പാറ്റൂര് ഭൂമിയിടപാട്: എഫ്ഐആര് രജിസ്റ്റര് ചെയ്യണമെന്ന ആവശ്യം തള്ളി
പാറ്റൂര് ഭൂമി ഇടപാട് കേസ് എഫ്ഐര് ആര് രജിസ്റ്റര് ചെയ്ത് അന്വേഷിക്കണം എന്നാവശ്യപ്പെട്ട് നല്കിയ ഹര്ജി ഹൈക്കോടതി തള്ളി. പൊതുപ്രവര്ത്തകനായ ജോയ് കൈതാരം നല്കിയ ഹര്ജിയാണ് ആക്ടിംഗ് ചീഫ് ജസ്റ്റിസ് അശോക് ഭൂഷണ്, ജസ്റ്റിസ് എ എം ഷഫീഖ് എന്നിവരുള്പ്പെട്ട ബെഞ്ച് തള്ളിയത്. കേസില് പൊതുതാല്പ്പര്യമില്ലെന്നും ഹര്ജിക്കാരന് ഇതേ ആവശ്യമുന്നയിച്ച് നല്കിയ ഹര്ജി ലോകായുക്തയുടെപരിഗണനയില് ആയതിനാല് ഇപ്പോള് ഇടപെടേണ്ട കാര്യമില്ലെന്നും ഉത്തരവില് പറയുന്നു.
ഇടപാടില് അഴിമതി നടന്നുവെന്നു വിജിലന്സ് എഡിജിപി റിപ്പോര്ട്ട് നല്കിയ സാഹചര്യത്തില് എഫ്ഐആര് രജിസ്റ്റര് ചെയ്യണം എന്നാവശ്യപ്പെട്ട് വിജിലന്സ് ഡയറക്ടര്ക്കും ലോകായുക്തക്കും നേരത്തെ പരാതി നല്കിയിരുന്നു. ലോകായുക്തയില് കേസ് നിലനില്ക്കുന്നുവെന്ന് ചൂണ്ടിക്കാട്ടി വിജിലന്സ് ഡയറക്ടര് ഈ ആവശ്യം തള്ളി.
നിലവില് സിവില് സ്വഭാവമുള്ള കേസില് ക്രിമിനല് കുറ്റത്തിന് കേസെടുക്കണമെങ്കില് നിരവധി സാങ്കേതിക തടസ്സങ്ങളുണ്ടെന്ന് ചൂണ്ടിക്കാട്ടി ലോകായുക്ത ഇതേവരെ ഹര്ജിയില് തീരുമാനം എടുത്തിട്ടില്ല. ഇതേ തുടര്ന്നാണ് ഹര്ജിക്കാരന് ഹൈക്കോടതിയെ സമീപിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
