നാളെ കെ എസ് യുവിന്റെ വിദ്യാഭ്യാസ ബന്ദ്. ഷാഫി പറമ്പിൽ എം എൽ എയ്ക്ക് നേരെയുണ്ടായ ആക്രമണത്തിൽ പ്രതിഷേധിച്ചാണ് നാളെ ബന്ദ് പ്രഖ്യാപിച്ചിരിക്കുന്നത്. കേരള സര്‍വകലാശാലയിലെ മാര്‍ക്ക് തട്ടിപ്പില്‍ അന്വേഷണം ആവശ്യപ്പെട്ട് കെ.എസ്.യു സംഘടിപ്പിച്ച സെക്രട്ടേറിയറ്റ് മാര്‍ച്ചില്‍ സംഘർഷം ഉടലെടുത്തിരുന്നു. ഷാഫി പറമ്പില്‍ എംഎല്‍എയ്ക്ക് തലയ്ക്ക് പരിക്കേറ്റു.

പോലീസ് എം.എല്‍.എയുടെ തലയ്ക്ക് ലാത്തികൊണ്ട് അടിച്ചു യാതൊരു പ്രകോപനവുമില്ലാതെയായിരുന്നു പൊലീസ് ആക്രമിച്ചതെന്ന് ഷാഫി പറമ്പില്‍ പറഞ്ഞു. മാര്‍ച്ചിനു നേരെ പൊലീസ് ജലപീരങ്കിയും കണ്ണീര്‍വാതകവും ഉപയോഗിച്ചു. പിന്നാലെ പ്രവര്‍ത്തകര്‍ക്കു നേരെ പൊലീസ് ലാത്തിചാര്‍ജ് നടത്തി. തുടര്‍ന്ന് എം.എല്‍.എയെ ആശുപത്രിയിലെത്തിക്കാതെ പോലീസ് ക്യാമ്പിലേക്ക് മാറ്റുകയുണ്ടായി. ഇതിൽ പ്രതിഷേധിച്ചാണ് ബന്ദ് ആഹ്വാനം ചെയ്തിരിക്കുന്നത്.