സിപിഎമ്മിനെ നിര്ത്തിപൊരിച്ച് ബിു.ജെ.പി.; രാഷ്ട്രീയ പാര്ട്ടികള് രാജ്യസുരക്ഷയ്ക്കും ജനങ്ങളുടെ ജീവനുമാണ് മുന്ഗണന കൊടുക്കേണ്ടതെന്ന് കേന്ദ്ര വിദേശ കാര്യ സഹമന്ത്രി വി മുരളീധരന്; വ്യക്തി താത്പര്യങ്ങളുടെ പേരില് ബലികൊടുക്കേണ്ട ഒന്നല്ല രാജ്യസുരക്ഷ എന്ന തിരിച്ചറിവ് ഇനിയെങ്കിലും സംസ്ഥാന സര്ക്കാരിനുണ്ടാകണമെന്നും വി മുരളീധരന്
രാഷ്ട്രീയ പാര്ട്ടികള് രാജ്യസുരക്ഷയ്ക്കും ജനങ്ങളുടെ ജീവനുമാണ് മുന്ഗണന കൊടുക്കേണ്ടതെന്ന് കേന്ദ്ര വിദേശ കാര്യ സഹമന്ത്രി വി മുരളീധരന്. വ്യക്തി താത്പര്യങ്ങളുടെ പേരില് ബലികൊടുക്കേണ്ട ഒന്നല്ല രാജ്യസുരക്ഷ എന്ന തിരിച്ചറിവ് ഇനിയെങ്കിലും സംസ്ഥാന സര്ക്കാരിനുണ്ടാകണമെന്നും വി മുരളീധരന് പറഞ്ഞു.
പന്തീരാങ്കാവില് അറസ്റ്റിലായ അലന് ഷുഹൈബും താഹ ഫസലും സിപിഐ മാവോയിസ്റ്റ് പ്രവര്ത്തകരാണെന്ന് സമ്മതിച്ചിട്ടുണ്ടെന്ന് എഫ്.ഐ.ആര് പറയുന്നു.ഇവരുടെ ബാഗില് നിന്നും മാവോയിസ്റ്റ് ലഘുലേഖകളും കിട്ടി. യുഎപിഎ പ്രകാരം രാജ്യത്ത് നിരോധിച്ച പുസ്തകം പ്രതികളില് നിന്നും കണ്ടെടുത്തതായും പൊലീസ് തെളിവ് സഹിതം പറയുമ്പോള് ഇനി എന്താണ് ന്യായീകരണ സൈദ്ധാന്തികര്ക്ക് പറയാനുള്ളത്? കശ്മീര് വിഷയത്തില് സി പി എമ്മിന്റെയും മാവോയിസ്റ്റുകളുടെയും നിലപാട് ഒന്നാണെന്ന് പ്രതികളില് നിന്ന് പിടിച്ചെടുത്ത ബാനറിലെ മുദ്രാവാക്യം തന്നെ വ്യക്തമാക്കുന്നു. അപ്പോള് പിന്നെ മാവോയിസ്റ്റുകളെ സഹായിക്കാതിരിക്കാന് സി പിമ്മിന് എങ്ങനെ കഴിയും. ഭീകരവാദികള്ക്കും രാഷ്ട്ര വിരുദ്ധ ശക്തികള്ക്കും തണലൊരുക്കുകയാണോ സി പി എം ? നിരോധിത ഇസ്ളാമിക ഭീകര സംഘടനകളുടെ അംഗങ്ങള് പകല് സി പി എമ്മിലും രാത്രിയില് മാതൃസംഘടനയിലും പ്രവര്ത്തിക്കുന്നതു പോലെ, ഇന്ത്യയുടെ അഖണ്ഡതയെ തകര്ക്കാന് നോക്കുന്ന മാവോവാദികള്ക്കും വെള്ളവും വളവുമിട്ട് വളര്ത്തുകയാണോ സി പി എം ?
പാര്ട്ടിയുടെ കെട്ടുറപ്പുള്ള സംഘടനാ സംവിധാനത്തെക്കുറിച്ച് വാചാലരാകുന്ന സി പി എം നേതാക്കള് മാവോയിസ്റ്റുകള് പാര്ട്ടിക്കുള്ളില് നുഴഞ്ഞു കയറിയത് അറിഞ്ഞില്ലേ? പാര്ട്ടിയുടെ മേല്ത്തട്ടിലേക്കും മാവോവാദികള് എത്തിയിട്ടുണ്ടോ എന്ന് ആഴത്തില് പരിശോധിക്കുന്നത് നന്നായിരിക്കും എന്നാണ് പൊളിറ്റ് ബ്യൂറോ നേതാക്കളുടെയടക്കം പ്രതികരണം കാണുമ്പോള് തോന്നുന്നത്.
ഭരണത്തിലില്ലാത്ത സ്ഥലങ്ങളില് മാവോയിസ്റ്റ് അനുകൂല നിലപാടെടുക്കുന്ന സി പി എമ്മിന് കിട്ടിയ ഒന്നാന്തരം മറുപടിയാണ് ഭരണത്തിലിരിക്കുന്ന കേരളത്തിലെ പന്തീരാങ്കാവ്. ഭീകര പ്രസ്ഥാനങ്ങളെയും രാജ്യ വിരുദ്ധ ശക്തികളെയും പരോക്ഷമായി സഹായിക്കുന്ന നിലപാടെടുത്തതിന്റെ കര്മ്മഫലം. കേരളത്തിലെ ഒരു മുഖ്യധാര രാഷ്ട്രീയ പാര്ട്ടിയെ തന്നെ ഭീകരവാദികളും രാജ്യ വിരുദ്ധ ശക്തികളും അവരുടെ അജണ്ട നടപ്പാക്കാന് ഉപയോഗിച്ചെന്ന് വ്യക്തമാകുമ്പോള് , കൃത്യമായ ചെറുത്തു നില്പ്പാണ് ഈ അപകടകരമായ പ്രവണതക്കെതിരെ സി പി എം ഉയര്ത്തേണ്ടത്. മാവോവാദികളെ വെള്ളപൂശാന് നില്ക്കുന്ന പാര്ട്ടിക്കാരുടെ കെണിയില് പിണറായി വിജയന് വീഴരുത്. കേരളത്തില് പ്രതിപക്ഷവും ഇതേ വഞ്ചിയിലാണ് ഇപ്പോള് സഞ്ചരിക്കുന്നത്. തെളിവുകളുമായി യുഎപിഎ ചുമത്തിയ പൊലീസിനെ നിര്വീര്യമാക്കാന് ശ്രമിക്കുന്ന ചെന്നിത്തലയും കൂട്ടരും ആരുടെ താത്പര്യമാണ് സംരക്ഷിക്കുന്നതെന്നും വി മുരളീധരന് ചോദിച്ചു.
https://www.facebook.com/Malayalivartha
