കൂടത്തായിയിലെ അരുംകൊലയ്ക്ക് പിന്നില് സാത്താന്പൂജ! സാത്താനെ പ്രസാദിപ്പിച്ചാല് സമ്പത്ത് വര്ധിക്കുമെന്നാണ് സാത്താന്പൂജക്കാരുടെ വിശ്വാസം!
കൂടത്തായി-പുലിക്കയം മേഖലയില്നിന്ന് ലഭിച്ച ചില വിവരങ്ങളുടെ അടിസ്ഥാനത്തില്, പിഞ്ചുകുഞ്ഞിനെയടക്കം ആറു നിഷ്ഠൂര കൊലപാതകങ്ങള് നടത്തിയ കൂടത്തായി കൊലപാതകപരമ്പര കേസിലെ മുഖ്യപ്രതി ജോളിക്ക് സാത്താന് പൂജയുമായി ബന്ധമുണ്ടെന്ന് സൂചന. പോലീസ് ഇതേക്കുറിച്ച് ഊര്ജിത അന്വേഷണം ആരംഭിച്ചു. സാത്താന്പൂജ (ബ്ളാക്ക് മാസ്) ടീം കാലങ്ങളായി കോഴിക്കോട് നഗരത്തില് പ്രവര്ത്തിക്കുന്നുണ്ട്.
ചില ഡോക്ടര്മാരും വന് ബിസിനസുകാരുമടങ്ങുന്ന സംഘമാണ് ഇതിന്റെ പിന്നിലെന്നാണ് സൂചന. ജോളിയുടെ നാടായ ഇടുക്കിയിലും സാത്താന്പൂജക്കാര്ക്ക് വേരുകളുണ്ടെന്ന് പോലീസിന് വിവരം ലഭിച്ചു. എന്ഐടി പ്രഫസറെന്ന വ്യാജേന എന്നും വീട്ടില്നിന്ന് പുറത്തുപോയിരുന്നത് സാത്താന്പൂജയുമായി ബന്ധപ്പെട്ടാണെന്നാണ് പോലീസിന്റെ നിഗമനം. സാത്താന്പൂജ ഗ്രൂപ്പിലുള്ള ചിലരുമായി ജോളി ഇടപഴകിയതിന്റെ വിശദാശംങ്ങള് പോലീസിന് ലഭിച്ചതായി അറിയുന്നു.
സാത്താനെ പ്രസാദിപ്പിക്കാന് ക്രിസ്തീയവിശ്വാസത്തിന്റെ കാതലായ വിശുദ്ധകുര്ബാനയെന്ന ഓസ്തിയെ അവഹേളിക്കുന്നതടക്കം നിരവധി ആഭിചാരകര്മങ്ങള് ഇവര് നടത്തുന്നതായി നേരത്തെ ഇന്റലിജന്സ് റിപ്പോര്ട്ട് ചെയ്തിരുന്നു. കുരുതി അഥവാ അരുംകൊല അവരുടെ ആഭിചാരകര്മ്മങ്ങളുടെ ഭാഗമാണ്. സാത്താനെ പ്രസാദിപ്പിച്ചാല് സമ്പത്ത് വര്ധിക്കുമെന്നാണ് സാത്താന്പൂജക്കാരുടെ വിശ്വാസം. പ്രധാനമായും പെണ്കുട്ടികളെ കുരുതികൊടുക്കാറുണ്ടെന്ന് സാത്താന്പൂജ സംബന്ധിച്ച വെബ്സൈറ്റുകളിലുണ്ട്. ജോളി രണ്ടാം ഭര്ത്താവിന്റെ കുഞ്ഞ് ആല്ഫൈനെ കൊലപ്പെടുത്തിയതും ഏതാനും പെണ്കുട്ടികളെ കൊലപ്പെടുത്താന് ശ്രമിച്ചതും ഇതിന്റെ ഭാഗമായാണെന്ന് സംശയിക്കുന്നു.
കോഴിക്കോട് വെസ്റ്റ്ഹില്ലിലെ ഗവ. ഗസ്റ്റ് ഹൗസിനു സമീപം പ്രവര്ത്തിക്കുന്ന ഒരു ക്ളബാണ് സാത്താന് പൂജക്കാരുടെ കോഴിക്കോട്ടെ സങ്കേതം. ഇതിന്റെ ശാഖകള് മിക്ക ജില്ലകളിലും ഉണ്ട്. അംഗങ്ങള്ക്കുമാത്രമെ ക്ലബില് പ്രവേശനം നല്കു. പുറമെനിന്നുള്ള ആരേയും ആ ഭാഗത്തേക്ക് അടുപ്പിക്കാറില്ല. വെള്ളിയാഴ്ച ദിവസങ്ങളിലാണ് സാധാരണ സാത്താന്പൂജ നടക്കുക.
സംസ്ഥാന-ജില്ലാ രഹസ്യാന്വേക്ഷണ വിഭാഗം മുന്പ് ഇതേക്കുറിച്ച് അന്വേഷണം നടത്തി ചില വസ്തുതകള് കണ്ടെത്തിയിരുന്നു. എന്നാല് ഗ്രൂപ്പിലെ അംഗങ്ങള് ഡോക്ടര്മാരും, ഉന്നത ബിസിനസുകാരും, പ്ലാന്റര്മാരുമായതിനാല് തുടരന്വേഷണം ഉണ്ടായില്ല. കോഴിക്കോട്ടെ ഒരു ഡോക്ടറാണ് മലബാര് മേഖലയുടെ കമാന്ഡര്. ഇദ്ദേഹം പ്രത്യേക യൂനിഫോം അണിഞ്ഞുനില്ക്കുന്ന ചിത്രം നേരത്തെ പോലീസ് ശേഖരിച്ചിരുന്നു.
ദേവാലയങ്ങളില് സ്വന്തക്കാരെന്ന വ്യാജേന കയറിക്കൂടി ഓസ്തി തട്ടിയെടുക്കാറുണ്ടെന്നും ഇന്റലിജന്സ് നേരത്തെ കണ്ടെത്തിയിരുന്നു. എന്ഐടി ഭാഗം കേന്ദ്രീകരിച്ച് സാത്താന്പൂജ സംഘം പ്രവര്ത്തിക്കുന്നതായി പോലീസിന് ചില സൂചനകളുണ്ട്. ജോളി എന്ഐടി കേന്ദ്രീകരിച്ചത് ഇതിനാണോ എന്ന് അന്വേഷിച്ചുവരികയാണെന്ന് അന്വേഷണസംഘത്തിലെ ഉന്നത ഉദ്യോഗസ്ഥന് വെളിപ്പെടുത്തി.
https://www.facebook.com/Malayalivartha
