നിസാമിന്റെ ക്രൂരത ബി.ബി.സിയുടെ ലോകവാര്‍ത്തയിലും
വിവാദ വ്യവസായി മുഹമ്മദ് നിസാമിന്റെ ക്രൂരതയെക്കുറിച്ചുള്ള വാര്‍ത്ത ലോകവാര്‍ത്തയിലും ഇടംപിടിച്ചു. ബി.ബി.സിയുടെ ലോകവാര്‍ത്താ വിഭാഗത്തില്‍ \'ഗാര്‍ഡിനെ വാഹനമിടിപ്പിച്ച് കൊലപ്പെടുത്തിയ ഇന്ത്യന്‍ വ്യവസായ പ്രമുഖനെതിരെ കൊലക്കുറ്റം ചുമത്തി\' (മര്‍ഡര്‍ചാര്‍ജ് ഫോര്‍ ഇന്ത്യന്‍ ടൈകൂന്‍ അക്യൂസ്ഡ് ഒഫ് റാമിംഗ് ഗാര്‍ഡ്) എന്ന തലക്കെട്ടിലാണ് വാര്‍ത്ത പ്രസിദ്ധീകരിച്ചിരിക്കുന്നത്.
ചന്ദ്രബോസിനെ ഇരുമ്പുവടി കൊണ്ട് അടിച്ച ശേഷം ചുമരിനോട് ചേര്‍ത്ത് ആഡംബര വാഹനം ഉപയോഗിച്ച് ഇടിച്ചതാണ് മരണത്തിന് ഇടയാക്കിയതെന്നാണ് വാര്‍ത്ത. രണ്ടു വര്‍ഷം മുമ്പ് പരിശോധനയ്‌ക്കെത്തിയ വനിതാ പൊലീസിനെ തന്റെ കാറില്‍ പൂട്ടിയിട്ട കേസ് ഉള്‍പ്പെടെ നിരവധി കേസുകളുടെ വിവരവും നിസാമിന്റെ മകന്‍ ഫെറാറി കാര്‍ ഓടിക്കുന്ന വീഡിയോയും വാര്‍ത്തയിലുള്‍പ്പെടുത്തിയിട്ടുണ്ട്.
ബെന്റ്‌ലീ, ആസ്റ്റന്‍ മാര്‍ട്ടിന്‍, ജാഗ്വാര്‍ തുടങ്ങി നിരവധി ആഡംബരകാറുകള്‍ സ്വന്തമായുള്ള നിസാമിന്റെ കാറുകളോടുള്ള കമ്പത്തെക്കുറിച്ചും വാര്‍ത്തയില്‍ പരാമര്‍ശമുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
https://www.facebook.com/Malayalivartha
