ഉപതെരഞ്ഞെടുപ്പിന് തൊട്ട് മുന്പ് പുറത്തിറങ്ങിയ സര്വ്വീസസിലും എന്.എസ്.എസ് എല്.ഡി.എഫിനും സര്ക്കാരിനും എതിരായ നിലപാട് ആവര്ത്തിക്കുന്നു
ഉപതെരഞ്ഞെടുപ്പിന് തൊട്ട് മുന്പ് പുറത്തിറങ്ങിയ സര്വ്വീസസിലും എന്.എസ്.എസ് എല്.ഡി.എഫിനും സര്ക്കാരിനും എതിരായ നിലപാട് ആവര്ത്തിക്കുന്നു. സമുദായം ഇപ്പോള് നേരിടുന്ന പ്രധാന പ്രശ്നം ഈശ്വരവിശ്വാസത്തിന്റെയും ആചാര അനുഷ്ഠാനങ്ങളുടെയും സംരക്ഷണം സംബന്ധുച്ചുള്ളതാണെന്ന് മുഖപ്രസംഗത്തില് വ്യക്തമാക്കുന്നു. ശബരിമയിലെ യുവതീപ്രവേശനം പ്രധാനപ്പെട്ടതാണ് അവയുടെ സംരക്ഷണത്തിനായി വിശ്വാസികള്ക്കൊപ്പമാണ് എന്.എസ്.എസ് നിലകൊള്ളുന്നത്. സമുദായ ആചാര്യന് മന്നത്ത് പത്മനാഭന് അന്ധവിശ്വാസങ്ങള്ക്കും അനാചാരങ്ങള്ക്കും അനാചാരങ്ങള്ക്കും ഉച്ചനീചത്വങ്ങള്ക്കും എതിരെ പടപൊരുതിയ സാമൂഹ്യപരിഷ്ക്കര്ത്താവാണ്. ഈശ്വരവിശ്വാസവും ആചാര അനുഷ്ഠാനങ്ങളും നിലനില്ക്കണമെന്ന് അദ്ദേഹം ആഗ്രഹിച്ചിരുന്നു. മത- സമുദായിക സൗഹാര്ദ്ദം നിലനില്ക്കണമെന്നതായിരുന്നു അദ്ദേഹത്തിന്റെ ലക്ഷ്യം. അതിനെയാണ് നമ്മളും പിന്തുടരേണ്ടതെന്നും മുഖപ്രസംഗത്തില് ആഹ്വാനം ചെയ്യുന്നു.
യുവതീപ്രവേശന വിഷയത്തില് സംസ്ഥാന സര്ക്കാരും ഇടത് മുന്നണിയും വിശ്വാസികള്ക്ക് എതിരായ നിലപാടാണ് സ്വീകരിച്ചുവരുന്നത്. കേന്ദ്രസര്ക്കാരാകട്ടെ വിശ്വാസം സംരക്ഷിക്കുന്നതിന് ആത്മാര്ത്ഥമായ യാതൊരു നടപടിയും ഇന്നേവരെ സ്വീകരിച്ചിട്ടില്ല. സംസ്ഥാന സര്ക്കാര് നവോത്ഥാനത്തിന്റെ പേര് പറഞ്ഞ്, രാഷ്ട്രീയ നേട്ടത്തിനായി ജനങ്ങളില് സവര്ണ്ണ- അവര്ണ്ണ ചേരിതിരിവ് ഉണ്ടാക്കിയും മുന്നാക്ക-പിന്നാക്ക വിഭാഗീതയ വളര്ത്തിയും ജാതീയമായി ജനങ്ങളെ വേര്തിക്കുകയാണ് - വിജയദശമി സന്ദേശത്തില് പറഞ്ഞ അതേനിലപാട് തന്നെയാണ് ഒക്ടോബര് അവസാനം പുറത്തിറങ്ങിയ സര്വ്വീസസിലും എന്.എസ്.എസ് ആവര്ത്തിക്കുന്നത്. അതിനര്ത്ഥം എല്.ഡി.എഫിനെയും ബി.ജെ.പിയേയും ഉപതെരഞ്ഞെടുപ്പുകളില് യാതൊരു കാരണവശാലും പിന്തുണയ്ക്കില്ലെന്നാണ്.
വട്ടിയൂര്ക്കാവ് മണ്ഡലത്തില് 42 ശതമാനം നായര് വോട്ടാണ് ഉള്ളത്. അവിടെ സമുദായ അംഗവും യു.ഡി.എഫ് സ്ഥാനാര്ത്ഥിയുമായ കെ.മോഹന്കുമാറിനെ വിജയിപ്പിക്കാന് താലൂക്ക് യൂണിയന് പ്രസിഡന്റ് സംഗീത് കുമാര് ആഹ്വാനം ചെയ്തിരുന്നു. അതിനെതിരെ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് തെരഞ്ഞെടുപ്പ് കമ്മീഷന് പരാതി നല്കിയെങ്കിലും തെളിവില്ലാത്ത കാരണത്താല് നടപടി എടുത്തില്ല. എന്.എസ്.എസിന് തെരഞ്ഞെടുപ്പില് എന്ത് നിലപാടും സ്വീകരിക്കാമെന്നും രാഷ്ട്രീയത്തില് ഇടപെടണമെങ്കില് രാഷ്ട്രീയ പാര്ട്ടി രൂപീകരിക്കണമെന്നും കോടിയേരി ആവശ്യപ്പെട്ടതിനുള്ള മറുപടി കൂടിയാണ് മുഖപ്രസംഗത്തിലെ നിലപാട്. ഉപതെരഞ്ഞെടുപ്പുകളില് എന്.എസ്.എസ് ശരിദൂര നിലപാടാണ് സ്വീകരിക്കുന്നത്.
ചെങ്ങന്നൂര് ഉപതെരഞ്ഞെടുപ്പില് ശരിദൂര നിലപാട് സ്വീകരിച്ച്, എല്.ഡി.എഫിനൊപ്പമായിരുന്നു എന്.എസ്.എസ്. അന്ന് യു.ഡി.എഫ് പരാതി പറഞ്ഞിട്ടില്ലെന്നാണ് പ്രതിപക്ഷനേതാവ് രമേശ് ചെന്നിത്തല പറയുന്നത്. കോന്നിയിലും അരൂരും എറണാകുളത്തും എന്.എസ്.എസിന് വോട്ടുകളുണ്ട്. അവിടങ്ങളിലെല്ലാം ശരിദൂരനിലപാടാണ് എടുത്തിരിക്കുന്നത്. ശബരിമല സുപ്രീംകോടതി വിധി തിടുക്കപ്പെട്ട് സംസ്ഥാന സര്ക്കാര് നടപ്പാക്കിയതാണ് എന്.എസ്.എസിനെ ചൊടിപ്പിച്ചത്. അതിന് മുമ്പ് യു.ഡി.എഫുമായി അകന്ന് കഴിഞ്ഞിരുന്ന എന്.എസ്.എസ് പൊടുന്നനെ നിലപാട് മാറ്റുകയായിരുന്നു. ലോക്സഭാ തെരഞ്ഞെടുപ്പില് പരസ്യമായല്ലെങ്കിലും യു.ഡി.എഫിനൊപ്പം എന്.എസ്.എസ് നിന്നു. അങ്ങനെയാണ് 20ല് 19 സീറ്റ് യു.ഡി.എഫിന് നേടാനായത്. ചരിത്രം ഇത്തവണയും ആവര്ത്തിക്കുമോ? കാത്തിരിക്കാം.
https://www.facebook.com/Malayalivartha
