ട്രെയിന് അപകടം: മുഖ്യമന്ത്രി കര്ണാടക ആഭ്യന്തരമന്ത്രിയെ വിളിച്ചു, അപകടത്തില്പ്പെട്ടവര്ക്ക് ചികിത്സ ഉള്പ്പടെ എല്ലാ സൗകര്യവും ഏര്പ്പെടുത്തുമെന്ന് ആഭ്യന്തരമന്ത്രി
ബംഗളൂരു-എറണാകുളം ഇന്റര് സിറ്റി എക്പ്രസ് പാളം തെറ്റി ഉണ്ടായ അപകടത്തില്പ്പെട്ടവര്ക്ക് മികച്ച ചികിത്സ ഉള്പ്പടെയുള്ള സൗകര്യം ഏര്പ്പടുത്തണമെന്ന് മലയാളിയും കര്ണാടക ആഭ്യന്തരമന്ത്രിയുമായ എ.വി.ജോര്ജിനോട് മുഖ്യമന്ത്രി ഉമ്മന് ചാണ്ടി ആവശ്യപ്പെട്ടു. അപടത്തില്പ്പെട്ട ഡി എട്ട് കോച്ചില് മലയാളികളാണ് കൂടുതലുമുണ്ടായിരുന്നത്. ഈ സാഹചര്യത്തിലാണ് മുഖ്യമന്ത്രി അടിയന്തരമായി ഇടപെട്ടത്.
അപകട വിവരം അറിഞ്ഞയുടന് മുഖ്യമന്ത്രി കര്ണാടക ആഭ്യന്തരമന്ത്രിയെ ഫോണില് വിളിച്ചു സംസാരിച്ചു. അപടകടത്തില്പ്പെട്ടവര്ക്ക് ചികിത്സ ഉള്പ്പടെ എല്ലാ സൗകര്യവും ഏര്പ്പെടുത്തുമെന്ന് കര്ണാടക ആഭ്യന്തരമന്ത്രി മുഖ്യമന്ത്രിയ്ക്ക് ഉറപ്പു നല്കി. മലപ്പുറം, കാസര്ഗോഡ് കളക്ടര്മാരോടും എറണാകുളം റേയ്ഞ്ച് ഐജി അജിത്കുമാറിനോടും ഉടന് ഹൊസൂരിലേയ്ക്ക് പോകാന് മുഖ്യമന്ത്രി നിര്ദ്ദേശം നല്കി. ഇവര് ഇതിനകം അപകട സ്ഥലത്തേയ്ക്ക് പുറപ്പെട്ടിട്ടുണ്ട്.
റെയില്വേയുടെ ചുമതലയുള്ള ആര്യാടന് മുഹമ്മദിനോടും അപകടസ്ഥലത്തേക്കു പോകാന് മുഖ്യമന്ത്രി നിര്ദേശിച്ചു. ഉച്ചയോടെ മന്ത്രി ആര്യാടന് അപകട സ്ഥലത്തെത്തും. സ്ഥലത്ത് കുടുങ്ങിയ മലയാളികളെ തിരിച്ചെത്തിക്കാന് 10 ബസുകള് സംസ്ഥാന സര്ക്കാര് ഏര്പ്പെടുത്തി. അപടത്തില്പ്പെട്ടവരുടെ വിവരങ്ങള് അറിയുന്നതിനായി തിരുവനന്തപുരം, എറണാകുളം, തൃശൂര് എന്നിവിടങ്ങളില് ഹെല്പ് ഡെസ്ക് തുറന്നിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
