വടുതലയില് പന്ത്രണ്ടുകാരിയെ പീഡിപ്പിച്ച സംഭവം: മുഖ്യപ്രതിയായ വടുതല സ്വദേശി അറസ്റ്റില്; ദൃശ്യങ്ങള് യൂടൂബില് പ്രചരിപ്പിക്കുമെന്ന് ഭീഷണിപ്പെടുത്തി ലിതിന് വീണ്ടും പെണ്കുട്ടിയെ ലൈംഗിക പീഡനത്തിന് ഇരയാക്കിയിരുന്നു
വടുതലയില് പന്ത്രണ്ടുകാരി പീഡനത്തിന് ഇരയായ സംഭവത്തില് മുഖ്യപ്രതി അറസ്റ്റില്. വടുതല സ്വദേശി ലിതിന് ആണ് അറസ്റ്റിലായത് നേരത്തെ കേസില് പെണ്കുട്ടി താമസിച്ചിരുന്ന വീടിന്റെ ഉടമസ്ഥരായ ദമ്ബതികളെ പോലീസ് അറസ്റ്റ് ചെയ്തിരുന്നു. വടുതല സ്വദേശികളായ വര്ഷ (19), ബിബിന് (25) എന്നിവരാണ് അറസ്റ്റിലായത്.ഇവരുടെ ഉടമസ്ഥതയിലുള്ള കടയില് സഹായിയായിരുന്നു ലിതിന്.
വര്ഷബിബിന് ദമ്ബതികളുടെ വീടിന്റെ മുകള് നിലയില് വാടകയ്ക്ക് താമസിച്ചുവരികയായിരുന്നു പന്ത്രണ്ടുകാരിയുടെ കുടുംബം. പെണ്കുട്ടിയെ കഴിഞ്ഞ ജൂണില് ലിതിന് മാനഭംഗപ്പെടുത്തി. സംഭവമറിഞ്ഞ വര്ഷയും ബിബിനും ചേര്ന്ന് പെണ്കുട്ടിയെ ഭീഷണിപ്പെടുത്തി കുട്ടിയുടെ നഗ്നദൃശ്യങ്ങള് ഫോണില് പകര്ത്തി.
ഈ ദൃശ്യങ്ങള് യൂടൂബില് പ്രചരിപ്പിക്കുമെന്ന് ഭീഷണിപ്പെടുത്തി ലിതിന് വീണ്ടും പെണ്കുട്ടിയെ ലൈംഗിക പീഡനത്തിന് ഇരയാക്കി. ഇത് ദമ്ബതിമാര് മൊബൈലില് ചിത്രീകരിച്ചു.ഭീഷണി തുടര്ന്നതോടെയാണ് പെണ്കുട്ടി വീട്ടുകാരെ വിവരമറിയിച്ചത്. തുടര്ന്ന് പെണ്കുട്ടിയും കുടുംബവും ഇവിടെ നിന്നും താമസം മാറി. പെണ്കുട്ടിയുടെ മാതാപിതാക്കളുടെ പരാതിയിലാണ് പോലീസ് കേസെടുത്തത്.
https://www.facebook.com/Malayalivartha
