നവവധുവിനെ മൂന്നാംനാള് ദുരൂഹ സാഹചര്യത്തില് കാണാതായ സംഭവത്തില് പത്തുവര്ഷത്തിനുശേഷം ഭര്ത്താവ് പിടിയില്
ദുബായിലേക്കു വിളിച്ചുവരുത്തിയ നവവധുവിനെ മൂന്നാംനാള് ദുരൂഹ സാഹചര്യത്തില് കാണാതായ സംഭവത്തില് പത്തുവര്ഷത്തിനുശേഷം ഭര്ത്താവിനെ ക്രൈബ്രാഞ്ച് അറസ്റ്റ് ചെയ്തു. എറണാകുളം ഇടപ്പള്ളി ചങ്ങമ്പുഴ സ്വദേശിനി അലശക്കോട്ട് വീട്ടില് ജോര്ജിന്റെ മകള് സ്മിത (25) യുടെ തിരോധാനവുമായി ബന്ധപ്പെട്ടു ഭര്ത്താവായ തോപ്പുംപടി ചിറക്കല് ഭാഗത്തു വലിയപറമ്പില് സാബു എന്നു വിളിക്കുന്ന ആന്റണി (44) യാണ് അറസ്റ്റിലായത്.
ദുബായിലെത്തിയതിന്റെ മൂന്നാംനാള് സ്മിത കാമുകനായ വൈറ്റിലക്കാരനായ ഒരു ഡോക്ടര്ക്കൊപ്പം ഒളിച്ചോടിയെന്നാണ് ആന്റണിയുടെ ഭാഷ്യം. സ്മിതയ്ക്കെതിരേ അവിഹിത ബന്ധം ആരോപിച്ചു കേരളത്തില് ഇയാള് വിവാഹ മോചനക്കേസ് നല്കുകയും ഏകപക്ഷീയമായി വിവാഹമോചനം നേടിയശേഷം മറ്റൊരു പെണ്കുട്ടിയെ വിവാഹം കഴിക്കുകയും ചെയ്തിരുന്നു. വിവാഹ സമ്മാനമായി സ്മിതയ്ക്കു ലഭിച്ച 38 പവന് സ്വര്ണാഭരണങ്ങളും ഇയാള് നിര്ബബന്ധിച്ചു ദുബായിലേക്കു വരുത്തിച്ചിരുന്നു.
ഒളിച്ചോടിയപ്പോള് എഴുതിയത് എന്നുപറഞ്ഞ് കാണിച്ച എഴുത്ത് ആന്റണി തന്നെ എഴുതിയതാണെന്ന് പോലീസ് സ്ഥിതീകരിച്ചു. അതേ എഴുത്ത് തന്നെയാണ് ആന്റണിയെ കുടുക്കിയതും. കത്തിലെ കൈയക്ഷരം പരിശോധിച്ചതിന്റെ ഫലം അനുകൂലമാണെന്നും, കേസ് അവസാനിപ്പിക്കാമെന്ന് പറഞ്ഞ് വിശ്വസിപ്പിച്ച് പോലീസ് ഇയാളെ നാട്ടില് എത്തിക്കുകയായിരുന്നു. പണിക്കുമറുപണി കിട്ടാതെ ഇരിക്കുമോ അതിനി കാലങ്ങള് എത്ര കഴിഞ്ഞാലും.
പത്തുവര്ഷമായി സ്മിതയെക്കുറിച്ചു വിവരമൊന്നുമില്ലാത്തതിനാല് അവര് കൊല്ലപ്പെട്ടിരിക്കാമെന്നാണു െ്രെകംബ്രാഞ്ചിന്റെ നിഗമനം. എം.സി.എ. ബിരുദധാരിയായ സ്മിതയെ വിസിറ്റിങ് വിസയിലാണു ദുബായില് എത്തിച്ചത്. കുറ്റകൃത്യം നടന്നതു ദുബായിലായതിനാല് ഇക്കാര്യം തെളിയിക്കുന്നതിനായി ക്രൈബ്രാഞ്ച് കാണാതായ സ്മിത എഴുതിവച്ചതെന്നു പറഞ്ഞ് ആന്റണി ബന്ധുക്കളെയും പോലീസിനെയും കാണിച്ച കത്ത് കൈയക്ഷര പരിശോധനയ്ക്കു വിധേയമാക്കിയതോടെയാണു കുറ്റകൃത്യത്തില് ആന്റണിയുടെ പങ്കു െ്രെകംബ്രാഞ്ചിനു ബോധ്യമായത്. ഫോറന്സിക് ലാബിലെ പരിശോധനയില് കത്ത് ആന്റണിയുടെ കൈയക്ഷരത്തിലുള്ളതാണെന്നും സ്മിതയുടേതല്ലെന്നും തെളിഞ്ഞു. അന്വേഷണം മുറുകുന്നതിനിടെ ദുബായില്നിന്ന് അമേരിക്കയിലേക്കു കടന്ന ആന്റണിയെ െ്രെകംബ്രാഞ്ച് തന്ത്രപൂര്വം നാട്ടിലെത്തിച്ച് അറസ്റ്റ് ചെയ്ുകയായിയരുന്നു.
എന്നാല്, സ്മിതയ്ക്ക് എന്തുപറ്റിയെന്നു വ്യക്തമാക്കാന് ആന്റണി ഇതുവരെ തയാറായിട്ടില്ല. ഈ സ്വര്ണാഭരണങ്ങള് കവര്ന്നശേഷം സ്മിതയെ ആന്റണി കൊലപ്പെടുത്തിയിരിക്കാമെന്നാണ് അന്വേഷണ ഉദ്യോഗസ്ഥരുടെ നിഗമനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
