മരടിലെ ഫ്ലാറ്റ് ഉടമകള്ക്ക് നഷ്ടപരിഹാരം നിശ്ചയിക്കാനുള്ള ജസ്റ്റിസ് കെ ബാലകൃഷ്ണന് നായര് കമ്മിറ്റിയുടെ ആദ്യ യോഗം ഇന്ന് കൊച്ചിയില്
മരടിലെ ഫ്ലാറ്റ് ഉടമകള്ക്ക് നഷ്ടപരിഹാരം നിശ്ചയിക്കാനുള്ള ജസ്റ്റിസ് കെ ബാലകൃഷ്ണന് നായര് കമ്മിറ്റിയുടെ ആദ്യ യോഗം ഇന്ന് കൊച്ചിയില് ചേരും. സമിതിയിലെ രണ്ട് അംഗങ്ങളെ നിശ്ചയിച്ച് സര്ക്കാര് ഉത്തരവ് ഇന്നലെ ഇറക്കിയിരുന്നു.മുന് ചീഫ് സെക്രട്ടറി ജോസ് സിറിയക്, തിരുവനന്തപുരം കെഎസ്ആര്എയിലെ എന്ജിനിയര് ആര് മുരുകേശന് എന്നിവരാണ് സമിതിയിലെ മറ്റംഗങ്ങള്.ഫ്ലാറ്റ് സമുച്ചയങ്ങള് പൊളിക്കുന്പോള് നഷ്ടപരിഹാരം നല്കാന് യോഗ്യത ഉള്ളവരുടെ പട്ടിക സമിതി പരിശോധിക്കും.
മരട് നഗരസഭയാണ് പട്ടിക നല്കുക. എന്നാല് രേഖകള് സമര്പ്പിച്ച 130 ഓളം പേര്ക്ക് മാത്രമേ തുക ലഭിക്കുകയുള്ളു എന്നാണ് സൂചന. ഉടമസ്ഥാവകാശം രേഖയായി ഇല്ലാത്തവര്ക്ക് ഏതുതരത്തില് നഷ്ടപരിഹാരം നല്കണമെന്നത് അടക്കമുള്ള തീരുമാനം ഈ സമിതിയാണ് എടുക്കുക. ഫ്ലാറ്റുകള് പൊളിക്കുന്നതിന് സര്ക്കാറിനെ സഹായിക്കാന് വിദഗ്ധ എഞ്ചിനിയര് ഇന്ന് എത്തും. പൊളിക്കല് ചുമതലയുള്ള കമ്പനികളെ വെള്ളിയാഴ്ച തെരഞ്ഞെടുക്കും.നിയന്ത്രിത സ്ഫോടനങ്ങള് നടത്തുന്നതില് വിദഗ്ധനും ഇന്ഡോര് സ്വദേശിയുമായ എസ് ബി സര്വത്ത് ആണ് സര്ക്കാര് അഭ്യര്ത്ഥന മാനിച്ചു മരട് നഗരസഭയെ സഹായിക്കാനെത്തുക.
"
https://www.facebook.com/Malayalivartha
