സംസ്ഥാനത്തെ ഞെട്ടിച്ച് വീണ്ടും ബാലപീഡനം. കൊച്ചിയില് പന്ത്രണ്ടുകാരിയെ ലൈംഗികമായി പീഡിപ്പിച്ച് ദൃശ്യങ്ങള് പകര്ത്തിയ ദമ്പതികള് അറസ്റ്റില്
സംസ്ഥാനത്തെ ഞെട്ടിച്ച് വീണ്ടും ബാലപീഡനം. കൊച്ചിയില് പന്ത്രണ്ടുകാരിയെ ലൈംഗികമായി പീഡിപ്പിച്ച് ദൃശ്യങ്ങള് പകര്ത്തിയ ദമ്പതികള് അറസ്റ്റില്. വടുതല സ്വദേശികള് ആയ വര്ഷ (19), ബിബിന് (25) , സഹായി ലിതിന് എന്നിവരാണ് അറസ്റ്റിലായത്. ഇവരുടെ വീട്ടിലാണ് പെണ്കുട്ടിയും കുടുംബവും താമസിച്ചിരുന്നത്. വാളയാര് കേസിലെ പ്രതികളെ വെറുതെവിട്ടതിന്റെ ഞെട്ടല് മാറും മുമ്പാണ് വീണ്ടും പോസ്ക്കോ കേസ് റിപ്പോര്ട്ട് ചെയ്തിരിക്കുന്നത്. ബിബിനും വര്ഷയും സഹായിയായ ലിതിനെ കൊണ്ട് പെണ്കുട്ടിയെ പീഡിപ്പിക്കുകയായിരുന്നെന്നാണ് പരാതി. ദൃശ്യങ്ങള് ഇരുവരും ചേര്ന്ന് ഫോണില് പകര്ത്തി. സംഭവത്തെ തുടര്ന്ന് ഒന്നാം പ്രതി ലിതിന് ഒളിവില് പോയിരുന്നു.
ദമ്പതികളുടെ കടയിലെ ജോലിക്കാരനാണ് ലിതിന്. ദൃശ്യങ്ങള് പകര്ത്തിയ ശേഷം യുട്യൂബില് ഇടുമെന്നും ഭീഷണിപ്പെടുത്തി വീണ്ടും പീഡിപ്പിച്ചു. പെണ്കുട്ടി മാതാപിതാക്കളോട് വിവരം പറഞ്ഞതോടെ അവര് വീടുമാറുകയും പൊലീസില് പരാതി നല്കുകയുമായിരുന്നു. ദൃശ്യങ്ങള് പകര്ത്തിയ ഫോണ് പിടിച്ചെടുത്തിട്ടുണ്ട്. എന്നാല് അവ ഡിലീറ്റ് ചെയ്തിട്ടുണ്ട്. സാങ്കേതികവിദ്യയുടെ സഹായത്തോടെ ഇവ വീണ്ടെടുക്കാനാകും. ജൂണിലും സെപ്റ്റംബറിലും കുട്ടിയെ ലൈംഗിക പീഡനത്തിന് ഇരയാക്കിയതായാണ് വിവരം. പോസ്ക്കോ നിയമപ്രകാം കേസ് എടുത്തു. പ്രതികളെ കോടതിയില് ഹാജരാക്കിയ ശേഷം റിമാന്ഡ് ചെയ്തു.
ഇതിന് മുമ്പും ഇവര് ഇത്തരം സംഭവങ്ങള് ചെയ്തിട്ടുണ്ടോ, ദൃശ്യങ്ങള് എന്തിനാണ് പകര്ത്തിയത്, അവ മറ്റാര്ക്കെങ്കിലും അയച്ച് കൊടുത്തിട്ടുണ്ടോ തുടങ്ങിയ കാര്യങ്ങളും പൊലീസ് അന്വേഷിക്കും. പ്രതികളെ റിമാന്ഡ് ചെയ്തെങ്കിലും കസ്റ്റഡിയില് ലഭിക്കുന്നതിന് പൊലീസ് അപേക്ഷ നല്കും. കുട്ടികള് ഇരകളാകുന്ന പോക്സോ കേസുകളുടെ നടത്തിപ്പിന് ചീഫ് സെക്രട്ടറി അധ്യക്ഷനായി സമിതി രൂപീകരിക്കാന് സര്ക്കാര് ഇന്നലെയാണ് തീരുമാനിച്ചത്. അതിന് ശേഷവും ഇത്തരം സംഭവങ്ങള് വ്യാപകമായി റിപ്പോര്ട്ട് ചെയ്യപ്പെടുന്നുണ്ട്. അമ്മയും പെണ്മക്കളും മാത്രം താമസിക്കുന്ന ധാരാളം വീടുകളുണ്ട്. ഇങ്ങനെയുള്ള കുടുംബങ്ങളെ കണ്ടെത്തുകയും സംരക്ഷണം നല്കുകയും വേണമെന്ന് മുഖ്യമന്ത്രി നിര്ദ്ദേശിച്ചിട്ടുണ്ട്. പോലീസും സാമൂഹ്യനീതി വകുപ്പും യോജിച്ചാണ് ഈ പ്രശ്നം കൈകാര്യം ചെയ്യേണ്ടത്.
എല്ലാ സ്കൂളുകളിലും കുട്ടികള്ക്ക് കൗണ്സലിംഗ് നല്കാന് സംവിധാനമുണ്ടാക്കാന് സര്ക്കാര് തീരുമാനിച്ചിട്ടുണ്ട്. വീടുകളിലടക്കം ഉണ്ടാവുന്ന പീഢനം തുറന്നുപറയാനുള്ള ധൈര്യം കുട്ടികള്ക്ക് ലഭിക്കണം. ഇതിനായി കൗണ്സലര്മാര്ക്ക് പരിശീലനവും നിയമബോധവത്ക്കരണവും നല്കാനും യോഗം തീരുമാനിച്ചു. ലൈംഗികതയെപ്പറ്റി സമൂഹത്തില് തെറ്റായ പല ധാരണകളും നിലനില്ക്കുന്നുണ്ട്. കുട്ടികള്ക്ക് ശരിയായ ലൈംഗിക വിദ്യാഭ്യാസം നല്കുന്നതിന് പാഠ്യപദ്ധതിയില് ഇടമുണ്ടാകണം. സ്കൂള് പരിസരത്ത് ലഹരി വസ്തുക്കളുടെ വില്പ്പന കര്ശനമായി തടയും. പോലീസ്, എക്സൈസ് വകുപ്പുകള് ഇക്കാര്യത്തില് കര്ക്കശമായ ഇടപെടല് നടത്തും. കുട്ടികള്ക്കെതിരായ സൈബര് കുറ്റകൃത്യങ്ങള് തടയുന്നതിനും അന്വേഷിക്കുന്നതിനും സൈബര് ഫോറന്സിക് ലബോറട്ടറി സംവിധാനം ശക്തിപ്പെടുത്താനും സര്ക്കാര് ഇന്നലെ തീരുമാനിച്ചു.
https://www.facebook.com/Malayalivartha
