50 വര്ഷത്തിലധികം തൃശ്ശൂര് പൂരവുമായി ബന്ധപ്പെട്ട എല്ലാ ചടങ്ങുകളിലും പങ്കാളിയായ പാറമേക്കാവ് രാജേന്ദ്രന് ചരിഞ്ഞു
50 വര്ഷത്തിലധികം തൃശ്ശൂര് പൂരവുമായി ബന്ധപ്പെട്ട എല്ലാ ചടങ്ങുകളിലും പങ്കാളിയായ പാറമേക്കാവ് രാജേന്ദ്രന് ചരിഞ്ഞു. തൃശൂര് പൂരവുമായി ബന്ധപ്പെട്ട എല്ലാ ചടങ്ങുകളിലും പങ്കെടുത്തിട്ടുള്ള കൊമ്പനാണ് രാജേന്ദ്രന്. പായാധിക്യത്തെ തുടര്ന്ന് ഇന്ന് പുലര്ച്ചെ മൂന്ന് മണിക്കാണ് ചെരിഞ്ഞത്. പാറമേക്കാവ് ക്ഷേത്രത്തിലെ മേല്ശാന്തിയായ വേണാട്ട് പരമേശ്വരന് നമ്ബൂതിരി ഭക്തരില് നിന്നും പണം പിരിച്ചെടുത്താണ് പാറമേക്കാവ് രാജേന്ദ്രനെ വാങ്ങിയത്.
1955ല് പത്തിരിപ്പാലയില് നിന്നാണ് ഇവന് പാറമേക്കാവിലെത്തുന്നത്. എത്തുമ്പോള് 12 വയസ്സായിരുന്നു പ്രായം. വളരെ ശാന്തനായ ആനയായിരുന്നു രാജേന്ദ്രന്. ഇത്രയും വര്ഷത്തിനിടെ ഒരാളെ മാത്രമാണ് രാജേന്ദ്രന് കൊന്നത്. ലോറിയില് കയറാന് കൂട്ടാക്കാത്ത ആനകളിലൊന്നായിരുന്നു രാജേന്ദ്രന്. വെടിക്കെട്ടിനെ പേടിയില്ലാത്തതിനാല് തൃശൂര് പൂരം വെടിക്കെട്ടിനു പാറമേക്കാവിന്റെ പന്തലില് നിന്നിരുന്നതു രാജേന്ദ്രനായിരുന്നു. തൃശൂരില്നിന്നും ഏഷ്യാഡിനു പോയ ആനകളില് ഒന്നാണ് രാജേന്ദ്രന്. ആളുകളോട് ഇണങ്ങിനില്ക്കുന്ന പ്രകൃതമായിരുന്നു. 1967ല് ആണ് രാജേന്ദ്രന് ആദ്യമായി തൃശ്ശൂര് പൂരത്തിന് പങ്കെടുത്തത്. തൃശ്ശൂര് നഗരത്തിലും പരിസരങ്ങളിലുമുള്ള മുഴുവന് ക്ഷേത്രങ്ങളിലെയും ഉത്സവങ്ങളില് രാജേന്ദ്രന് തിടമ്പേറ്റിയിട്ടുണ്ട്.
https://www.facebook.com/Malayalivartha