ബി.ജെ.പിക്ക് മുന്നില്‍ കോണ്‍ഗ്രസിന്റെ മുട്ടിടിക്കുന്നെന്ന് മുഖ്യമന്ത്രി പിണറായി വിജയന്
ബി.ജെ.പിയെ എതിര്‍ക്കാന്‍ കോണ്‍ഗ്രസിന് കഴിയുന്നില്ലെന്ന് മുഖ്യമന്ത്രി പിണറായി വിജയന്. അപ്പം ചുട്ടെടുക്കുന്നത് പോലെയാണ് മോദി സര്‍ക്കാര്‍ പാര്‍ലമെന്റിന്റെ ഇരുസഭകളിലും ബില്ലുകള്‍ പാസ്സാക്കുന്നത്. അവ ചര്‍ച്ചയ്ക്ക് വരുമ്പോള്‍ കോണ്‍ഗ്രസ് അനുകൂലിക്കുകയോ, മൗനം പാലിക്കുകയോ ആണെന്നും പിണറായി ആരോപിച്ചു. രണ്ട് പാര്‍ട്ടികളുടെയും നയം ഒന്നാണെന്നും പിണറായി ചൂണ്ടിക്കാട്ടി. കോന്നിയില്‍ തിരഞ്ഞെടുപ്പ് യോഗത്തില്‍ പ്രസംഗിക്കുകയായിരുന്നു അദ്ദേഹം. ആഗോളവത്കരണത്തെ അംഗീകരിക്കുകയും സ്വകാര്യവത്കരണത്തെ പ്രോത്സാഹിപ്പിക്കുകയും ചെയ്യുകയാണ് മന്‍മോഹന്‍സിങ് സര്‍ക്കാര്‍ ചെയ്തത്. അത് തന്നെയാണ് മോദി സര്‍ക്കാര്‍ ഇപ്പോള്‍ നടപ്പിലാക്കുന്നതെന്നും മുഖ്യമന്ത്രി വിമര്‍ശിച്ചു.
പൊതുമേഖലാ സ്ഥാപനങ്ങള്‍ കേന്ദ്രസര്‍ക്കാര്‍ തകര്‍ക്കുകയാണ്. സ്വകാര്യവത്കരണവും വന്‍തോതില്‍ ഓഹരികള്‍ വിറ്റഴിക്കലും മന്‍മോഹന്‍സിംഗിന്റെ കാലത്ത് തുടങ്ങിയതാണ്. ബി ജെ പി സര്‍ക്കാര്‍ അത് തുടരുകയാണ്. അതു കൊണ്ട് കോണ്‍ഗ്രസ് ഇതിനെ എതിര്‍ക്കാനാവില്ല. ആഗോളവത്കരണത്തെ അംഗീകരിക്കുകയും സ്വകാര്യവത്കരണത്തെ പ്രോത്സാഹിപ്പിക്കുകയുമാണ് യു പി എ സര്‍ക്കാര്‍ ചെയ്തത്. ജനവിരുദ്ധമായ കാര്യങ്ങള്‍ എതിര്‍ക്കാന്‍ കോണ്‍ഗ്രസിന് കഴിയില്ല. ഇടതുപക്ഷത്തിന് മാത്രമേ ബിജെപിയുടെ ജനവിരുദ്ധനയങ്ങള്‍ക്കെതിരെ പ്രവര്‍ത്തിക്കാന്‍ കഴിയൂ എന്നും പിണറായി വിജയന് അഭിപ്രായപ്പെട്ടു.
https://www.facebook.com/Malayalivartha
