു.
ലേഖകന് മാദ്ധ്യമപ്രവര്‍ത്തനത്തെ വ്യഭിചരിച്ചെന്നും തനിക്കെതിരായ വാര്‍ത്തയുടെ പേരില്‍ മാനനഷ്ട കേസ് നല്‍കുമെന്നും ഈ തുക ഐ.എസ്.ആര്‍.ഒ. ചാരക്കേസില്‍ ആരോപണ വിധേയനായ ശാസ്ത്രജ്ഞന്‍ നമ്പി നാരായണന് കൊടുക്കുമെന്നുമായിരുന്നു ആഷിന്റെ ഫേസ്ബുക്ക് പോസ്റ്റ്. അതിനിടെ ഈ വിഷയത്തില്‍ പ്രതികരണം നടത്താന്‍ നടന്‍ ഫഹദ് ഫാസില്‍ ഇതുവരെ തയ്യാറായിട്ടില്ല.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
