എൽ ഡി എഫ് ഇതെങ്ങനെ സഹിക്കും ..?അരൂർ ഈ ഉപതിരഞ്ഞെടുപ്പിൽ തങ്ങളെ കൈവിടുമെന്നവർ കരുതിക്കാണില്ല ഭദ്രമായി കൈവെള്ളയിൽ ഇരുന്ന സീറ്റ് നഷ്ടമായതിൽ തെല്ലൊന്നുമല്ല എൽ ഡി എഫിന്റെ വിഷമം. എന്തായാലും ഷാനിമോൾ ഉസ്മാൻ വലിയ ആവേശത്തിലാണ് ലോകസഭാ തിരഞ്ഞെടുപ്പിൽ കൂടെ മത്സരിച്ച എല്ലാവരും കോൺഗ്രസ് പാനലിൽ ജയിച്ചു മുന്നേറിയപ്പോൾ തോൽവി ഏറ്റുവാങ്ങേണ്ടി വന്നതിന്റെ ക്ഷീണം പറഞ്ഞറിയാൻ പറ്റില്ല . അരൂർ ജനങ്ങൾ കൈവിട്ടില്ലലോ ..വിജയം അറിഞ്ഞ് ഷാനിമോൾ ഉസ്മാൻ ആദ്യം പ്രതികരിച്ചത് ദൈവത്തിന് നന്ദി എന്നായിരുന്നു .

ഷാനിമോൾ ഉസ്മാന്റെ ജയത്തിന് പത്തരമാറ്റ് തിളക്കമുണ്ട് എന്ന്‌ തന്നെ പറയാം .
വോട്ടെണ്ണലിന്‍റെ അവസാനഘട്ടം വരെ മുൾമുനയിൽ നിന്ന ശേഷമാണ് ഷാനിമോൾ വിജയം ഉറപ്പിച്ചത്. തുറവൂർ പഞ്ചായത്തിലെ അവസാന 15 ബൂത്തുകളിലെ വോട്ട് എണ്ണുന്നത് വരെ മനു സി പുളിക്കൽ ഏത് നിമിഷം മുന്നോട്ട് കയറിയേക്കാം എന്ന സ്ഥിതിയായിരുന്നു. അരൂർ പഞ്ചായത്തിലെ വോട്ടെണ്ണിക്കഴിഞ്ഞപ്പോൾ മുതൽ ലീഡ് ചെയ്യുന്നുണ്ടായിരുന്ന ഷാനിമോൾ ഉസ്മാൻ, രണ്ടാം ഘട്ടം കഴിഞ്ഞപ്പോൾ ലീഡ് 2000 വോട്ടിലേക്കുയർത്തി. ഈ ലീഡ് ആറാം ഘട്ടം വരെ തുടർന്നെങ്കിലും ഇടയ്ക്ക് വച്ച് അത് 1,300 വരെ താഴ്ന്നു. ഒടുവിൽ അവസാനഘട്ടത്തിലാണ് ഷാനിമോൾ തന്‍റെ വിജയം ഉറപ്പിച്ചത്.