സിപിഎം സംഘടനാ റിപ്പോര്‍ട്ടിന്മേലുള്ള പ്രതിപക്ഷ നേതാവ് വി.എസ്. അച്യുതാനന്ദന്റെ വിയോജനക്കുറിപ്പു പരിശോധിക്കുമെന്ന് പൊളിറ്റ്ബ്യൂറോ അംഗം എസ്. രാമചന്ദ്രന്‍പിള്ള. പൊളിറ്റ് ബ്യൂറോ കമ്മിഷനാണ് കുറിപ്പു പരിശോധിക്കുക. കമ്മിഷന്റെ വിലയിരുത്തലും കണ്ടെത്തലുകളും കേന്ദ്രകമ്മിറ്റിയില്‍ വയ്ക്കുമെന്നുപം എസ് രാമചന്ദ്രന്‍പിള്ള പറഞ്ഞു.
സംസ്ഥാന സെക്രട്ടറി പിണറായി വിജയനെയും സംസ്ഥാന നേതൃത്വത്തെയും കടന്നാക്രമിച്ച് വിഎസ് നല്‍കിയ കുറിപ്പ് ഇപ്പോള്‍ ചര്‍ച്ചചെയ്യേണ്ടതില്ലെന്നായിരുന്നു കേന്ദ്ര നേതൃത്വത്തിന്റെ ആദ്യ നിലപാട്. വിമര്‍ശനങ്ങള്‍ സംഘടനാ റിപ്പോര്‍ട്ടിലുള്‍പ്പെടുത്തി സംസ്ഥാന സമ്മേളനത്തില്‍ ചര്‍ച്ച ചെയ്യണമെന്നാണ് വിഎസ് കേന്ദ്ര നേതൃത്വത്തിനയച്ച കുറിപ്പില്‍ ആവശ്യപ്പെട്ടത്.
 കത്ത് താന്‍ കണ്ടിട്ടില്ല. കത്ത് വിഎസ് അയച്ചതാണെങ്കില്‍ കേന്ദ്രകമ്മിറ്റി പരിശോധിക്കും. കത്ത് എങ്ങനെ ചോര്‍ന്നു എന്നു കമ്മിറ്റി പരിശോധിക്കുമെന്നും രാമചന്ദ്രന്‍പിള്ള പറഞ്ഞു.
വിഎസ് കേന്ദ്ര നേതൃത്വത്തിന് കുറിപ്പ് അയച്ചെന്ന വാര്‍ത്ത ഏറെ മാധ്യമശ്രമദ്ധ നേടിയിരുന്നു. ഈ വാര്‍ത്ത അദ്ദേഹം നിഷേധിച്ചതുമില്ല. അതേസമയം പാര്‍ട്ടി ജനറല്‍ സെക്രട്ടറി പ്രകാശ് കാരാട്ട് ഇക്കാര്യത്തില്‍ പ്രതികരിക്കാതെ ഒഴിഞ്ഞു മാറി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha