ദേശീയ ഗെയിംസുമായി ബന്ധപ്പെട്ട തീരുമാനങ്ങള്‍ കൈക്കൊണ്ടത് മുന്‍ കായിക മന്ത്രിമാരായ ഗണേശ് കുമാറിന്റെയും എം.വിജയകുമാറിന്റെയും കാലത്താണെന്ന് മന്ത്രി പറഞ്ഞു. താന്‍ കായിക മന്ത്രിയായ ശേഷം ഗെയിംസിനായി നയാപൈസ പോലും തന്റെ ഉത്തരവിന്റെ അടിസ്ഥാനത്തില്‍ ചെലവഴിച്ചിട്ടില്ലെന്നും അദ്ദേഹം വാര്‍ത്താ സമ്മേളനത്തില്‍ പറഞ്ഞു.
ഇപ്പോള്‍ നല്ല പിള്ള ചമഞ്ഞ് ഗെയിംസിന്റെ നടത്തിപ്പിനെ കുറിച്ച് കുറ്റം പറയുന്നവര്‍ തന്നെ ആദ്യം അകത്ത് പോകുമെന്നും അവരെടുത്ത തീരുമാനങ്ങള്‍ വേഗത്തില്‍ നടപ്പിലാക്കുക മാത്രമാണ് താന്‍ ചെയ്തതെന്നും തിരുവഞ്ചൂര്‍ പറഞ്ഞു. ഗെയിംസിനായുള്ള ഫണ്ട് വകമാറ്റി ചെലവഴിച്ചിട്ടുണ്ട്. അതേക്കുറിച്ച് അന്വേഷിച്ചാല്‍ ചിലര്‍ കുടങ്ങും. അത് ആരാണെന്ന് ഇപ്പോള്‍ പറയുന്നില്ല. ഗെയിംസ് കഴിഞ്ഞ് അതേക്കുറിച്ച് പറയാമെന്നും തിരുവഞ്ചൂര്‍ പറഞ്ഞു. ഗണേശ് കുമാര്‍ കായിക മന്ത്രിയായിരുന്ന കാലത്ത് ഗെയിംസ് സംബന്ധിച്ച തീരുമാനങ്ങള്‍ കൈക്കൊണ്ടതിനുള്ള യോഗത്തിലെ മിനിട്ട്‌സും മന്ത്രി മാധ്യമങ്ങള്‍ക്ക് നല്‍കി. ഗെയിംസുമായി ബന്ധപ്പെട്ട് ഏത് തരത്തിലുള്ള അന്വേഷണത്തിനും തയ്യാറാണെന്നും തിരുവഞ്ചൂര്‍ വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha