സങ്കടക്കാഴ്ചയായി... കാർ നിയന്ത്രണം വിട്ട് സംരക്ഷണ ഭിത്തിയിലിടിച്ച് വയനാട് സ്വദേശിയായ യുവതിക്ക് ​ദാരുണാന്ത്യം.ബെംഗളുരു-മൈസൂരു എക്‌സ്പ്രസ് വേയിൽ ബിഡദിക്ക് സമീപമാണ് അപകടം സംഭവിച്ചത്. മാനന്തവാടി ചങ്ങാടക്കടവ് മത്തൻ മുഹമ്മദ് ഉവൈസിന്റെ ഭാര്യ അഫ്രീന (23) ആണ് മരിച്ചത്.

അപകടത്തിൽ ഭർത്താവ് മുഹമ്മദ് ഉവൈസ്, ഉവൈസിന്റെ മാതാവ്, സഹോദരി, സഹോദരിയുടെ കുട്ടി എന്നിവർക്കും പരിക്കേറ്റു. ഇവരുടെ പരിക്കുകൾ സാരമുള്ളതല്ല. ഇക്കഴിഞ്ഞ മേയിലാണ് അഫ്രീനയും ഉവൈസും തമ്മിൽ വിവാഹം നടന്നത്. ഉവൈസിന്റെ സഹോദര ഭാര്യയെ യാത്രയയ്ക്കാനായി ബെംഗളൂരു വിമാനത്താവളത്തിൽ പോയ ശേഷം മടങ്ങുന്നതിനിടെ ബുധനാഴ്ച വൈകിട്ട് മൂന്നിനായിരുന്നു അപകടം സംഭവിച്ചത്