ദേശീയ ഗെയിംസ് : സമാപനച്ചടങ്ങ് മുന്നിശ്ചയ പ്രകാരം നടക്കുമെന്ന് ഉമ്മന് ചാണ്ടി
ദേശീയ ഗെയിംസിന്റെ സമാപനച്ചടങ്ങിനുള്ള ചെലവ് കുറയ്ക്കില്ലെന്ന് മുഖ്യമന്ത്രി ഉമ്മന് ചാണ്ടി. 2011ല് നിശ്ചയിച്ച പ്രകാരം തന്നെ ചടങ്ങുകള് നടക്കും. ഗെയിംസിനു ശേഷം സ്റ്റേഡിയങ്ങള് ഫലപ്രദമായി ഉപയോഗിക്കാനുള്ള പദ്ധതി സര്ക്കാരിനുണ്ട്. ശനിയാഴ്ച്ച ഇത് സംബന്ധിച്ചുള്ള പ്രഖ്യാപനം നടത്തുമെന്നും മുഖ്യമന്ത്രി പറഞ്ഞു.
മോഹന്ലാല് മടക്കി നല്കിയ പണം എന്തുചെയ്യണമെന്ന് സര്ക്കാര് തീരുമാനിച്ചിട്ടില്ല. ഇക്കാര്യത്തില് ഒരിക്കല് കൂടി മോഹന്ലാലിന്റെ അഭിപ്രായം തേടുമെന്നും അദ്ദേഹം വ്യക്തമാക്കി. മന്ത്രിസഭാ തീരുമാനങ്ങള് വിശദീകരിക്കുകയായിരുന്നു മുഖ്യമന്ത്രി ഉമ്മന് ചാണ്ടി.
അതേസമയം, ദേശീയ ഗെയിംസിന്റെ കണക്കുകള് പരിശോധിക്കുന്നതിനും മന്ത്രിസഭായോഗം തീരുമാനമെടുത്തു. ഗെയിംസ് പൂര്ത്തിയായതിനു ശേഷം 45 ദിവസത്തിനകം ഓഡിറ്റിങ് പൂര്ത്തിയാക്കാനും തീരുമാനമായി. ദേശീയ ഗെയിംസിനെതിരെ പരാതികള് ഉയര്ന്ന സാഹചര്യത്തിലാണ് നടപടി. ദേശീയ ഗെയിംസ് അവസാനിക്കാന് മൂന്ന് ദിവസം മാത്രമേയുള്ളൂ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
