തൃപ്തി ദേശായിയോടൊപ്പം ബിന്ദു അമ്മിണി ശബരിമലയില്‍ പോകാന്‍ കൊച്ചിയില്‍ തമ്പടിക്കുന്നതിന് മുമ്പ് നിയമ മന്ത്രി എ.കെ. ബാലന്റെ ഓഫീസില്‍ എത്തിയെന്ന വാര്‍ത്ത വന്നു. ഇതേറ്റുപിടിച്ചു ബിജെപി നേതാവ് കെ. സുരേന്ദ്രന്‍ ബിന്ദു അമ്മിണിയെ കണ്ടെന്ന് പറഞ്ഞു. ശബരിമലയില്‍ യുവതികളെ കയറ്റാനുള്ള ഗൂഡാലോചനയുടെ ഭാഗമാണിതെന്നാണ് സുരേന്ദ്രന്‍ പറഞ്ഞത്. എന്നാല്‍ താന്‍ ബിന്ദു അമ്മിണിയെ കണ്ടിട്ടില്ലെന്നും അന്ന് തലസ്ഥാനത്തേ ഇല്ലാ എന്നുമാണ് ബാലന്‍ പറഞ്ഞത്. അതേ സമയം ബിന്ദു മന്ത്രിയുടെ ഓഫീസില്‍ എത്തിയെന്നതിന് സ്ഥിരീകരണവും വന്നു.

എന്നാല്‍ അത് സ്ഥിരീകരിക്കാതെ ബിന്ദുവിനെ കണ്ടില്ല എന്നാണ് മന്ത്രി ബാലന്‍ പറഞ്ഞത്. ഇതോടെ മന്ത്രി ബാലനെതിരെ ബിന്ദു അമ്മിണി രംഗത്തെത്തി. ഒരു പ്രമുഖ ചാനലിലെ ന്യൂസ് അവറിലാണ് ബിന്ദു അമ്മിണി തുറന്നടിച്ചത്. താന്‍ കാണാന്‍ വന്നത് എന്തിനാണെന്ന് വ്യക്തമാക്കാനുള്ള ആര്‍ജവം മന്ത്രി എകെ ബാലന്‍ കാണിക്കണമെന്നാണ് ബിന്ദു അമ്മിണി സൂപ്പര്‍ െ്രെപം ടൈമില്‍ പറഞ്ഞത്.

ബാലന്‍ മിനിസ്റ്റല്‍ ന്യായീകരിക്കുകയാണ്. എന്തിനാണ് ഓഫീസില്‍ വന്നതെന്ന് പറയാനുള്ള ആര്‍ജവം മന്ത്രി കാണിക്കണം. ഏറ്റുമാനൂര്‍ ട്രൈബല്‍ വിദ്യാര്‍ത്ഥികള്‍ പഠിക്കുന്ന മോഡല്‍ റെസിഡന്‍ഷ്യന്‍ സ്‌കൂളിലെ 12 ഓളം പിഞ്ച് ബാലികമാര്‍ ലൈംഗികമായി പീഡിപ്പിക്കപ്പെട്ടു. 95 ഓളം വിദ്യാര്‍ത്ഥികള്‍ പഠനം അവസാനിച്ച് ആദിവാസി ഊരുകളില്‍ പോയിട്ടുണ്ട്. ഗുരുതമായ ഈ പ്രശ്‌നം തുറന്ന് പറയാനുള്ള ആര്‍ജവം ഇല്ലാത്തതിനാലാണ് മറച്ച് വയ്ക്കുന്നതെന്നും ബിന്ദു പറഞ്ഞു.

അതേ സമയം തന്നെ ആക്രമിക്കാന്‍ ബിജെപി യുടെ സ്ഥാനാര്‍ത്ഥിയാണ് നേതൃത്വം നല്‍കിയതെന്ന് ബിന്ദു വ്യക്തമാക്കി. അണികളില്‍ നിന്നും കൂടുതല്‍ സംസ്‌കാരം പ്രതീക്ഷിക്കുന്നില്ല. അശ്ലീല ചിത്രങ്ങള്‍ എടുത്ത് പ്രചരിപ്പിക്കുകയാണ്. ഇങ്ങനെയുള്ള വരാണോ വിശ്വാസം സംരക്ഷിക്കുന്നത്. മുളക് സ്‌പ്രേ, തേങ്ങ എറിയുന്നവരാണോ വിശ്വാസികളെന്നും ബിന്ദു ചോദിക്കുന്നു.

ജനുവരി രണ്ടിന് വീണ്ടും ശബരിമല ദര്‍ശനം നടത്തുമെന്ന് ബിന്ദു അമ്മിണി പറഞ്ഞു. സംരക്ഷണം ആവശ്യപ്പെട്ട് സുപ്രീംകോടതിയെ സമീപിക്കുന്നതാണ്. ബിന്ദു അമ്മിണി ശബരിമല ദര്‍ശനം നടത്തിയതിന്റെ വാര്‍ഷികു കൂടിയാണ് ജനുവരി രണ്ട്.

ഇന്ത്യയിലെ വ്യത്യസ്ഥ പ്രദേശങ്ങളില്‍ നിന്നുള്ളവര്‍ ചേര്‍ന്നാകും ദര്‍ശനം നടത്തുക. നവോത്ഥാന കേരള സ്ത്രീപക്ഷ കൂട്ടായ്മയുടെ നേതൃത്വത്തിലാണ് ഇതുമായി ബന്ധപ്പെട്ട തീരുമാനങ്ങളെടുത്തത്. പോലീസില്‍ നിന്ന് സംരക്ഷണം കിട്ടുമെന്ന് പ്രതീക്ഷയില്ല. അത്‌കൊണ്ട് സുപ്രീംകോടതിയെ സമീപിക്കുമെന്നും ബിന്ദു അമ്മിണി പറഞ്ഞു.

ഇതിനിടെ മന്ത്രി എ.കെ.ബാലനുമായി കൂടിക്കാഴ്ച നടത്തിയ ശേഷമാണ് താന്‍ ചൊവ്വാഴ്ച ദര്‍ശനത്തിന് വന്നതെന്ന വാദങ്ങള്‍ ബിന്ദു അമ്മിണി തള്ളി. ബിജെപി നേതാക്കളാണ് ഇത്തരത്തിലൊരു ആരോപണം ഉന്നയിച്ചിരുന്നത്. ആദിവാസികളുമായി ബന്ധപ്പെട്ട വിഷയങ്ങള്‍ അവതരിപ്പിക്കാനാണ് മന്ത്രിയുടെ ഓഫീസില്‍ പോയതെന്നും അവര്‍ വ്യക്തമാക്കി. അക്കാര്യമാണ് ഇപ്പോള്‍ തുറന്ന് പറഞ്ഞത്.

ശബരിമലയില്‍ ദര്‍ശനം നടത്തണമെന്ന ആവശ്യവുമായി ചൊവ്വാഴ്ച എത്തിയ ഭൂമാതാ ബ്രിഗേഡ് നേതാവ് തൃപ്തി ദേശായിയടക്കമുള്ളവര്‍ക്കൊപ്പം ബിന്ദു അമ്മിണിയുമുണ്ടായിരുന്നു.

കമ്മിഷണറുടെ ഓഫീസിനു പുറത്തുവെച്ച് ബിന്ദു അമ്മിണിയുടെ മുഖത്ത് മുളകുലായനി സ്‌പ്രേചെയ്ത അഖിലേന്ത്യാ ഹിന്ദു പരിഷത്ത് പ്രവര്‍ത്തകന്‍ കണ്ണൂര്‍ തളിപ്പറമ്പ് സ്വദേശി ശ്രീനാഥ് പദ്മനാഭനെ പോലീസ് അറസ്റ്റുചെയ്തിരുന്നു. ഇയാള്‍ക്കെതിരേ കഠിന ദേഹോപദ്രവം ഏല്‍പ്പിച്ച കുറ്റം ചുമത്തി കേസെടുത്തിട്ടുണ്ട്. പ്രതിയെ റിമാന്‍ഡിലാക്കി.